aenigmata

[Tiberis]

Tiberis Conso suo s.d.p.

templum Sacri Cordis in urbe Lutetia situm, de quo primo cogitavi, postremo reieci memor verborum tuorum "montis in excelso..." et "sidera tangit", cum Montem illum Martyrum collem satis humilem esse constaret..

[consus]

... memor verborum tuorum "montis in excelso..." et "sidera tangit", cum Montem illum Martyrum collem satis humilem esse constaret...

Bene, mi Tiberis. Sed disticha componenti mihi nonne licebat uti etiam superlationibus? Optime vale.

[Tiberis]

Tiberis amicis suis aenigmatophilis s.d.p.

quaeritur oppidulum : Romani ibi iam coluere:

temporis antiqui rudera pauca manent.

moenia cyanei maris alluit unda vetusta ;

hoce corona loco regibus imposita est.

miram atque exiguam cathedralem ibi conspicis aedem:

nono hoc exstructum saeculo opus fuerat .

quod oppidum ?
nomen coloniae Romanae?
nomen aedis cathedralis?

[Medicus domesticus]

Medicus Tiberi suo s.d.p.

Est oppidum in Dalmatia, quod Nin (Aenona erat nomen Romanum antiquum) appellatur. Ibi aedes sacra nomine Katedrala svetoga Križa inveniri potest.
Censeo illum locum solutionem aenigmatis tui esse.

Vale feliciter!

[Tiberis]

Tiberis Medico suo s.d.p.

optime solutum! quid plura? oppidum illud Liburnum prope urbem Iaderam situm vere dignum est visu. ecce imago aedis cathedralis, quae pro maxime exigua totius orbis terrarum habetur:
http://de.wikipedia.org/w/index.php?title=Datei:Heilig_Kreuz_Kirche_Nin_%28Kroatien%29.jpg&filetimestamp=20100202185648

optime vale!

[Medicus domesticus]

Salvete amici,

Nexu interretiali ad paginam fori Latini restituto propono nunc aenigma novum:

Physicus, qui libenter ludit, tabulam in manibus habet et stilo acuto scribit:

Signis mathematicis scriptis ille cogitat de temporibus antiquis imprimis de liberis Graecis.
De re quaesita cogitans subito filium suum in arte lusoria versatum videt bene illa re ludentem.

Qui lusus bene notus?

Optime valete!

[Medicus domesticus]

Salvete,
Timeo ne aenigma meum nimis difficile sit........vos adiuvabo:
Solutio inveniri potest Berolini: in museo temporum antiquorum calix (κύλιξ) Graecus est expositus, cuius imago demonstrat solutionem aenigmatis.
Physicus scripsit aequationem differentialem motionis lusus quaesiti.
Pueri sive liberi Graeci tali ludo ludebant. Fieri non potest, ut ludas sine funiculo.

Valete.

[consus]

Bene, mi Medice. Clementer abs te adiutus hoc ausim scribere: Nonne ante oculos tibi obversatur calix Berolinensis, qui inscribitur F2549? Cuius pars interior ornata est imagine pueri ludentis, qui manu funiculum tenet cum globulo coniunctum. Quem ludum nostra aetate Jo Jo appellari constat. Cf. http://www.gebr-grimm.de/cucke/seite1.htm.

[Medicus domesticus]

Medicus conso suo s.d.p.
Bene solutum , gratulor!
(Pater meus, qui etiam physicus est et Linguam Latinam Graecamque amat, auctor verus huius aenigmatis est, postquam de "Jo-Jo" collocuti sumus. )

Optime vale!

[consus]

Amici suis sal.
Poeta clarissimus, qui Theodisca loquebatur lingua, signum e marmore factum eximiis laudat verbis, quae aenigmatis proponendi causa Latine reddidi (ad clementiam vestram confugio, o poetae manes):
Forsitan tum etiam sculpta sit una ex Belidibus*, quae genibus summissis procubuit effusis in capillis. Afficeris admiratione, cum hoc marmor gradu ambis tardo: ingressus longam longam viam circa dorsum subtilissime rotundatum, ad vultum in saxum evanescentem quasi largum in fletum, ad manum, quae tamquam flos postremus leniter de vita admonet, alte abstrusam in aeternum rigorem glacialem saxi.
Qui poeta?
Quod signum?
Qui sculptor?
Quo aenigmate vos paullum delectatum iri spero.


_____________________
* Nomen paullulum mutatum.

[Tiberis]

Tiberis Conso suo sal.d.p.

nonne Rainer Maria Rilke his verbis*, quae anno MCMIII scripserat, signum ab Augusto Rodin e marmore sculptum ** laudavit, cui nomen Danais ?
*Vielleicht ist damals auch die Danaïde entstanden, die sich aus dem Knieen niedergeworfen hat in ihr fließendes Haar. Es ist wunderbar, um diesen Marmor langsam herumzugehen: den langen, langen Weg um die reichentfaltete Rundung dieses Rückens, zu dem sich im Stein wie in einem großen Weinen verlierenden Gesicht, zu der Hand, die, wie eine letzte Blume, noch einmal leise vom Leben spricht, tief im ewigen Eise des Blockes.

**http://images.google.com/imgres?imgurl=http://www.s-d-s.de/html/grafik/danaide.jpg&imgrefurl=http://www.s-d-s.de/html/haupt2.htm&usg=__FxdGAMvvMiHBIjF7TzMd4rbLjfE=&h=266&w=300&sz=7&hl=de&start=30&itbs=1&tbnid=WxNN3G-Gap8S1M:&tbnh=103&tbnw=116&prev=/images%3Fq%3Drodin%2Bdanaide%26start%3D21%26hl%3Dde%26sa%3DN%26ndsp%3D21%26tbs%3Disch:1

[consus]

Consus Tiberi amico suo praestantissimo sal.
Excellentissime rem investigasti. Gratulor. Nonne Danai puella, quamvis tristissima esse videatur, incredibili venustate praestat? Et Augustus Rodin sculptor est, quo ingeniosiorem vix puto reperiri posse, et Rainer Maria Rilke optimum de eo composuit opusculum, quod inscribitur Auguste Rodin*.
Cura ut optime valeas.

__________________________________
* http://www.textlog.de/3688.html

[Tiberis]

Tiberis amicis suis s.d.p.

est pictura quaedam mira atque insolita: nam vides pictorem , cum se ipse in speculo contemplatur, imaginem suam reddentem...

qui pictor?
quo in museo?

[romane]

Il Parmigianino (Francesco Mazzola) (1503–1540)
Selbstbildnis im Konvexspiegel

um 1523/24

Öl auf Pappelholz, kreisrund, Durchmesser 24,4 cm
Wien, Kunsthistorisches Museum, Österreich

[Tiberis]

erras, mi Romane, quod doleo. nam in pictura abs te citata imaginem quidem pictoris videmus, sed non pictorem ipsum imaginem suam reddentem..