aenigmata

[Medicus domesticus]

Itidem, mi Conse, vehementer dubito num verba M. Porci Catonis Censoris vera sint. Postquam sententias supra descriptas legi, admiratus sum. Ut ea examinari possint, consulam abietarium, quem novi. Fortasse ille fabricare potest poculum ex ligno hederaceo, ut egomet opinionem Catonis quasi experimento examinare possim.

[consus]

De casa parvula maximam arte quadam gloriam consecuta

Est locus in terris, casula qui claret amoena:

Haud procul a stagno Musa resedit ibi.

Quis vestrum rem enodabit?

[Tiberis]

(delevi)

[Tiberis]

Tiberis Conso ,amico suo, s.d.p.

verbis tuis perpensis casulam eam esse suspicor, in qua Eduardus Grieg, celeberrimus musicus Norvegus (aut Norvegianus?) , modos facere solebat. quae casula, prope villam illius sita, cui nomen Troldhaugen, non longe abest a lacu Nordasvannet.
http://www.google.com/imgres?imgurl=http://lh5.ggpht.com/_rNdjarJq7tM/Sq09pE0_S6I/AAAAAAAADhU/Q9M5AejYLjo/Norway_026.jpg&imgrefurl=http://picasaweb.google.com/lh/photo/ZvmYY3LJ0IlJ3VzuEwVFRg&usg=__RnpG6sjk2y_mW4k3zd8e3eDvG1c=&h=800&w=1200&sz=683&hl=de&start=9&um=1&itbs=1&tbnid=YM4McuT0SNTBjM:&tbnh=100&tbnw=150&prev=/images%3Fq%3Dkomponistenh%25C3%25BCtte%2Bgrieg%26um%3D1%26hl%3Dde%26sa%3DN%26rls%3Dcom.microsoft:*:IE-SearchBox%26rlz%3D1I7MEDA%26tbs%3Disch:1

bene vale!

[consus]

Consus Tiberi amico suo doctissimo sal. pl. d.
Aenigmate hoc modo abs te soluto nihil aliud exclamo quam “Semper aliquid addiscimus”; prorsus enim ignota mihi illa erat Eduardi Grieg casula! Ut verum dicam: Aenigma excogitanti mihi in oculis posita erat casa quaedam parvula, qua Gustavus Mahler, cum symphonias componeret, utebatur*. Utcumque se habet res, rem perfecte enodasti. Quid ergo mirum, si iterum ex animo gratulor?
Optime vale.


_______________________________________________
* http://www.mahler-steinbach.at/deutsch/gedenkstaette.htm

[Tiberis]

Tiberis amicis suis aenigmatophilis s.d.p.

in hoc aenigmate agitur de rebus saeculo XVII. gestis...

hostes arcuerat, flumen ne transgrederentur:

victor abit pugna nobilis ille comes.

crux de caede monet praegrandis posteritatem:

quondam ubi pugnatum est, pax ibi nunc colitur.

nomen comitis?
quae pugna?
nomen fluminis?

[consus]

Equidem, mi optime Tiberis, aenigma puto pertinere ad Raimundum comitem de Monte Cuculi. Qui anno MDCLXIV pugna ad Mogersdorf sive Szentgotthárd commissa Turcis attulit cladem.

nomen comitis? v. s.
quae pugna? v. s.
nomen fluminis? Arrabo

[Tiberis]

o rem iniquam : ego multum temporis in aenigmate excogitando insumpsi, tu, mi doctissime amice, rem brevissimo tempore enodasti ! gratulor !!

[consus]

Tiberis scripsit:

o rem iniquam : ego multum temporis in aenigmate excogitando insumpsi, ...

Eodem dolore, mi amice, et me persaepe affectum esse scito! Utcumque se habet res, ne aenigmata nos pigeat proponere!

[consus]

Amicis suis spectatissimis sal.
Vir clarissimus haec fere scripsit verba:

Cum ad ingentis saxi molem, quae ex lata basi paullatim in acutum desinebat fastigium, haud procul a quodam vico sitam gradum stitissem, in hanc veni cogitationem.

Vir clarissimus] Quis?
ad ingentis saxi molem] Ad quod saxum?
haud procul a quodam vico] A quo vico?
in hanc … cogitationem] In quam cogitationem?

[Sokrates Palaios]

Saepe in Engadiana (CH) migrare soleo et mihi venit in mentem Friedericum Nietzsche eo loco (Sils Maria) nonnullos annos (1881-88) mansitavisse et saepe apud Lacum Silvaplanensem ambulavisse.
Ideo dicere audeo:
vir clarissimus: Friedericus Nietzsche
ingens saxi moles hodie appellatur: Nietzschefelsen
vicus haud procul ab eo lacu: Sils Maria
clarissima cogitatio eo loco orta: Zarathustra.

[consus]

Νὴ τὸν κύνα, ὦ βέλτιστε• ὀρθῶς λέγεις.
Φρειδερίκος Βίλχελμ Νίτσε, πέτρα τοῦ Νίτσε*, Σίλς Μαρία, Σίλουα Πλᾶνα, Ζαραθούστρα. Nunc ordo te vocat, optime rerum.

‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗
*http://upload.wikimedia.org/wikipedia/commons/2/25/Nietzsche-Stein_01.jpg

[consus]

Ipsa philosophi verba hoc loco mihi liceat addere (Ecce homo - Also sprach Zarathustra 1):

Ich erzähle nunmehr die Geschichte des Zarathustra. Die Grundconception des Werks, der Ewige-Wiederkunfts-Gedanke, diese höchste Formel der Bejahung, die überhaupt erreicht werden kann -, gehört in den August des Jahres 1881: er ist auf ein Blatt hingeworfen, mit der Unterschrift: "6000 Fuss jenseits von Mensch und Zeit". Ich gieng an jenem Tage am See von Silvaplana durch die Wälder; bei einem mächtigen pyramidal aufgethürmten Block unweit Surlei machte ich Halt. Da kam mir dieser Gedanke.

[Sokrates Palaios]

Addendum puto poema nescio an eo loco compositum cogitationes initiales de "Zarathustra" continens:

Sils-Maria

Hier saß ich, wartend, wartend, — doch auf Nichts,
Jenseits von Gut und Böse, bald des Lichts
Genießend, bald des Schattens, ganz nur Spiel,
Ganz See, ganz Mittag, ganz Zeit ohne Ziel.

Da, plötzlich, Freundin! wurde Eins zu Zwei —
— Und Zaratustra ging an mir vorbei ...

[Sokrates Palaios]

Ecce novum aenigma:

Δέδυκε μὲν ἀ σελάννα
καὶ Πληίαδες· µέσαι δὲ
νύκτες, πάρα δ᾿ ἔρχετ ὤρα·
ἔγω δὲ μόνα κατεύδω

Quem imaginem lunae occidentis Sappho media nocte aspectabat
I. lunae crescentis?
II. lunae plenae?
III. lunae decrescentis?
Qua de causa hoc scire possimus?

(hoc poema etiam lingua Theodisca legendi potest hic: http://de.wikipedia.org/wiki/Sappho)