LATINITAS VIVA

[Zythophilus]

nigra popina (Mart. VII 61,8) = Gourmetrestaurant? Certe ante Germanici tempus nigrae popinae totas uias occupasse uidentur.

[RM]

uide hos eosdem e suggestu rosae despectantis popinam suam, aures uocum sono, spectaculis oculos, saporibus palatum suum delectantis;
(SenPhil, Dial, 7, 11, 4)

Afferamne plura?

RM

[ThomasVulpius]

"Döner" saltem idem est atque Graece "gyros". Tamen "gyrariam tabernam" tale thermopolium non appellarem.
At Thoma! Numquamne fuisti in popina Turcica? Vide exemplum: http://www.tuerkischesrestaurantmuenchen.de/speisekarte

RM

Tabernas *Turcias "gyrarias" appellare omnino sit insulsum! Nam omnes de thermopoliis Graecis cogitent, cum talem vocem audierint. Quamquam iidem fere cibi vēneunt, tamen magna est differentia gentium. Est igitur thermopoliis Graecis nomen proprium dandum.

[Zythophilus]

Affer, o Roberte, sed affer locos aptos: Seneca enim non de taberna uel caupona loquitur, sed de actione edendi ipsa: Popinam uerbo Germanico "Fresserei" uel, quamuis uetusta sit uox, "Völlerei" reddere potes.

[Zythophilus]

Iuuenalis explicat, quales homines popinam tamquam cauponam adire soleant:

... in magna legatum quaere popina:
inuenies aliquo cum percussore iacentem,
permixtum nautis et furibus ac fugitiuis,
inter carnifices et fabros sandapilarum
et resupinati cessantia tympana galli.

[RM]

Affer, o Roberte, sed affer locos aptos: Seneca enim non de taberna uel caupona loquitur, sed de actione edendi ipsa: Popinam uerbo Germanico "Fresserei" uel, quamuis uetusta sit uox, "Völlerei" reddere potes.

Revera non est, ut dicis, quia - ut antea demonstravi - popina magis ad divites spectabat (Romae, non Ostiae!). "popina" etiam illo loco, quo Seneca de Apicio narravit, ad "Feinschmeckerei" pertinet, nam cibi popinarii viles non erant. Aliis locis facile invenies popinam multam poscere pecuniam.

RM

[durgicola]

nuncine in fumulis perversis hentai versaris?

[ThomasVulpius]

nuncine in fumulis perversis hentai versaris?

Fumulus ?? Comics?

[RM]

Nubeculati (libelli) = Comics. Sic semper dixit Lambertus noster.

RM

[ThomasVulpius]

Nubeculati (libelli) = Comics. Sic semper dixit Lambertus noster.

RM

Vocem narrationis nubeculatae multos iam annos novi.

[durgicola]

argentum > argentaria] Quid obstat quin simili modo nobis liceat dicere: cebab > cebabaria?

Quia "cebab" verbum *Turcicum est nec Latinum! Fu!

Daria quoque ad huiusmodi popinas ventitare solet, at sua non tanti interest kebab quanti falafel comedere ut quae carni raro vescatur. Ego vero et kebab et falafel odi, falafel praesertim quod mihi foetorem pedum pipere et allio aspersorum sapiunt: nobis italis plerumque huiusmodi edulia minime placent siquidem multo dulcioribus esu cibis vesci solemus

[ThomasVulpius]

Salvete, *astronautae!

Propono: [stationem omnium gentium *spatialem].

Quomodo vos in spatium vacuum tollamini, resciscere velim.

Bene valete et respondete!

Thomas vester

[RM]

Eam "stationem spatialem internationalem" appellemus.

RM

[marcus03]

Nos Germani quidem illam nunc et "stationem spatialem Gerstanum/Hordeanum" nominemus.

[Zythophilus]

Expone, Marce, quaesumus, iocum nobis!