aenigmata

[Tiberis]

Tiberis Medico Domestico s.d.p.

verba tua ad artem typographicam pertinere videntur: nonne "res quaesitae" sunt libri, qui propter eam artem non modo multo facilius leguntur, sed etiam per totum orbem diffunduntur? quid ergo mirum, si gaudes Ioannem Gutenberg vixisse, quem illam artem invenisse constat?
qui Mogontiaci anno MCDLXVIII. mortuus est.

[Medicus domesticus]

Doleo, quod erras, Tiberis..., sed recte dicis res quaesitas esse libros...

Duo colores sunt.........paene rem per indicium enuntiavi

Libri sunt rubri vel virides...

Optime vale!

[Zythophilus]

Scripta Latina tenent homine hoc auctore uirentes;

scito scripta rubros Graeca replere libros.

Bibliothecen Teubnerianam, quam quin Benedictus G. Teubnerius condiderit, dubium non est, te, optime Medice, quaesiuisse pro certo habeo. Lipsiis ille uir litteris dicatus obiit.

[Medicus domesticus]

doleo, quod erras, mi Zythophile!

Libri Latini sunt rubri...Libri Graeci sunt virides...

Bonam noctem!

[Zythophilus]

Scripta Latina libris rubris dat bibliothece,

tegmine sub uiridi Graeca latere iubet.

Loeb Classical Library
Hanc collectionen condidit James Loeb, qui Monaci mortuus est.

[Medicus domesticus]

Medicus Zythophilo s.d.p.

Recte invenisti solutionem aenigmatis [*], gratulor !

Optime vale.

[*]

[Zythophilus]

Ecce noua res quaeritur:
Signa forum decorant, equitum simulacra duorum.

Hic pepulit Turcas, ductor et ille fuit.

[consus]

Salve, Zythophile!
Vindobonae in Foro Virorum Fortium duas conspicere licet nobis egregias statuas equestres, quarum altera honoratur Eugenius* de Savoia et Cariniano, altera Carolus archidux Austriae. Utinam ne errem!

____________________________________
* http://www.youtube.com/watch?v=OV2vN-o26RM

[Zythophilus]

Rem optime citissimeque explanasti, mi Conse, sed unum e uobis sagacissimis id mox explanaturum iam antea arbitratus eram.

[consus]

Montis in excelso construxit culmine templum

Christiadum pia gens: sidera tangit opus.

Fulgida resplendent pretioso marmore tecta.

Undique conspicitur candidus urbis apex.

Quae aedes sacrae?
Qua in urbe?

[Zythophilus]

Ardua praesulibus facta est regnantibus aedes,

Hister ubi Soluae moenia clara lauat.

http://de.wikipedia.org/w/index.php?title=Datei:Hungary.Esztergom.Bazilika.1999.hires.jpg&filetimestamp=20050121104600

[Medicus domesticus]

Salvete aenigmatores!

Censeo consum urbem Zythophili in mentem venisse ad aenigma faciendum. Puto solutionem aenigmatis esse aedes sacras sive ecclesiam nomine "Kirche am Steinhof" Vindobonae sitam. Quae spectatur a locis variis et collucet.
Timeo ne errem...

Valete feliciter.

[consus]

Consus amicis suis s. p. d.
O rem difficillimam! Solva… hm… Quod oppidum, optime Zythophile, satis mihi notum esse scito. Ecclesia quidem illa cathedralis undique conspicitur, neque vero candidus urbis apex videtur esse; nego enim Solvam esse urbem appellandam, nego ecclesiam illam fulgidam resplendere pretioso marmore. --- Vindobona? Doleo, optime Medice, quod et tu in errore versaris. Num templum abs te commemoratum, quamvis quadam ex parte illi, quod investigandum vobis proposui, simile esse videatur, sidera tangit? Qua de causa oro vos atque obsecro, ut indagetis urbem, cuius incolae aedibus sacris montis in excelso culmine exstructis cordi se Christi haerere testabantur.
Valete.

[Tiberis]

Tiberis Conso suo s.d.p.

equidem aedem sacram Cordis Sacrati (Sagrat Cor) in urbe Barcelona tibi ante oculos versari puto...
http://images.google.com/imgres?imgurl=http://i1.trekearth.com/photos/78308/tibidabo.jpg&imgrefurl=http://www.trekearth.com/gallery/photo1087654.htm&usg=__t7ytHjxSkIVaXROqudrlCvge9Sg=&h=797&w=650&sz=195&hl=de&start=10&itbs=1&tbnid=TlbN45XvUixFZM:&tbnh=143&tbnw=117&prev=/images%3Fq%3Dsagrat%2Bcor%26hl%3Dde%26tbs%3Disch:1

[consus]

Consus amicis suis carissimis imprimisque Tiberi suo s. d. p.
Mihi quidem (ut verum fatear) illud Cordis Sacri templum ante oculos obversabatur, quod Lutetiae Parisiorum situm est in Monte Martyrum¹; sed quoniam Catalani, cum in urbe Barcinone aedificarent Sacrati Cordis templum², imitari cupiebant Francogallos, Tiberim nostrum recte iudicasse censeo. Qua de causa iure meritoque accipiat palmam.
Iubeo bene vos valere.

______________________________________________________
¹ http://cache.virtualtourist.com/2324008-Sacre_Coeur-Paris.jpg
² http://mypics.at/bilder/barcelona/sagrat-cor-4913.jpg.html