aenigmata

[consus]

Consus Tiberi suo s. d. p.
Nonne Tiberis et alios fluvios diligit? - - - matercula aquosa: Hoc ipso vocabulo materculae memoriam mihi renovasti vocis матушка (matuschka), quo nomine Russi pie colunt Volgam. Flectit iter prope urbem Kasan. Cuius in insigni urbano basiliscus exhibetur ater, qui corona se aurea alisque rutilis ornatum esse gaudet.
Utcumque se habet res, amice, iniecta mihi spes est quaedam.

[Tiberis]

Volga, Volga, mat' rodnaya,
Volga, ruskaya ryeka...

Ita est,mi Conse: flumina mihi pergrata sunt .quid mirum?
iterum solutionem brevissimo tempore invenisti. gratulor !!
eheu, timeo, ne non iam inveniam, quod abs te non solvatur..

[consus]

Noli quaeso, mi amice, oblivisci Francisci Lehár...:
Es steht ein Soldat am Wolgastrand,
Hält Wache für sein Vaterland.
In dunkler Nacht allein und fern,
...

[consus]

Amicis spectatissimis sal.

In clarissimo museo urbis Europaeae haec exhibetur statua,
quae CC fere ante annis ab artifice ingenioso
ex puro sculpta est marmore:

Est locus in terris: statua est ibi marmore facta

Virginis aetheriae: pectora veste carent.

Nectare vas plenum tenet alte dextera tollens;

Porrigit at pateram laeva benigna manus.

Quae virgo aetheria?
Quo in museo?
Quis artifex?

[Tiberis]

Tiberis Conso suo s.d.p.

tuum quoque aenigma quodammodo ad Russiam pertinere videtur .
nam in museo nobilissimo Petropolitano, cui nomen Eremitage, illa virgo aetheria (Hebe) exhibetur , quae ab Antonio Canova marmore sculpta est.
http://www.flickr.com/photos/thisisbossi/3055500308/

[consus]

A Canova* sculpta est haec diva venusta iuventae:

Petropolis pulchra virgine gaudet ea.

Gratulor, mi amice. Incredibili enim celeritate, mi Tiberis, Hebes statuam investigasti. Nonne virgo leviter quasi suspensa videtur ingredi?

_________________________________
* Italice: Cánova [< cănăbă(m); Zingarelli]

[Tiberis]

salvete, amici !

est locus in terris: celeberrimum in urbe cafeum

multa frequentat ibi turba loquax hominum.

vir petasatus adest , mirus conviva tacensque:

immotus numquam deserit ille locum.

nomen viri petasati ?
nomen cafei ?
qua in urbe ?

[Zythophilus]

SALVE, Tiberis!
Fabula si uera est, Ithacensis condidit heros

moenia, quae quaeris, sed dubitanda mihi est.

Ille sua lingua "Persona" poeta uocatur,

cuius aena loquax terga taberna uidet.

Hanc notam, latices quae nigros praeparat, aedem

nominat a mundo uirgo oriunda nouo.

Olisibona
Fernando Pessoa
Café „A Brasileira“
http://upload.wikimedia.org/wikipedia/commons/c/c5/Lisboa-Pessoa-A_Brasileira-1.jpg

[Tiberis]

Tiberis Zythophilo suo s.d.p.

enodata taberna elegis urbs virque politis.

plura ego quid dicam? gratulor ex animo.

[Zythophilus]

SALVETE
Ecce nouum aenigma proponimus:
Austria quae quondam regnabat, moenia magna,

Vindobonaeque, hospes, conspicis illa memor.

His insigne leo sitaque arx in monte dederunt:

Haec deleta iacet. Nomen et ille dedit.

[consus]

Nisi fallor, mi Zythophile, urbem puto sitam esse in Galicia; cui nomen est Leopolis / Leoberga / Lemberga. Appellatur etiam Vindobona Orientis.

[Zythophilus]

Optime! Quid plura?

[consus]

Consus amicis suis pariter omnibus sal.
Quis vestrum hanc inscriptionem explanabit?

O__ QVID__ TVA__ TE
BE___BIS___BIA___VIT
___RA___RA___RA___
___ES___ET____IN__
RAM____RAM___RAM
_______I_____I____

Laetissimum vobis precor paschale tempus.

[romane]

unum _ describitne unam litteram

[consus]

Cave putes, romane, lineolis litteras significari!!!! Lineolae eo consilio a me insertae sunt, ut aptum spatium interesset inter litteras. Praeterea notum puto vobis esse illud Voltarii: Venez sous p ...