aenigmata

[Zythophilus]

SALVE, Conse!
Denique nos nodum soluisse putamus alacres.
Gorsium oppidum in Pannonia situm una littera mutata Gordium fiat.
VALE

[consus]

Szívből gratulálok! (Verba Phrygia - pro dolor! - prorsus mihi ignota sunt .) Ex animo tibi gratulor, amice.

[Zythophilus]

Ecce nouum:
Caeruleam turrim me construxere priores.

Lutea tunc species additur apta minus.

Qui fuerat quondam, mihi restituere colorem:

De coelo moneo turris ut ante micans.

[Zythophilus]

Qua regione moror? Quibus insum moenibus alta?

Qui legis haec, nomen dic mihi dicque locum!

[Tiberis]

hac ego conspicior ,quam quaeris, imagine turris:
http://www.google.de/imgres?imgurl=http://www.austria-lexikon.at/attach/Community/Alles_%C3%BCber_%C3%96sterreich/D%C3%BCrnstein/Blick_auf_Kirche_und_Ruine/Redaktion_duernstein_blick_kirche_ruinie.jpg&imgrefurl=http://www.austria-lexikon.at/af/Community/Alles_%25C3%25BCber_%25C3%2596sterreich/D%25C3%25BCrnstein/Blick_auf_Kirche_und_Ruine&usg=__XpmfnFULzGW6HS6gxcexLIzl2_8=&h=397&w=430&sz=23&hl=de&start=17&um=1&itbs=1&tbnid=bzzhfxZbT6XWvM:&tbnh=116&tbnw=126&prev=/images%3Fq%3Dd%25C3%25BCrnstein%26um%3D1%26hl%3Dde%26sa%3DN%26rls%3Dcom.microsoft:de:IE-SearchBox%26rlz%3D1I7HPNN_de%26tbs%3Disch:1

(turris aedis sacrae ad monasterium Augustinorum pertinentis, in oppidulo Austriae Inferioris Dürnstein)

[Zythophilus]

Cum dubitans tulerat mens distichon addere metris,

exposita est, Tiberis, res ratione tua.

Fluminis unda sonat, nautarum turba salutat.

Lutea pruna iuuant uuaque pressa uiros.

[Tiberis]

salvete, amici!

vitrea conspicitur crudelis imago tyranni,

quin etiam socii eius, in aede sacra.

qua in aede sacra?
nomen tyranni sociique eius?

[Medicus domesticus]

Medicus Bavaricus Tiberi Austriaco salutem dicit plurimam!

Versibus tuis lectis puto me solutionem aenigmatis investigasse.
Est aedes sacra in Styria sita, quae "Stadtpfarrkirche Graz" nominatur. Qua in ecclesia inveniri potest fenestra vitrea: Hac in imagine non solum tortores Iesu videmus, sed etiam duos viros crudelissimos orbis terrarum: "Hitler" et "Mussolini".....[*]

Sol hodie lucet et calefacit....ergo in verticem montis ascendam.
Optime vale!

[*]
http://de.wikipedia.org/w/index.php?tit ... 1108205512

[Tiberis]

Tiberis amico suo Bavarico s.d.p.

ergo tu, mi Medice , brevissimo tempore invenisti,quod me ipsum, qui diutissime in ea urbe vixissem, adhuc latebat. gratulor!
quam iucundissimum tibi exopto iter montanum !

[Medicus domesticus]

Ecce novum, amici!

Aquam et columnas fractas ibi vides temporibus nostris.
Temporibus antiquis aedificium cyclicum erat refugium viri
cuiusdam et locus tranquillitatis. Si audiveris nomen aedificii,
memor eris viri, qui libenter itinera faciebat.

Nomen viri?
Nomen aedificii?

Vale!

[Zythophilus]

Qui sanare soles, Hadrianus quaeritur a te,

cui placuit Tiburs atque ibi facta domus.

Imperator Caesar Traianus Hadrianus Augustus, Pontifex maximus, Tribuniciae potestatis XXII, Imperator III, Consul III, Pater patriae.
Villa quae dicitur Hadriana

[Medicus domesticus]

Celerrime tu invenisti virum praeclarum,euge! , sed tu etiam investigabis aedificium cyclicum quaesitum, quod est pars villae Hadrianae?

[consus]

heu me miserum! Zythophilus me occupavit . Nonne illud aedificium est rotundum, quod Theatrum Maritimum appellatur?

[Zythophilus]

SALVE
Te, optime medice, illo de aedificio, quod theatrum maritimum appellari solet, locutum reor.
VALE

[Medicus domesticus]

Eugepae, mi Conse et mi Zythophile!
Theatrum maritinum erat refugium Hadriani in villa sua:
http://farm2.static.flickr.com/1134/144 ... 325e30.jpg

Optime valete!