aenigmata

[consus]

Ecce illius monumentuli photographema:
http://www.faz.net/m/%7B7F800EF9-00D2-4529-84BD-87C23E5D11D6%7DFile1_4.jpg.
Nonne - primo scilicet aspectu - lavatio pluvia videtur esse?

[Tiberis]

lavationi pluviae istud quidem monumentum non est dissimile. sed acu discum ferrugineum radente tantus stridor auditur, ut quam celerrime hunc locum fugere cupias. quod artifex , ut ipse dixit, non sine consilio fecit: "cum alii musici pro operibus suis ", inquit, "disco aureo honorati sint, ego illi Ioanni Piefke pro modis eius bellicis discum ferrugineum tribuo."

[Tiberis]

Tiberis amicis suis s.d.p.

de origine nominis oppidi cuiusdam haec fere narrantur: cum hostes tam diu oppidum obsiderent, ut iam cives fame perirent, domina arcis suem saginare constituit, quam , cum satis esset conferta, de muro deici iussit. hostes oppugnando fessi, cum suem validam conspicerent, plures eius generis in arce superesse arbitrati hastis abiectis domos redierunt. ex quibus unus campanis oppugnatione finita sonantibus dixisse fertur: "audite! domina _____ sonat."

nomen dominae?
nomen oppidi ?

[Apollonios]

Carcaso (vulgo Carcassonne) nomen est oppidi; "Madame Carcas sonne" dixit ille hostis, "domina Carcas sonat".

[Tiberis]

optime solutum, mea Apo, et brevissimo quidem tempore. quid plura? ex animo tibi gratulor.

[consus]

Consus Tiberi Apollonioque sal.
Eadem fere narrantur Terlani in pago quodam Tirolensi. Invenietis ibi arcem, quae nomen accepit a grype (Theodisce Greifenstein): Res ergo minime insolita!
Valete.

[Apollonios]

Apollonios sodalibus s.d.p.

quæsitum est opus scriptoris vicesimi ævi.

quisquis sponte se ipsum excæcat contra proximum, causam interserens se benigne agere, sæpius nihil facit nisi speculum frangere ne se ipsum adspiceat in eo. nam infirmitas naturæ nostræ poscit nos imprimis in alio detegere proprias miserias nostras. cave ne iubeas te capturam esse aliqua benevolentia inepta cordem molliente inficienteque mentem.
filia mea, homines probi se interrogant quo prosimus, et re vera ignoscendi sunt interrogantes. credimus eos apportare - gratia severitatis nostræ - argumentum multa sine difficultate omittenda esse quæ illi putant necessitates.

quis scriptor?
quod opus?

[Apollonios]

addendum.
opus quæsitum versio scænica est alii scriptoris (vel potius scriptricis) operis. scriptor quæsitus natus est magna in urbe quæ luminum appellatur.

[consus]

Cimmeriis cinctum tenebris aenigma videtur:

Quis vestrum poterit res aperire sagax?

[Tiberis]

nescio quod sit opus, scriptor quoque nescio quis sit.

o rem difficilem! quis feret auxilium?

[Apollonios]

Apo Conso Tiberioque s.d.p.

ecce novum indicem: opus agitur de mulierum congregatione in tempore conversionis.

[consus]

Verbis quid lateat tuis, opacumst:
Dempta spe dare terga nos videbis.

[Apollonios]

te, o Conse, desperare non videam!

titulus operis ad nomen congregationis mulierum refert. rerum novae tempus terroris describit fabula. praenomen scriptoris est idem illius sancti qui draconem necavit.

[Tiberis]

quæsitum est opus scriptoris vicesimi ævi.

opus quæsitum versio scænica est alii scriptoris (vel potius scriptricis) operis. scriptor quæsitus natus est magna in urbe quæ luminum appellatur.

praenomen scriptoris est idem illius sancti qui draconem necavit.

o Apolloni, Apolloni!
fateor equidem me plane nescire, quid ista verba sibi velint.
ergo de duobus scriptoribus - vel potius de scriptore et scriptrice - agitur, quorum alter (A) saeculo vicesimo iis verbis, quae abs te Latine reddita sunt, opus alterius (B) retractavit ?
si ita, nonne scriptor A, qui nobis quaerendus est, in magna illa urbe - quam Lutetiam Parisiorum esse suspicor - natus est ? et praenomen "Georgius", nonne ad scriptorem A pertinet ?

[Apollonios]

si ita, nonne scriptor A, qui nobis quaerendus est, in magna illa urbe - quam Lutetiam Parisiorum esse suspicor - natus est ? et praenomen "Georgius", nonne ad scriptorem A pertinet ?

omnia quae dixisti, mi Tiberis, vera sunt.