aenigmata

[Zythophilus]

Optime, nil te, Conse, fugit. Bene causa soluta.

[consus]

Ecce aenigma zoologicum!
Habitat in Oceani Germanici aestuariis parvulum animal, quod alteri cunni, alteri bestiolae terrestris simile esse censent.
Oro vos, amici illustrissimi, mihi dicatis non solum eius nomen Theodiscum, sed etiam zoologicum.

[Zythophilus]

SALVE, o Conse!
Te his de animalibus locutum esse censeo, quae Germanice "Seescheiden" appellantur, Latine autem nomine ab hominibus animalium peritis ficto Ascidiae aut Ascidiacea.
In maribus litora Germaniae lauantibus inter alia Clavelina lepadiformis et Styela rustica inueniuntur.
VALE

[consus]

Vehementer doleo, mi Zythophile, quod in errore versaris ; neque enim video, cuius bestiolae terrestris illud animal aquatile abs te commemoratum simile esse videatur. Sed me clementem scito esse: Appellatione Theodisca nomen illius bestiolae terrenae continetur, nomen autem Latinum sive zoologicum formosa dedit mater Aeneae.

[Zythophilus]

Ignotum est animal, Veneris quod nomine gaudet,

nec mihi bestiola est nota. Sodalis, ades!

[romane]

Veneroida

[consus]

Et tu erras, optime romane.

Adiuvari ergo vos oportet, amici:

Est vermiculus pellitus sive comatus, cui quadam de causa idem nomen impositum est atque τῇ Ἀφρογενεῖ. Similis videtur esse pusillae bestiolae, quam non insolitam felis praedam constat esse.

[Medicus domesticus]

Salve conse,
Sum medicus, qui sanat cottidie homines....animalia a sodalibus sanantur: Salvete veterinarii !! ...,sed censeo me nomen animalis mirifici invenisse: Aphrodite aculeata .....Nostra lingua vermiculus "Seemaus" appellatur.

Vale!

[consus]

Aenigma perfecte solvisti, optime Medice. Gratulor. Ecce illius vermiculi imago subtiliter delineata:
http://chestofbooks.com/animals/zoology/Anatomy/images/Aphrodite-aculeata.jpg

[Zythophilus]

Heus, quot in Oceanis animalia mira morantur!

Quam felem fugiat mus maris ille citam?

[Zythophilus]

A medico petimus: Noua quaere, sodalis, ut acris

exponenda aciem mens nouitate probet.

[Medicus domesticus]

Ecce novum aenigma ad herbam medicam pertinens:

Est herba in terris, similis rosae: Tune agnosces eam esse genus rosarum? Minime! Praestat odorem mellis et amygdalarum. Si folia sive flosculos conteris, tibi affert in memoriam odoris tabernae medicamentarii.

Quis vestrum nomen herbae Latinum primus inveniet?

[Zythophilus]

SALVE, Medice!
Filipendula vulgaris (Germanice: Mädesüß) a te quaeri uidetur. Tali odore, qualem exposuisti, hanc herbam esse constat.
VALE

[Medicus domesticus]

Bene solutum, mi Zythophile!
Est etiam genus quoddam Filipendularum nomine Filipendula ulmaria [*], quam non solum ego colligo et diligo, sed etiam aegroti.

[*] www.floralimages.co.uk/images/filipendu ... ia_4e3.jpg
Optime vale!

[Zythophilus]

Ecce aenigma ad geographiam pertinens:
Huic semper ferrum promiserat infore monti

daemon. Cuius habet munera collis adhuc.