aenigmata

[consus]

Amicis pariter omnibus sal.

Diruta sunt urbis Rhenanae moenia quondam,

Sed validas portas tres superesse vides.

Ex quibus attribuit Iovis uni nomen honorum

Ales adunca rapax Romulidisque favens.

Quae porta? Qua in urbe?

Valete. III Kal. Mart.

[Christophorus]

Conso aliisque sal.

Estne nomen urbis Colonia Claudia A.A.?
Ibi enim est porta dicta "Eigelsteintorburg", sive Porte de L'Aigle.
tor
cf. http://de.wikipedia.org/wiki/Eigelsteintorburg

[consus]

Salve, Christophore.
Non mediocri me complesti gaudio, quod Aquilae indagasti Portam, quam a parvula mihi aetate notissimam esse scito. Restat, ut hoc addam: Nonne hoc proposito aenigmate series quoque servata est quaedam? Ut enim Austria iure incitatur Tiberis, Medicus Domesticus Bavaria, sic ego Rhenania . Nunc autem ordo te vocat, amice.

[Christophorus]

Christophorus Conso aliisque sal.

O Conse, vae, mi quoque Rhenania patria est .
Igitur series a me servari non potest, ut timeo.
Novum aenigma modo proponam.

Valete

[consus]

Nescio, Christophorus taceat cur noster amicus.

Ambiguis verbis nos cruciare valet.

[Christophorus]

Christophorus collegis sal.

Minume vos excruciare volui, sed aenigma mihi fingendum erat.

Agedum:

Quaeruntur duo nomina, nomen poetae Americani et nomen cantoris Germani, et singula opera eorum.
Ille poeta de eodem sive simili problemate scribit , quod Helvetiis e finibus suis exire cupientibus solvendum erat Orgetorige mortuo. Hic cantor feminam amatam eodem modo adhortatus est ut Catullus noster Lesbiam suam.

Curate, ut valeatis.

[consus]

... Minume vos excruciare volui...

Excruciamur, amice! Proposuisti enim aenigma, quo obscurius hercle excogitari non potest...

[consus]

Christophoro sal.
Num de poeta agitur Americano, qui carmen composuit de hominibus, qui ipsorum lingua pioneers appellabantur? Qui saeculo XIX ut nova sibi pararent domicilia profecti sunt ad regionem occidentis… O rem difficilem!

[Christophorus]

Christophorus Conso aliisque sal.

Non de hominibus aliis iste poeta narrat, sed de se ipso. Est poeta Americanus praeclarus, item est poema illustrissimum ...

[consus]

... nomen poetae Americani...Ille poeta de eodem sive simili problemate scribit, quod Helvetiis e finibus suis exire cupientibus solvendum erat Orgetorige mortuo. ...

Bene, optime Christophore. Apud Caesarem legimus Erant omnino itinera duo..., et apud Robertum Frost in carmine, quod inscribitur The Road Not Taken: Two roads diverged in a yellow wood.... Nonne est carmen, quod poeta de se ipso composuit?

[Christophorus]

optime, mi Conse
nunc modo restat nomen cantoris carminisque

[consus]

...nunc modo restat nomen cantoris carminisque...

Quid igitur, amice? Nomen cantoris videtur esse Marius Mueller-Westernhagen; ut enim apud Catullum (5) legimus Vivamus ... atque amemus eqs., ita apud illum cantorem Lass uns leben eqs.

[Christophorus]

iterum optime solutumst, mi Conse

nunc tua res agetur

[consus]

Romulidae quondam posuere potentia saxa,

civibus ut clare detegeretur iter.

His saxis similes miras res esse videbis,

e quibus effusa est fervida lympha fluens.

Oro vos rem explicetis, amici.

[consus]

Iam metuo, amici carissimi, ne aenigma vobis proposuerim, quod non facile possitis solvere .
Mementote quaeso: Duae illae inter se diversae res a Romanis duobus inter se similibus fere vocabulis nominabantur...