LATINITAS VIVA

[ille ego qui]

adhibito Georgesio miror in illo lexico Dâvîdis Morgan indicari "Lemuralia", non "Lemûria"!
dicamus igitur: "Lemûria, ôrum"

vale.

[ThomasVulpius]

e lexicis haec didici:
- vigilia(e) Omnium Sanctorum (Halloween = All Hallows' Eve)
- lemuralia (quod perplacet!)

Verbum, quod proposuisti, Christiane, collaudo!

Multum interim iocatus sum de Lemuriis et in Scholâ et in Latine loquentium grege.

[ThomasVulpius]

Indis quae colitur, colitur tibi nunc dea, Vulpi,

saepeque eam laudas. Cur tibi saeua placet?

Quam portare solent tigridis fera terga; caueto,

bestia ne quando mordeat illa nates!

Puella Rigensis ridebat,
quam tigris in tergo vehebat.
Externa profecta,
interna revecta.
Sed risus cum tigre manebat.

There was a young lady of Riga,
who rode with a smile on a tiger.
They returned from the ride
with the lady inside
and the smile on the face of the tiger.

[Zythophilus]

Optime!

[ThomasVulpius]

Salvete, sodales!

Propono:
[balteus *pyroboli]
[cingulum *explosîvum]

Quid vobis videtur?

[ille ego qui]

mirae interrogationi mirum responsum videtur idoneum: cingulum diruptorium

[consus]

cingulum displosivum, cf. http://ephemeris.alcuinus.net/archi2007/nuntius.php?id=332

[ThomasVulpius]

mirae interrogationi mirum responsum videtur idoneum: cingulum diruptorium

Nihil est timendum, Chrîstiane!

Muslimus enim non sum, sed Hinduista!

[Zythophilus]

Mortifera a nobis quaesisti cingula, Vulpi.

Nonne tuis dictis nos timuisse putas?

[ThomasVulpius]

Salvete, res hodiernas scientes!

Quomodo "Fetischismus" Latine dicatur, resciscere velim.

"Fetischismus" certus vestimentorum quorundam amor est.

Praeclarissimum "fetichismi", ut ita dicam, exemplum est hoc: Quibusdam viris mulieres pellibus indutae placent.
Tales mulieres "Veneres pellibus indutae" vocantur.

De hoc "fetichismi" genere primus - quod sciam - eques Austriacus Leopold von Sacher-Masoch scrīpsit: "Venus im Pelz".

De aliis "fetichismi" generibus hoc locō tacere malo, quoniam etiam iuvenibus natu minoribus (Germānice: "Minderjährige") aditus ad situm "e-latein" patet.

Bene valete et respondete!
Thomas vester

[ille ego qui]

quis crederet? de ista re iam disceptatum est:

viewtopic.php?f=18&t=29155&hilit=fetisch

[Laptop]

Hm, pro "Fetischismus" scriberem "rerum vulgarum veneratio insolens". Fateor haec verba copiosa ac nequaquam habilia esse, tamen credo rem perspicue reddere.

[ThomasVulpius]

Hm, pro "Fetischismus" scriberem "rerum vulgarum veneratio insolens". Fateor haec verba copiosa ac nequaquam habilia esse, tamen credo rem perspicue reddere.

Ciricumscriptio quidem evitari posse non videtur, sed in verbis tuis reprehensio quaedam inest. Magis autem mihi placuerit rem sine reprehensione circumscribere. Illis enim fetichistis mulieres certis vestimentis indutae placent, imprimis eis placent vestimenta "LLL": Lack, Leder, Latex.

Sed sine verbo uno enuntiata multo longiora fiunt, cum circumscriptiones adhibeamus nos oportet:
"Ich bin kein Fetischist"
"Non sum in numero eorum, quibus mulieres certis vestimentis indutae placent."

Tamen confiteor in verbo "Fetischismus" quandam coniunctionem cum rebus Veneriis inesse. Est autem de hac coniunctione hoc loco tacendum.

[ThomasVulpius]

Quomodo "Federweißer" Latine dicatur, resciscere velim.

[Zythophilus]

Vinum nouum dicerem.