LATINITAS VIVA

[Tiberis]

phaenomenon caeleste incertum

[cometes]

Proponere velim: talaria, -ium n. Cf. http://www.zeno.org/Georges-1913/A/talaris?hl=talaris sub 4) Marterwerkzeuge.

[cometes]

Excerpta antiqua de clipeis ardentibus aliisque prodigiis caelestibus obscuris:
http://www.michaelsheiser.com/UFOReligi ... hields.pdf

[ThomasVulpius]

Proponere velim: talaria, -ium n. Cf. http://www.zeno.org/Georges-1913/A/talaris?hl=talaris sub 4) Marterwerkzeuge.

Placet! Gratias!

[consus]

Nonne inter se differunt talaria (Graece: ποδοστράβαι), quibus comprimebantur pedes, et caligae quae vocantur Hispanicae, quibus contundebantur crura? Qua de causa aptius esse puto vocabulum “cruralia, ium n.”: ut talus > talaria, ita crus > cruralia.
Cavete, amici, ne tortorem me peritum atque exercitatum esse arbitremini!

[marcus03]

Tortor quidem peritissimus es, quod ad aenigmata tua attinet. Eo autem modo torqueri plerisque placere videtur. Ergo tua "cerebraria" (cf: talaria) adhibere perge videns, ne quid damni cerebra solvere cupientium capiant.

[ThomasVulpius]

:hmmm: Nonne inter se differunt talaria (Graece: ποδοστράβαι), quibus comprimebantur pedes, et caligae quae vocantur Hispanicae, quibus contundebantur crura? Qua de causa aptius esse puto vocabulum “cruralia, ium n.”: ut talus > talaria, ita crus > cruralia.
Cavete, amici, ne tortorem me peritum atque exercitatum esse arbitremini!

Duo modī crūrum torquendōrum erant: Alter cum adhibēbātur, crūra lāminīs aculeātīs comprimēbantur, dum aculeī in ossa fissa īnfīxī sunt. Tum tortor oleum bulliēns ossibus fissīs superfundēbat, ut et carō et ossa maleficī combūrerentur. Cum autem alter, cūra plancīs circumdabantur et fūnibus comprimēbantur. Tum aculeī inter plancās et crūra maleficī malleō adigēbantur, dum crūra fissa sunt et medulla prōflūxit. Ūsque ad octō aculeōs adigēbantur; quī cruciātus vehementissimus esse exīstimābātur. Quam inter tortūram reus nūdus et catēnīs vinctus in sellā ferreā et spīnōsā sedēbat, cuius partēs, in quibus sedēbat, prūnā fervēfactae erant, ut natēs ambūrerentur. Quo maiōre cruciātū reus afficeretur, natēs ante tortūram lāridō oblitae sunt. Ūsque ad quīnque hōrās maleficī hōc modō excruciābantur, dum omnia scelera, quae comīserant, cōnfessī sunt.

[consus]

Nemo est quin et Constitutione Criminali Theresiana (ed. Vindobonae anno 1769!) perterreatur.

[ThomasVulpius]

:shock:
Nemo est quin et Constitutione Criminali Theresiana (ed. Vindobonae anno 1769!) perterreatur.

Quo ex libro descriptionem torturae meam deprompsi.
Descriptio autem extensionis in scalis et combustionis laterum funalibus deest.

[ThomasVulpius]

Salvete, coryphaei!

Ego, cum consul essem, in senatu orationem in mures porcellos habui.

In ea hoc scripsi:

Quamdiū quisquam erit, quī vōs nūtrīre audeat, vīvētis et vīvētis ita, ut nunc vīvitis, multīs et magnīs lactūcae acervīs circumdatī, nē cellāria invādere possītis.

Multōrum vōs etiam oculī et aurēs nōn sentientīs, sīcut adhūc fecērunt, lactūcam dēvorantīs spectābunt atque edendō crepitantīs audient.

Von vielen sogar die Augen und die Ohren, wie sie es auch bisher getan haben, werden euch, wobei ihr das gar nicht merkt, beim Verschlingen von Salat beobachten und euch beim Essen schmatzen hören.

Quid vobis videatur, resciscere velim.

Bene valete et ante respondete quam mures porcelli vestra cellaria invadunt et omnia olera omneque fenum devorant!

[sinemetu]

Mare insanium propono

[marcus03]

Quid "Meer der Kranken" sibi vult ?

"insanus" o/a-declinationis est et ad mentis valetudinem pertinet.

[ille ego qui]

salve amice,
velim titulum corrigas. plures vias "man" Latine reddendi nobis patere haud ignoras. inter alia passivum adhibere licet: quomodo X in Latinum verti potest?
bene vale

[ThomasVulpius]

Salvete, coryphaei!

Propono "pictorem parietarium".

Quid vobis videatur, resciscere velim.

Bene valete et respondete!

Thomas vester

[ThomasVulpius]

Salvēte, coryphaei!

Quārundam domōrum parietēs tam tenuēs sunt, ut ea, quae aliīs in conclāvibus fīant, audiāmus.

Quam rem "hellhörig" Germānicē vocāmus. Sitne verbum Latīnum aptum, quō eam rem ūnō verbō exprimāmus, rescīscere velim.

Bene valēte et respondēte!

Thōmās vester