aenigmata

[consus]

In errore versamini, amici carissimi. Agitur enim de telo quodam prisco, quo, nisi fallor, mille quingentis fere ante annis in Europa, quae ad occidentem spectat solem, efficienter cuiusdam gentis utebantur milites…

[Francogallus]

Francisca est securis iaculata, qua Franci, Visigothi, Saxones et aliae gentes Germanicae utebantur, inter saecula quintum et octavum.

[consus]

Ita est ut scribis*, Francogalle. Gratulor tibi speroque novum nunc aenigma et abs te iri excogitatum.


_____________________
* http://www.ancient-east.com/products/swords/francisca-003-big.jpg

[Francogallus]

Licetne ænigmata proponere quorum responsum tantum e dialectica constituitur?

Capite damnato quodam missus est famulus cum lagœna veneni. Cum hodie autem est dies natalicius regis, is constituit ut damnato possibilitatem concedat vitæ servandæ. Rex ergo jubet alterum famulum ad damnatum mitti lagœnam aquæ plenam ferentem.
Ante damnatum adsunt duo famuli, quorum alter lagœnam veneni tenet, alter lagœnam aquæ, sed damnatus nescit quis quam lagœnam habeat. Damnato licet famulo uni rogationem unam facere, ad quam responsum utrum "ita" an "non" esse debet. At unus ex famulis semper mentitur, alter semper vera dicit.

Quid damnato rogandum est, ut vitam suam certo servet?

[romane]

quid respondebit alter, si eum ipsum rogarem: in qua lagonea venenum est ?

[Francogallus]

Bene, haec est solutio consueta hujus aenigmatis, sed regulas non accurate observat, quia rogationes quae verbo "quid" incipiunt stricto jure responsa "ita" vel "non" non recipiunt.
Etenim responsa sine compendio huic rogatione sunt "Respondebit "ita"" aut "respondebit non".

Exstat altera solutio hujus aenigmatis, quae constituitur ex quaestione cujus primum verbum est "an" (sive cujus primum verbum syllaba "-ne" desinit) ergo ex quaestione ad quam responsum vere "ita" aut "non" est.

Auxilium : Primum verbum rogationis potest esse "mentiturne..." (aut si vultis "verane dicit...")

[consus]

Equidem, mi Francogalle, (quamvis plenus venter... ) puto unum ex duobus famulis his interrogandum esse verbis:

"Dic mihi quaeso, optime rerum: Respondebitne confamulus se in manum tenere lagoenam aquae plenam?"

Si responsum erit “NON est”, orabo ut alterius mihi famuli lagoena tradatur.
Si responsum erit “EST”, orabo ut ipsius famuli interrogati mihi lagoena tradatur.

O collegium logicum...!!!

[romane]

Equidem, mi Francogalle, (quamvis plenus venter... ) puto unum ex duobus famulis his interrogandum esse verbis:

"Dic mihi quaeso, optime rerum: Respondebitne confamulus se in manum tenere lagoenam aquae plenam?"

Si responsum erit “NON est”, orabo ut alterius mihi famuli lagoena tradatur.
Si responsum erit “EST”, orabo ut ipsius famuli interrogati mihi lagoena tradatur.

O collegium logicum...!!!

"Dic mihi quaeso, optime rerum: Respondebitne confamulus se in manum tenere lagoenam aquae plenam?"

Respondebit : NON!!

Et ego scio alterum venenum non tenere

[Francogallus]

Solutio tua fungitur.
Vicisti.

Secundum solutionem meam, damnatus rogare debebat :
"Verane dicit qui lagonam aquae habet?"
(sive "Mentiturne qui lagonam veneni habet?")

Si responsum ei quaestione "ita" est, utrum verum sit an falsum, lagoena ejus qui responsum fecit bibenda est, quod quattuor lemmatibus demonstrari potest :


Lemma primum : Si responsum "ita" verum est, significat id verum esse famulum non mentiri qui lagoenam aquae habet. Cum hoc responsum non mentitio sit, significat eum qui responsum fecit mendacem non esse, propterea significat illum eum esse, qui lagoenam aquae tenet.

Lemma alterum : sin autem responsum "ita" falsum est, significat famulum mentiri qui lagoenam aquae habet. Cum hoc responsum mentitio sit, significat eum qui responsum fecit mendacem esse, propterea significat illum eum esse, qui lagoenam aquae tenet.


Lemma tertium : Si in contrario responsum "non" est, utrum verum sit an falsum, lagoena ejus qui responsum fecit venenum continet :
Si id responsum "non" verum est, significat id verum esse famulum mentiri, qui lagoenam aquae habet. Cum hoc responsum non mentitio sit, significat eum qui responsum fecit mendacem non esse, propterea significat illum eum NON esse qui aquam habet.

Lemma quartum : Sin autem responsum "non" falsum est, significat famulum mentiri qui lagoenam veneni habet. Cum hoc responsum mentitio sit, significat eum qui responsum fecit mendacem esse, propterea significat illum eum esse, qui logoenam veneni habet.

Ergo propter lemmata primum et alterum : si responsum "ita" est, damnatus debet lagoenam bibere ejus quem interrogavit.
Propter lemmata tertium et quartum, si responsum "non "est, damnatus debet lagoenam bibere ejus quem non interrogavit.

[consus]

Scripsisti, mi doctissime amice, „vicisti“: Cur numero usus es singulari?

[Francogallus]

Quia uni tantum novum aenigma proponere licet, si regulas bene intellexi.

[romane]

Responsum 'ita est' non dari posse

[consus]

Nonne, optime romane, res ab amico nostro Francogallico dilucide est explicata? Quanam de causa ITA negas responderi posse?

[romane]

mens meus valde occupatus non recte laboravit

[consus]

O di immortales, oro atque obsecro vos amico ignoscatis nostro .