LATINITAS VIVA

[ThomasVulpius]

Thomas sodalibus s.p.d.

Sunt, qui hunc situm interretialem "Fistulam tuam" vocent.

Quid vobis videtur?

Bene valete et cavete, ne placentae, quae in mensis vestris iaceant, a blattis devorentur!

Thomas "ioculator" Vulpius

[Laptop]

Censeo nomina propria non esse in Latinum convertenda, nisi ex lingua Latina orta, aut in ea nota sunt, ut: Augusta Treverorum, Ludovicus, Rhenus. Ideo ne converte verba „Facebook“, „Nestle“, „Adidas“.

[ThomasVulpius]

Censeo nomina propria non esse in Latinum convertenda, nisi ex lingua Latina orta, aut in ea nota sunt, ut: Augusta Treverorum, Ludovicus, Rhenus. Ideo ne converte verba „Facebook“, „Nestle“, „Adidas“.

Quid cogitas de "Vulpe igneâ", i.e. "Firefox"?

[Laptop]

Salve Thomas. Nihilo magis commode mihi videtur quam „Feuerreineke“ aut „renard de feu“. Cur rem sine necessitate difficilem reddere?

[Zythophilus]

SALVETE
Diu res inuentae nominibus Latinis uel potius Graecis nominatae sunt. Quorum nominum multa tam usitata sunt, ut uix quisquam de origine eorum cogitet. Dico thermometrum et telephonum. Nostra autem aetate nominibus Anglicis utimur, ut res nouas describamus. Quis nos impediet, quin nomina Latina quaeramus? Vtrum uerba Anglica uertamus an modo formas eorum mutemus?
VALETE

[ille ego qui]

Christianus amicis suis Latinis sal.

Latine loquentibus nihil hercle incommodius quam nomina indeclinabilia! minus igitur hoc quidem loco sto cum Laptopio quam cum Zythophilo ac Vulpio.
unde mihi perplacet, ut exemplum afferam, dicere - nomine Graeco - prosôpobiblion pro facebook. quod nonne tibi, optime Laptopi, arridet? pro youtube equidem "tubum" sive "tubulum tuum" dicere consuevi, quo magis origo notioque perluceat. neque minus inter ientaculum dulcissima mea cerealia Nestliana appellare dubitem ... ut de vestimentis "Adolphianis" aut "Dasslerianis" non dicam

bene valete.

[ille ego qui]

googlen = gugulare!

[Zythophilus]

"Fornix" mihi uerbum aptum uidetur. Quin talis locus nocte adeatur, dubium non est.

[Tiberis]

prosôpobiblion pro facebook.

equidem longe aliter sentio de hac re.
nam censeo youtube aut facebook ut nomina societatum interretialium Latine non reddenda esse. cuius societatum nec nomen Theodiscum exstat nec Francogallicum nec Russum eqs.; quapropter non est causa, cur ea Latine reddamus. caveamus, ne ipsas notas transferendo mutemus! res sane ridicula esset, si - ut exemplo utar - "volkswagen" in Latinum convertere temptaremus. quid? "lufthansa" an "general motors" Latine reddamus ?? de qua re neminem nisi paucos insanos Latinistas cogitaturum esse persuasum habeo.
nomina notarum nusquam in orbe mutantur aut transferuntur, quod id ipsum naturae earum repugnet.
quid autem est facebook (aut youtube) nisi nota?

[consus]

Vox fornicis parum apta mihi videtur esse, mi Zythophile. Nihil enim aliud viri in fornicibus agunt nisi ut fornicentur, id est concumbant cum meretriculis. Quis cellas illas concameratas frequentat solum bibendi causa?

[Laptop]

neque enim refert nos Romanis antiquis novas res quasi explicare;

Plane tibi assentior, Tiberis. Si vis, ut lectores litteras tuas libero cursu legant percipiantque, conducit, aio, verba commenticia fugere et verba ut „facebook“ vel „YouTube“ integra scribere. Incautum est opinari alios intellegerent, quodcumque tu ipse libere finxisti.

[ille ego qui]

[[ hic commentarius obsoletus extinguatur! gratias - in antecessum, ut aiunt - ago! ]]

[ille ego qui]

ex aliqua parte et ego vobis assentior. haec tamen oportet memoria retineamus:
- verba indeclinabilia a Latinitate satis aliena sunt! - et parum commoda!
- itemque notae, quas dicitis, a Latinitate alienae.
- aliter atque compluribus linguis vernaculis (hominum) propria nomina lingua Latina accommodantur (Latinisierung)
- quis Graeci sermonis peritus - aut pauxillisper aut nihil meditatus - non intellegat (parvo cum risu), quid sibi velit "prosopobiblion"? (non certe magis perspicua "interrete", "autocinetum", "mastic(atori)um" ...) haec omnia non intelleguntur nisi explicata aut paullum perpensa!

sed ut dixit Tiberis: minimi hoc est momenti! mihi quidem valde displicent tales voces orationi Latinissimae inspersae! adde ut talia Latine (vel Graece) reddere lepidus quidam ludus mihi videatur. alii aliter sentiant!

molliter cubetis

[Zythophilus]

cum hominibus nostrae aetatis

Tiberim, qui quot annos natus sit, nescio, tales tabernas frequentare solere uidelicet.

[Tiberis]