aenigmata

[consus]

Equidem, mi optime Tiberis, paene desperans nescio qua de causa convertor ad Caroli Levi librum, qui inscribitur Cristo si è fermato a Eboli. Sequitur, ut ire pergam ad Mateolanorum civitatem, cui nomen Italicum Matera. Quo loco vel potius in Mateolae saxis et Pasolini pelliculam¹ fecit et Mel Gibson². Quod verbo vidimus adductus ausim scribere.


______________________
¹ Evangelium secundum Matthaeum.
² Passio Christi.

[Tiberis]

Tiberis Conso invicto s.d.p.

heu me Sphingem miserrimam, quae verbis usa sim ambiguis et obscuris scilicet sperans te hoc modo de solutione desperaturum . sed spes mea vana fuit. tamen iam pridem praemium tibi, optime Conse, dari oportuit pro tot aenigmatis excellentissime solutis! ergo hac occasione data non solum nomine meo, sed etiam nomine ceterorum aenigmatophilorum praemium OEDIPODIS AUREI tibi bene merenti tribuo !

[consus]

Amicis suis.
Quod opus arte factum?

Est lapis immanis liquida suspensus in aethra.

Culmine fert celso castra superba suo.

Nubibus in niveis moles pendere videtur

Et spatio longo spumea Tethys abest.

[Tiberis]

Tiberis Conso suo s.d.p.

verbis tuis perpensis mihi in mentem venerunt monasteria illa Graeca, quibus nomen "meteora", id est "suspensa in aethra"; a quibus Tethys scilicet longo spatio abest: mare enim pristinum, in quo illi lapides quondam nascebantur, iam pridem recessit...
tamen nescio, quod monasterium (aut saxum) tibi ante oculos versetur. sed suspicor hoc esse:
http://www.google.com/imgres?imgurl=http://lh5.ggpht.com/_ovnplzjLYIY/Sbk_YN6vMxI/AAAAAAAACvQ/Bu5Krlp_tuw/1155731323.jpg&imgrefurl=http://picasaweb.google.com/lh/photo/DaOfLAwrec5qBN_A8W1qGg&usg=__nfL-FakSUJ_PoxTclyy3nITSCfw=&h=768&w=1024&sz=125&hl=de&start=152&um=1&itbs=1&tbnid=Qf0f04kYZwCxJM:&tbnh=113&tbnw=150&prev=/images%3Fq%3Dmeteora%2Bkl%25C3%25B6ster%26start%3D144%26um%3D1%26hl%3Dde%26sa%3DN%26rls%3Dcom.microsoft:*:IE-SearchBox%26rlz%3D1I7MEDA%26ndsp%3D18%26tbs%3Disch:1

[consus]

Consus Tiberi suo s.pl.d.
Stupeo quidem admiratione photographematis; video enim saxum, quod ex parte illius ponderis saxei, quod distichis descripsi, simile videtur esse. Sed - pro dolor - monasterium in rupis vertice est positum, non castra, et quod maioris est momenti: rupes illa photographata nonne cum terra coniuncta est? Num tota in liquida pendet aethra? Equidem, mi amice, fateor ambigua esse verba “Quod opus arte factum?” - Oportebat scribi
Quae tabula eximia arte picta?
Optime vale.

[romane]

fortasse est mons Koronos

[Tiberis]

Tiberis Conso suo iterum s.d.p.

equidem, cum primo non de tabula picta cogitavissem, denuo quaerendo tabulam a Renato Magritte anno MCMLIX. pictam repperi, in qua ille lapis immanis, in cuius culmine castellum situm est, supra mare pendere videtur..
http://www.kunst-fuer-alle.de/deutsch/kunst/kuenstler/kunstdruck/rene-magritte/60/1/5629/le-chateau,-1959

[consus]

"Oedipus aureus" Sphingi Stiricae sal. pl. d.
Accipe quaeso gratulationem versibus involutam!

Sphinx nunc Oedipodem caecum percussit acerba,

Et prostratus humi - pro dolor - ille gemit.

[consus]

Addendum.
Forsitan et haec placeat tabula picta: http://www.guenther-hauschildt.de/deutsch/grabb/was-magritte-nicht-wusste.html.

[Tiberis]

"quid Magritte nesciverit" - tabula picta mehercle facetissima !

sed Oedipodi novum imminet aenigma.

ecce dramatis musici argumentum:

Pax est facta, sed arma non silebant.
invito patre nuptiae parantur:
sponso filiolam suam daturum
se speraverat ille ditiori.
heu, prodit generum hostibus futurum.
qui tamen sociorum ad arma fugit.
mox exercitus hostium recedit,
poenas proditionis ille solvit.


nomen dramatis musici?
nomen eius, qui modos fecit?

[Apollonios]

ni fallor, de opere agitur Haendelis, titulo Arminio.

[consus]

Montibus Austriacis residet Sphinx horrida celsis

Pectus et Oedipodis nunc trepidare videt.

[Tiberis]

Montibus Austriacis residet Sphinx horrida celsis
Pectus et Oedipodis nunc trepidare videt.

memento , mi optime amice, ut Oedipo aureo honoratum hoc praemio dignum te praestare oportere !
sed volo me esse clementem: drama musicum, quod oro vos quaeratis,eo tempore primum editum est, cum iterum arma non siluerunt...

[Tiberis]

ni fallor, de opere agitur Haendelis, titulo Arminio.

falleris, mea Apo, quod doleo. ceterum respice, quaeso, quid de hac re Conso nostro responderim!

[Tiberis]

adeste Oedipodes quot estis omnes,
mente atque ingenio solutionem
vestro aenigmatis huius invenite ,
turpiter nisi forte vultis hastas
vestras abicere, ut labore nullo
impares superasse glorietur
Sphinx. contendite,cogitate, amici !