Thomas Bernhard: decessit pridie Id. Febr. a. MCMLXXXIX

[consus]

Sero, neque tamen serius quam decet---: Hoc ipso die in memoriam redeamus Thomae Bernhard, celeberrimi scriptoris Austriaci. Nuper eius legi librum postumum, qui inscribitur De Praemiis Meis (id est Meine Preise), idque summo cum gaudio. Saepe temperare mihi a risu non poteram. Sed legite modo ipsi...

[Tiberis]

cum Thomas Bernhard in nonnullis operibus de praemiis suis acceptis scripserit, operae pretium est novissimum quoque eius librum legere.
ceterum his diebus diurnarii Austriaci Bernhardum , quem vivum haud raro contempserunt, summis efferunt laudibus; quod exemplum est consuetudinis Austriacorum, qui poetas suos, cum vivos ut sibi invisos parvi aestiment, post mortem laudare et celebrare solent.
nunc Bernhardus , qui vivus semper ei rei repugnaverit, quasi poeta publicus habetur et possidetur; nil iam refert eum per testamentum interdixisse , ne libri sui in Austria venirent neve fabulae suae in theatris nostris ederentur...

[consus]

Legendum censeo esse et Caroli Ignatii Hennetmaier librum, qui inscribitur Ein Jahr mit Thomas Bernhard*, quo commentarii diurni a. MCMLXXII compositi continentur.


-----------------------------
* Salisburgi / Vindobonae, MM.

[Willimox]

Carissimi amantissimi scriptorum illius clarissimi poetae Austriaci!

Contemptio, insultatio, increpatio, vis comica -
in sententiis adversus Austriacos,
adversus incolas meae urbis (Augusta Vindelicorum).

Nonne haec omnia amori, admirationi, odio, risui?

Conferte.....