Abhinc ... annos

[Zythophilus]

Heu, de sambuco pendes, Colomanne necate,

quem sanctum pietas inde fidesque colent.

[Zythophilus]

Ennodius Felix aufertur morte Ticini,

plurima qui mundo metra librosque dedit.

[Zythophilus]

Romanos regi uidet Allia cedere Brenno

et properans Romam Gallica turba petit.

[marcus03]

Exercitus Romanus in pugna ad flumen Alliam facta a Celtis Brenno duce devincitur.
Tum Roma capta diripitur ab illis.

[Zythophilus]

Ortus in urbe furit Tiberina maximus ignis

et flammis pereunt templa, theatra, domus.

[marcus03]

Franciscus Petrarca poeta et rerum scriptor Italianus nascitur Arreti.
Decessit a.d. XIV Kal. Aug. anno MCCCLXXIV Arquae.
Cum illo Dante et Boccaccione auctor est humanismi aetatis renatae et litterarum Italianarum ineuntium.
A quo amoris ars lyrica, quae Petrarcismus appellatur nomen trahit et usque ad saeculum decimum septimum permansit et omnem in Europam diffundi coepit.

Qui se explicare posse putat, quomodo ametur, parum amat.

Librorum collectio supellex est praestantissima.

Multum interest, utrum aliquid sciam an id amem,
utrum id intellegam an studeo, ut id assequar.

Nonne semper evenit, quod amore vero alii incitantur, ut
suos mores pravos in bonos mutent?

Aliam voluptatem esse ac eam, quae ad discendum pertinet, non probo.

Naturae lex est haec: cor non requiescet,
dum id assectum erit, quod desiderat.

Scientia et claritas mentis argumenta sunt optima.

Superbiae species etiam peior est, si alios potius detractamus quam nos ipsos efferimus.

Quae divitiae maiores sunt quam eius, qui nulla indiget re?
Quae potentia maior quam eius, qui sui iuris est.

Hoc est, quo in miseriam praecipitamini: sua sorte non contentus homo quisque
animo beatitudinem summam appetit.

Oblivisci disce, quod nulli est usui, et reminiscere omnium rerum pulchrarum amore plenus!

Quinque pacis inimici in nobis habitant: aviditas, invidia, ambitio, ira superbiaque
Quibus depulsis sine dubio pace frueremur aeterna.

[Zythophilus]

Natus Alexander Pellae cognomine Magnus,

cui Mars armipotens maxima regna daret.

[Zythophilus]

Dicere quem nolo, delet delubra Dianae

atque Ephesi flammis templa perire uidet.

[Zythophilus]

Ad Rhenum perlata trium sunt corpora regum

et custodit adhuc laeta Colonia opes.

[marcus03]

Ford Motor Company, confectrix autoraedaria Americana autoraedam nomine Model A primum vendit. Quae fuit autoraeda prima ab ea fabricata, quae annos II composita est in taenea continua.
Cuius exempli MDCCL in summa venierunt. Primus emptor fuit medicus dentarius Aemilius Pfenning.
Qui dollarios DCCL erogasse fertur ad illam comparandam.
Vehiculi pondus fere DC chiliogrammata fecit. Summa velocitas chiliometros LXXII pro hora fecisse fertur.
Henricus Ford mille XXVIII dollarios impenderat caput initiale ad illud vehiculum fabricandum.

https://www.welt.de/motor/article112022 ... -1903.html

[marcus03]

Iacobus Chadwick physicus Britannus obit Cantabrigiae.
Natus est a.d.XIII Kal. Nov. MDCCCXCI in oppido Bollington in Cheshire occidentali sito.
Qui atomi particulam repperit anno MCMXXXII, quod Neutronum appellatur.
Quam ob rem praemio physicae Nobeliano affectus est anno MCMXXXV.

Timeo, ne neutrona nulli homini usui alicui umquam futura sint.

Difficile est captu neutronum. Ceterae particulae videri possunt et observari potest, quid agant,
sed neutronium videri non potuit nec reliquit vestigia ibi, ubi se versatum erat.

Multa quidem mirabilia et gravia acta sunt, sed ad cognita confirmanda potius quam ad nova reperienda; quamvis multum operae impensum est, novus scientiae locus nondum patefactus est."

[marcus03]

Imperator Constantinus Magnus a copiis suis proclamatur Augustus.

[marcus03]

Aldous Leonard Huxley scriptor et philosophus Britannus nascitur in oppido Godalming
in Anglia meridiana sito.
Decessit a.d. X Kal. Dec. anno MCMLXIII Londini. Peiore visu annos tres vel caecus fuit.
Annos XXII natus librum protulit primum, qui inscribitur RAEDA ARDENS.
Frater est biologi et scriptoris Iualiani Huxley.

Innotuit fabula, quae NOVUS MUNDUS FORTIS inscribitur et anno MCMXXXII prolata est.
Adhoc composuit fabellas, carmina, pellicularum manuscripta.
Septies propositus est, ut sibi litterarum praemium Nobelianum tribueretur.
Anno MCMXXXVII in Civitates Americanae Foederatas emigravit,ubi in California partem maiorem
vitae reliquae egit.
Annis suae vitae ultimis in materia psychodelica versatus est, quam rem in libro, qui
inscribitur Perceptionis Portae descripsit. Droga Mescalini usus esse dicitur ad mundum psychodelicum
experiendum.
Incertus, Deus sit an non, religionem quamque institutam repudiavit.
Tamen id studuisse videtur, ut investigaret, ad quid natus esset.

Iterum atque iterum doctus universalis putatus est et vir fuit summae rationis mentisque acutae.
Cuius opus omne cogitationi humanisticae favet.

Et in rebus spiritualibus mysticisque et in philosophie perenni versatus esse fertur.

Facta non tolluntur, si negleguntur

Beatitudinis et virtutis mysterium hac in re positum est, ut amemus, quod agere debeamus

Homo horum dierum nullum vitium aliud repperit nisi hoc:celeritatem.

Prudentes eligunt ipsi ea, quae experiri volunt.

Homo, qui rationi credit et imprimis ea utitur, est ille, qui aliquid iucundius invenit concubitu.

[Zythophilus]

Emoritur factor mirorum Pantaleemon:

Pauperibus per eum est reddita saepe salus.

Quem uixisse negant et fabula ficta uidetur,

cum tamen hunc sanctum plurima templa colant.

[marcus03]

Pactum de rei publicae statu valere incipit. Qua re Austria omnibus rebus denuo sui iuris est.