Abhinc ... annos

[consus]

...legite, sultis: http://stroh.userweb.mwn.de/schriften/insania.html ...

Stramineis illis delector – non nego – verbis;

Tempore sed nostro nonne volare iuvat?

[ille ego qui]

Iuvat quidem aliquando, tamen constat haud mediocre nos damnum afferre aeri caeloque, cum volamus. fateor tamen ne me quidem a volatu penitus abstinere

[Zythophilus]

Henrico imposuit Paschalis papa coronam.

Regi captus erat praesul in aede Petri.

[Zythophilus]

Post iter Europam defuncta est Clara per omnem

factum: Num fuit haec femina? Rhinoceros!

[Zythophilus]

Chrysoloras mortuus est legatus,
qua Brigantinus lacus admouebat
litori fluctus, sociosque promptus

quaerere et arma.

[consus]

In melico Xerxes est dramate tortus amore.

Händel opus fecit: Quam speciosa mele!

[Zythophilus]

Iosephus natus Benedictus papa futurus,

cui pro te Tiberis murmurat, Aene loquax.

[Zythophilus]

Morte iubente senex petiit Camerarius Orcum,

qui uarium sapiens fecerat auctor opus.

[Zythophilus]

Occidi monachum Perfectum Corduba uidit.

Cuius supplicii causa necisque fides.

[Zythophilus]

Qui Iosepheus erat, Benedictus papa creatus.

Nuntiat electum candidus esse uapor.

[Zythophilus]

Christophorus petiit tenebras Demantius Orci,

plurima cui fuerant carmina facta uiro.

[Zythophilus]

Quis tunc quisquilias ex urbe remouit inanes?

Romule, cui quondam condita Roma, refer.

https://kurier.at/chronik/weltchronik/n ... 05.396.018

[Zythophilus]

Regiomontanus sapiens uir Cantius ortus.

Vti non potuit tunc ratione sua.

[Zythophilus]

Natus Chemnitii – melius mihi dicite nomen! –

uates Fabricius. Metra librosque dabit.

[consus]

Natus Chemnitii – melius mihi dicite nomen! – ...

Chemnĭcia nomen urbis est spectabilis
Vates ubi ille vitae in lumen prodiit.