LATINITAS VIVA

[Zythophilus]

Quaenam sint, quaeris, tormentis nomina, Vulpi.

Omnibus his peior, garrule, lingua tua est!

[Laptop]

Addam commentario consi: et in hoc libro verbum eculei in Germanice reddebatur ut „Streckbank“.

http://books.google.com/books?id=-O18Cv ... nk&f=false

[ThomasVulpius]

Salvete!


Fortasse: "animo percurrere res proponendas".

Cum enim de "Brainstorming" loquimur, novas res, quae ad aliquod propositum áttinent, animis nostris percurrimus et excogitamus.

Bene valete!
Thomas vester

[Tiberis]

animis nostris percurrimus et excogitamus.

nonne ad exemplum officiorum oratoris, de quibus apud Ciceronem* legimus, nos dicere oportet "inventio" (aut "excogitatio")?

*orator 44

[passer]

Cum sentio omnia nomina esse redigenda ad formas Latinas, scire volo, quomodo hoc nomen dicitur. Gratias ago!

[Zythophilus]

Hoc nomine, quod quaeris, opifex nuncupatur, qui cupas aliaque uasa lignea facit. Suadeo, ut eum Latine "cuparium" uocemus.

[consus]

Equidem, amici, amicos nostros Gallos summa admiratione puto esse dignos, quod quam plurima vocabula Anglica sua ipsorum lingua sibi reddenda esse censent. Quid ergo?
brainstorming] remue-méninges. Quibus verbis adductus hoc propono vocabulum Latinum:
agitatio cerebri.

[ThomasVulpius]

Thomas sodalibus salutem!

Si quis linguâ tam male loquitur, ut eum vix intellegamus, Germanice dicitur:
"Die Sprache radebrechen."

Quomodo haec elocutio Latine exprimatur, scire velim.

Valete!
Thomas vester

[ThomasVulpius]

Salve,

propterea quod illud "radebrechen" ex eo tormentorum modo, quo capite damnato crura rotis frangerentur, derivatum est, illud verbum Theodiscum linguae tormenta exprimi videtur. propono igitur linguam vexare vel linguam torquere.

Apud Aristophanem Scythi pessime Graece loquuntur.

Propono: "Is Latine Scythico modo loquitur."

Bene vale neque expavescas araneas per conclave tuum currentîs!
Thomas tuus

[Brakbekl]

Büttnerem idem est ut Böttcherem queso?

[Laptop]

Böttcher = Bottichmacher (Faßbinder, Kübler, Küfer, Büttner/Bütter …) et ille nomine vietoris vocatur.

[Zythophilus]

Talem opificem, qualem illo nomine Germani uocant, uietorem non esse censeo, cum uietor uiendis uiminibus uasa producat. Cuparius autem uasa lignea facit.

[ThomasVulpius]

Salvete, sodales!

Quomodo "überdreht" Latine dicatur, resciscere velim.

Exempli grâtiâ hôc enûntiâtô ûtar:
"Die Amerikaner sind alle überdreht."

Prôpônô: "Americani omnes homines volitantes sunt.

Bene valete!
Thomas vester

[ThomasVulpius]

Thomas Vulpius sodalibus s.p.d.

Quomodo "empfänglich" Latine dicatur, resciscere gestio.

Exempli grâtiâ hôc ênûntiâtô ûtar:
"Für Schmeicheleien ist jeder empfänglich."

Christianus, coryphaeus noster, qui rerum stilisticarum magnam habet scientiam atque ûsum, prôposuit:
"Quis est, cui favor atque laudes non placeant?"

Quid vobis videtur?

Bene valete!
Thomas vester

[Zythophilus]

Suadeo ut scribas animum fauore ac laudibus facile capi.