Nugae

[Zythophilus]

Euitasse luem gesta se torque renarrat

et cum daemonibus posse druida loqui.

Huic stupida Arctoi uult nubere filia regis

atque hanc daemonio uelle iubente puto.

https://www.heute.at/s/norwegische-prin ... -100291645

[Zythophilus]

Moenia, quae tenuit pro principe praesul, adimus,

atque ubi collectum transtulit unda salem.

Templa, theatra, domus habet urbs adeunda sub arce,

nam lepidas Musas hic uiguisse ferunt.

Sed mihi non est ars ueniendi causa Iuuauum

nec spectare sedens dramata docta uolo,

nam coquere arte sua Cerealem claustra liquorem

scimus et huc laticis pocula plena uocant.

https://upload.wikimedia.org/wikipedia/ ... 0621174253

[Zythophilus]

A nanis colitur mirabilis hortus in urbe

nec mouet exiguos saxea turba pedes.

Haud procul his similes calicesque sedemus habentes,

nosque uetat solitus linquere uasa liquor,

sed latice interdum nimio uesica repleta

nos tamen ab dulci cogit abire loco.

[Zythophilus]

Vir, stas in puteo quondam tibi, saeve, dicato,

sed iam squamigeris, ferree miles, eges.

[Zythophilus]

Vrbis ubi princeps residebat episcopus olim,

magnifico in puteo nare uidentur equi:

Numinane in celeres mutant animalia pisces,

cum faciunt pinnas ossea crura leues?

[Zythophilus]

Rudolfskai.png (169.36 KiB) 3041-mal betrachtet

Ad ripam fluuii pueri potare uetantur,

hic ne post calices ebria turba furat.

[Zythophilus]

Ex urna tenuis laticem muliercula fundit

et scatet e fluuii fontibus unda loquax.

Ferrea ab infandis quondam ui rapta puella,

sed simulacra suo stant renouata loco.

https://upload.wikimedia.org/wikipedia/ ... t_2016.jpg

[Zythophilus]

Sanctorum memores hodie tibi, Christe, uocantur,

ut, quod ab his partum est, dulce sequantur iter.

[Zythophilus]

Carorum tumulos hodie quaeruntur, ut est mos,

illos ut decorent flammaque flosque nitens.

[Zythophilus]

Heus, potes urinam Sueborum fundere in aequor,

nam uolucres etiam mingere constat in hoc.

A multis in aquas mingentibus optima res fit,

cum foueat gelidas foetidus humor aquas.

https://todaytimeslive.com/world/419652.html

[Zythophilus]

Sunt uacua – heu! – fora nostra neque ullus adesse uidetur,

qui legere et nobis reddere uerba uelit.

Grex ubi sit sapiens, prudens ubi turba, requiro,

sed nemo loquitur doctaue uerba facit.

Hic ne scurra quidem, cui mens est mira, moratur

nec fora nonnumquam garrulus intrat homo.

Marcus adest semper Tiberimque audite monentem

Zythopilusque addit carmina saepe sagax.

[Zythophilus]

In fabrica zythi minxit uir in hordea tosta:

Vertere se in latices haec potuisse negant.

https://www.themirror.com/news/weird-ne ... ive-156303

[Zythophilus]

In dulcem regis translata est forma placentam:

Sicine rex regnum dulcius esse putat?

https://www.dailymail.co.uk/femail/arti ... m-nec.html

[Zythophilus]

Non in Trinacria solo mala bestia ocello,

uerum elephas minimus dicitur esse Cyclops.

http://deathelevated.blogspot.com/2018/ ... hants.html

[Zythophilus]

Fabula Martinum secuisse renarrat amictum,

frigora uti pauper pelleret acria homo.