LATINITAS VIVA

[consus]

Forsitan nobis dicere liceat: saepes clatrata.

[marcus03]

O Marce, Marce: Nonne LATINE te scribere oportebat?

Nihil nisi "fundamentum" conatus mei referre volui. Ad litteram citavi, ne plagiator esse viderer.
Textum originalem adhibui, ne falsa interpretatio oreretur.
Fontem supplevi.

[ThomasVulpius]

"
ferrivia +:
anima carentium/privatorum/spoliatorum
im-mortuorum (Un-Tote)
manium
mortuorum reversorum
mortuorum revocatorum

Ausus sum.

sanus - vesanus
mortuus - *vemortuus

[marcus03]

saeptum macularum (intextarum)

cf: Varro, rust.3,11,3
"idque saeptum totum rete grandibus maculis integitur"

http://www.thelatinlibrary.com/varro.rr3.html

[ille ego qui]

Textus a texendo

[ThomasVulpius]

Occasione oblata:
ex rete / ex reti: cf. http://artflx.uchicago.edu/cgi-bin/philologic/getobject.pl?c.16:1151.lewisandshort

Ita est! Ablativus retis saepe "rete" est.

[ThomasVulpius]

Elocutiones, quas proposueratis, litteris mandavi. Gratias!
Fortasse breviter dici potest "Hanc imaginem detraxi." - E rete scilicet!

[marcus03]

immortuus: Oxymoron neologisticum ??

[ille ego qui]

deretiare: unde ista i, marce? Stirps est ret- ... Ceterum: Suntne alia exempla huius verborum conformandorum rationis? Sc. de-xyz-(i)are = ex/de xyz ferre, trahere... ?

[marcus03]

Soni pulchrioris gratia "i" addidi. Italianum sonum efficere volui. Novum verbum est, in quo creando aliquam libertatem mihi concedi liceat.

[ille ego qui]

In verbis novandis leges linguae latinae spectandas esse assevero. Aliter rem nostram perdemus

[SursumDeorsum]

Vt siluae foliis pronos mutantur in annos,
prima cadunt, ita uerborum uetus interit aetas,
et iuuenum ritu florent modo nata uigentque.

[marcus03]

Ne severior fueris, care Ille. Illud "i" neminem occidat. Suntne in multis linguis utendis alii casus, in quibus aut soni aut pronuntiandi causa leges severe non teneantur ? Lingua res viva est !
Scio autem te huic opinioni numquam aut assensurum esse aut assentiri posse. Tu es philologus, cui principia sint tenenda. Quod accipio et intellego.

[Tiberis]

deretiare: unde ista i, marce? Stirps est ret-

nonne stirps huius verbi varia est? > ret- is ; reti- a, reti-um ;
ceterum censeo litteram illam -i- "legibus Latinis" minime repugnare. nonne eadem etiam in "retiario" invenitur?

[marcus03]

Salve, Tiberis

Illud "i" egoque tibi maximas gratias agimus pro nobis servandis. Verbum, quod pulchrius esse reor, servasti.
Noster Ille id statim perdidisset et exstinxisset. Necem inexpiabilem commississet. Philologi et crudeliores esse possunt.

@Illum:
Tales res, si per decem annos magister fueris, te non iam tacturas esse suspicari audeo nec iam "i-cida" (cf: parricida) eris.
Cave, ne i-cida annalibus tradaris nec titulus eius generis tumulo tuo inscribatur.