LATINITAS VIVA

[Zythophilus]

Homines nostrae aetatis aut sunt, qui eodem tempore uiuunt, aut, qui totidem annos nati sunt.

[Medicus domesticus]

Salvete,
Propono haec, quae inveniri possint in Civitate Vaticana ..
---> taberna discothecaria

Valete

[Zythophilus]

An illa in ciuitate inueniantur, dubito, mi medice, nocte enim cadente portae seris clauduntur.

[Medicus domesticus]

Haec verba certe inveniuntur in Civitate Vaticana quasi in libro , cui nomen est "Lexicon Recentis Latinitatis" ....

[Zythophilus]

Quin uerba ibi inuenirentur, numquam dubitaui; tales tabernas circum sedem Petri sitas esse non credo, sed quis scit? Forsitan custodes Heluetii etiam pro portis tabernarum discothecariarum stent.

[ThomasVulpius]

:lol:
Haec verba certe inveniuntur in Civitate Vaticana quasi in libro , cui nomen est "Lexicon Recentis Latinitatis" ....

Salve!

Quomodo tibi contigit, ut hoc loco litteris Graecis uterere?

Thomas Vulpius

[Laptop]

domus saltatoria?

[ThomasVulpius]

Salvete, grammaticês experti!

Rem, quam quaero, cricrumscribere conor:
"Hoc me paene dicere posse mihi videor, sed verbum ipsum in praesenti ad memoriam revocare non possum."

"Ille ego, qui" proponit: "vox prosiliens retenta est."

Quid vobis videtur?

Bene valete et cavete, ne in viis ambulantes in foveas fimi plenas incidatis!
Qui autem inciderunt, ii ut Germani foetebunt.

(Germani enim liberos suos fimo oblinunt, ut ita foeteant, ut a smilodontibus praedatoribus non devorentur.)

Thomas "ioculator" Vulpius

[consus]

Apta et haec puto esse Plauti verba.

Cf. Plaut. Trin. 906-909

CH. Quid est ei nomen? SY. Quod edepol homini probo.
CH. Lubet audire. SY. Illi edepol — illi — illi — vae misero mihi.
CH. Quid est negoti? SY. Devoravi nomen imprudens modo.
CH. Non placet qui amicos intra dentes conclusos habet.
SY. Atque etiam modo vorsabatur mi in labris primoribus.

ibd. 925

Sy. Satin inter labra atque dentes latuit vir minimi preti?

[ThomasVulpius]

Salvete, sapientes!

Quomodo "auf dem Schlauch stehen" Latine dîcâtur, resciscere velim.

Quid ii, qui Plauti et Terenti comoedias saepe legunt earumque elocutionum, quibus comoediarum poetae ûtantur, magnam habeant scientiam, prôposituri sint, suspenso animo exspecto.

Bene valete et scaphas vestras Hoveriânas inspicite, ne anguillarum plenae sint.

Thomas "ioculator" Vulpius

[ille ego qui]

utrum dicere
non potest, quod non occurrat (=> germ.: "liegt auf der Zunge),
an non potest, quod ipse non audeat pronuntiare,
an non vult?

[consus]

Salve, Vulpi!

Litteris disertissimi nostri Arpinatis evolutis haec repperi verba quae nescio an apta sint:

In hac causa mihi aqua haeret (Cic. ad Q. fr. 2, 6 [8], 2).

Et Plautus verbo utitur haerendi:

Capt. 531sq. ... quid machiner? quid comminiscar? maxumas nugas, ineptiam incepisse. Haereo.

[ThomasVulpius]

Salvete, historiae perîti!

Quomodo id înstrumentum, quod "Streckbank" Germanice, "torture rack" Britannice vocâtur, scîre gestio vel concupîscô.

In hôc tortûrae gradû sâga in grabâtô iacebat et carnifices eius membra prehênsiône prôducêbant, dum commisûrae ex acêtâbulîs êvulsae sunt.

Ut omnibus in aliis rebus, sic etiam in hâc multo facilius nôbîs est ea, quae dîcturi sumus, Graece exprimere quam Latîne.

En! Ego ipse novum verbum composui, quo "grabâtum extênsorium", ut ita dîcerem, significaremus Graece:
τὸ *στρεβλητήριον

Thômâs vester, scientiae rerum gestarum avidus

[Tiberis]

Vulpi, tune paras cruciatum et carnificinam ?

quem in tormenta dabis? discipulosne tuos?

[consus]

Nonne aptum videtur esse vocabulum eculei? Cf. Sen. epist. 67, 3; dial. 5, 3, 6 (de ira 3); Isid. orig. 5, 27, 20 (de poenis in legibus constitutis).