LATINITAS VIVA

[medicus]

ad periscelides:
http://www.google.de/imgres?imgurl=http ... CGQQrQMwFA
Georges dicit eae periscelides supra genu feminarum fuisse. In pictura supra pedes sunt
Ad tibialia fixanda idonea non fuisse videntur.
http://www.zeno.org/Georges-1913/A/peri ... periscelis

[RM]

Et Klotz idem dicit atque Georges, i. e. "Strumpfband". In pictura quidem Pompeiana nomen eorum ornamentorum scriptum non est, ergo cuidam opinioni locus datur.
Est autem locus apud Petronium: Venit ergo galbino succincta cingillo, ita ut infra cerasina appareret tunica et periscelides tortae phaecasiaeque inauratae. Tunc sudario manus tergens, quod in collo habebat, applicat se illi toro, in quo Scintilla Habinnae discumbebat uxor, osculataque plaudentem 'est te' inquit 'videre?' Eo deinde perventum est, ut Fortunata armillas suas crassissimis detraheret lacertis Scintillaeque miranti ostenderet. Ultimo etiam periscelides resolvit et reticulum aureum, quem ex obrussa esse dicebat. notavit haec Trimalchio iussitque afferri omnia et 'videtis' inquit 'mulieris compedes: sic nos barcalae despoliamur.
Tibialia autem non habuit, ut videtur.

RM

[medicus]

@RM: Cum tu peritus harum rerum esse videaris, haec questio liceat:" Erant iam tibialia illis temporibus"?

[RM]

Hieme quaternis cum pingui toga tunicis et subucula et thorace laneo et feminalibus et tibialibus muniebatur, aestate apertis cubiculi foribus ac saepe in peristylo saliente aqua atque etiam ventilante aliquo cubabat.
(Suetonius, VC, Aug. 82, 1)

RM

[medicus]

Gratias ago, nunc vestimentorum illorum temporum peritus sum:

[Zythophilus]

Per se leuia tibialia haerent
crure in femineo, decora dona.
Gaudet Vulpius haec uidens metrisque
narrat Zythophilus poeta causam.

[ille ego qui]

leviter / quodammodo insanire

[ille ego qui]

"Spleen" in Lexico Auxiliari inest diciturque ibi "ineptae deliciae" sive "ineptiae", verbo fortasse "ineptiandi" uti licebit.

RM

nonne "ineptiendi" secundae coniugationis verbum est?

[Zythophilus]

Suadeo, ut sanum non esse dicamus. cf. Catulli c. 41,7

[Zythophilus]

Etiam de "more miro" loquamur.

[ille ego qui]

nonne is, qui sanus non est, per definitionem insanit?

leviter / quodammodo insanire

[ThomasVulpius]

Gratias Roberto, qui tam aptum locum laudavit, agamus!

[ThomasVulpius]

Per se leuia tibialia haerent
crure in femineo, decora dona.
Gaudet Vulpius haec uidens metrisque
narrat Zythophilus poeta causam.

Vulpius non solum Zythophili, poëtae laureati, artem admiratur verum etiam novis verbis, quae hīc proposita sunt, ad res carcerarias describendas utitur. Nam Vulpius, quippe qui poetula ("ein ziemlich armseliges Dichterlein", cf. MBS § 4,1d) sit, versūs pangere maximam partem nescit et duos fere annos impendit, ut carmen dominatricis suae conficeret.

Hæc domina est nōbīs, hæc est rēgīna dolōris.
Mē premit īra deæ sævæ et pārēre recūsō
imperiō nigræ fugientem mente rebellī.1
Nec fīnīre licet tantōs mihi morte dolōrēs;
sed nocet esse deam, præclūsaque jānua lētī 5
æternum nostrōs lūctūs extendit in ævum.
Nunc iacet in lectō limbumque petit moribunda.
Nec fātum ēvītāre potest atque hæret in umbrā,
ex quā nōn fugiet nisi mē auxiliante – recūsō!
Hæc pœna est furibundæ animæ rapidīque furōris. 10
Illa aderit nostrīs domibus – sed mortua lārva!
Ac rēs prōcumbent aliīsque locīs remanēbunt.
Pēgmata claudentur – nūllō tangente! –, dehīscent.
Aura tremit, videō fōrmam speciemque venustae.
Verba refert nostrās bene pervenientia ad aurēs. 15
In terrīs longævus erō, tum mortuus ūnā
vīvam cum dominā atque habitāns in sēde beātā
vītam aliam vīvam, diuturnus amābor ab illā.

1) Īra deæ sævæ mē fugientem mente rebellī premit.

[RM]

"Spleen" in Lexico Auxiliari inest diciturque ibi "ineptae deliciae" sive "ineptiae", verbo fortasse "ineptiandi" uti licebit.

RM

nonne "ineptiendi" secundae coniugationis verbum est?

Forsitan propter analogiam effugerit "a" littera: "ineptae - ineptiae - ineptiandi"

RM

[ThomasVulpius]

Salvete, coryphaei!

Musici metalli atri ora ita expingere solent, ut cadavaris instar esse videantur:

http://en.wikipedia.org/wiki/Corpse_paint

Quomodo haec oris expingendi ars et breviter et apte Latine dicatur, resciscere velim.

Bene valete et respondete!

Thomas vester