Nugae

[Zythophilus]

Missilibus clarum Semeles petit India sidus

India, pauperibus non datur esca tuis.

https://preview.redd.it/another-chandra ... baf12c497a

[Zythophilus]

Insidias apibus crabro parat aggrediturque uolantes,

ut necet et citior deuoret hostis apes.

https://i.ds.at/Vvw-0g/rs:fill:930:0/pl ... et-bee.jpg

[Zythophilus]

Furatus lapides Sardorum litora liquit:

Huic homini imposita est denique multa grauis.

https://www.thelocal.it/20230829/french ... beach-haul

[Zythophilus]

Praedicat imperium Russorum papa creatum

et magnos iuuenes uult meminisse duces.

[Zythophilus]

Vult Petrus Ausoniae montes peragrare magister:

Ignoratne feras hic habitare Petrus?

Turba magistrorum ne diminuatur ab urso,

in siluis caueat diffugiatque feras!

https://www.derstandard.at/story/300000 ... schuettert

[Zythophilus]

Caeruleas squillas Europae litora cernunt,

quae trans Oceanum nuper iere nouae.

Vt domet haec, suadent, animantia feruidus humor,

nam sapida his squillis dicitur esse caro.

https://edition.cnn.com/travel/article/ ... index.html

[Zythophilus]

Bestia fotricem cecidit cornuta Iuuaui:

Rhinocerus minime desiit esse ferus.

https://www.euronews.com/2023/09/12/zoo ... y-salzburg

[Zythophilus]

Faesulas Xandram lepidis amatam
uersibus uates reuocat iubetque
Faesulas illam celerem uenire

motus amore.

Ast amans mendum facit hanc puellam
neglegitque artem metricam poeta:
Faesulani, quos adiit misellus,

parcite uati!

[ille ego qui]

Bestia fotricem cecidit cornuta Iuuaui:

Rhinocerus minime desiit esse ferus.

https://www.euronews.com/2023/09/12/zoo ... y-salzburg

peccantne qui pronuntient Iúvavum?

[Zythophilus]

Peccant, si forma Iuvāvum in Stowasser exhibita falsa non est. Etiam in Rudolphide a Calamino poeta composita haec forma aspicitur (Rudolphis v. 90): Hoc quidem carmen uno loco inuenimus https://www.zobodat.at/pdf/Jb-Landeskde ... 1-0069.pdf

[ille ego qui]

Gratias tibi debeo, Zythophile!
Consuetudinem pronuntiandi mutare studebo.

[Zythophilus]

Si Iuuauum adire uis, muta pronuntiationem!
Iuuaui autem uix umquam Iuuauum leges, quia ibi Salisburgum scribi solet. Tamen una in inscriptione uerbum Iuuaui inuenitur, nam in ecclesia ad monasterium Sci Petri pertinenti, ubi titulus basicilicae anno fere MCMXCIII tributus memoratur, illius nominis mentio fit.

[ille ego qui]

hoc didicsse iuvat iuvavum - potiusve iuvavum -
…

eheu, iam ars metrica me deficit

[Tiberis]

eheu, iam ars metrica me deficit

timeo, ne res ita se habeat. alioquin te, ut qui indagare soleas, quidquid a lege metrica abhorreat, id vituperaturum fuisse puto, quod re vera erat vituperandum...

[ille ego qui]

pro dolor poeta ipse non sum
sed dic mihi, quia non satis intellexi:

quid est illud, quod dixisti “re vera [fuisse] vituperandum”?

vale!