Pyrrha sodalibus s.p.d.
Fugerat me antehac hic nuntius ex Ephemeride, quem hodie demum magnae meae maestitiae inveni:
http://ephemeris.alcuinus.net/vitalatina.php?id=643
Ericum ipsum, virum doctissimum atque comissimum, licuit mihi ante hos VI annos, in seminario LVPAno Praegae habito, cognoscere, e quo tempore epistularum commercium iucundum agentes amicitia iuncti eramus.
Perdidit Latinitas Viva strenuum fautorem atque propugnatorem, perdidimus nos, qui noveramus eum, amicum humanissimum atque carissimum. Deerit suavis benevolentia necnon doctrina profunda atque animi gratia.
At eheu, alia non facere poterimus quam ut custodiamus quae manent, scripta quae reliquit et in publico et privatim quae misit, et memoriam quam tenemus.
Numquam tui obliviscemur, Erice, in memoria semper eris vivus!