aenigmata minoris gradus

[Gustav]

salvete.

Titulum libri anglice The Kite Runner / theodisce Drachenläufer, nomen auctoris Khaled Hosseini est. taeniolam adhuc non vidi.
nonne recte dico?

valete.

[consus]

Aenigma recte solutum, amici! Gratulor.

Altera oritur quaestio:

Drachenläufer Latine?

Drache: Italice aquilone, Latine aquilo.
Definiamus ergo fortiter:
Aquilo res est ex charta glutinoque in similitudinem rhombi tam ingeniose effecta, ut ad funiculum alligata auxilio hominis celeriter currentis in caelum volare possit.

Drachenläufer: cursor aquilone ludens.

Vos quid censetis, amici?

[Tiberis]

Drachenläufer Latine?

Tiberis Conso suo s.d.p.

equidem illi aquiloni, mi amice, verbum draconis praeferre ausim.
cur? in vocabulario S.Georgii sub nomine draconis inter alia haec fere legimus: "...eine lanze mit darauf befestigtem zeuge oder aus häuten mit silbernem rachen, der sich, wenn der wind in den offenen rachen blies, hin und her bewegte und so gleichsam die windungen einer schlange nachahmte..."
is autem, qui talem tenebat draconem, draconarius appellabatur.

[consus]

Consus Tiberi amico suo litteratissimo s.d.p.
Et mihi de re cogitanti vox draconarii ante oculos obversabatur, neque tamen ea usus sum; draconarii enim signum militare, id est draconem, ad proelium portabant neque sublime rapiebant. Sed fateor, amice: verbis tuis freto mihi nunc placet Cursor Draconarius, quae verba multo elegantiora videntur quam illud Cursor aquilone ludens. Cura, ut optime valeas.

[Gustav]

salvete

cursor draconarius mihi placet.

valete

[Gustav]

salvete amabiles sodales,

alterum ænigma praefero.

multi dicunt urbem esse in Germania, quae non est realiter sed virtualiter.
id est, civitas solummodo habet existentiam in somnio vel hominum
cogitatione. idem istius incolae imaginationes vel phantasmata sunt.

quaeso, ut mihi urbis nomen dicitis.

(avunculus gogelis utilis non est; quodsi non scis urbanis nomen, loquaris cum amicis.)

valete et potestas vobiscum adsit.

[Christophorus]

urbs, quae dicitur Bielefeld?

[Gustav]

gratulor. tu ænigma solvisti; Bilivelda est annon?

[Christophorus]

gratias tibi ago, o Gustave

recte dixisti, ecce lemma Orbis Latini:

Bilivelda, Bilveldia, Bilefeldia, Bielefeld, St., Preußen (Westfalen).

cras aenigma novum proponam

[Christophorus]

novum aenigma:


non centum res per aera volantes


Nomen carminis et cantoris aut cantricis, quaeso.

[Tiberis]

salve Christophore,

agitur, ni fallor, de nonaginta novem folliculis ad horizontem profectos
de quibus Nenam cantricem cecinisse constat...

[Christophorus]

optume solutumst, mi Tiberis

[Tiberis]

ecce notis mons significatur altissimus perpaucis: quibus unam si addideris, remedium habebis macularum.
nomen montis ?
nomen remedii ?

[Christophorus]

estne nomen montis K2?

[Tiberis]

Tiberis Christophoro suo sal.

nomine montis feliciter invento tamen reliquum est, ut nomen nobis dicas remedii macularum, quod mehercle sine ulla difficultate possit fieri .
vale!