Nugae

[Zythophilus]

In medio Latio est hodie fera saeua uagata,

sed caueam interea bestia capta colit.

https://www.unionesarda.it/en/italy/the ... e-yji7asr8

[Zythophilus]

Desolata bidens diu loco latebat,
quem nullus poterat uir adire uiuus,
ut longo tegerentur eius artus
lana tempore sordidi peracto.
Seruat denique ouem cohors misellam
et reddit stabulo suo bidentem.
https://abcnews.go.com/International/br ... =104684584

[Zythophilus]

Hic, Leopolde, dies tibi, sancte patrone, dicatur

teque patrem celebrat patria grata suum.

[Zythophilus]

Latrine Dion.png (99.28 KiB) 3035-mal betrachtet

Constat in hac olim mortales sede cacasse,

quos aluit Dion, patria cara deis.

[Zythophilus]

Condita sub saxis regionis flamma Phlegraea est

scitque pericla sibi terra latere timens.

https://www.fr.de/wissen/ausbruch-erupt ... 75459.html

[Zythophilus]

https://cdn.shopify.com/s/files/1/0602/ ... 1675448237
A nobis quantum pulcherrima distat Achaia?

Milia demonstrent signa notata tibi.

[Zythophilus]

https://www.wien.gv.at/webcam-rturm/rturm1.jpeg
Cana niuem gelidam de caelo nubila mittunt,

sed sol mox sequitur luce fauente niuem.

[Zythophilus]

Gaudia qui nobis, bone rex o Christe, parasti

ut liceat cunctis, effice, pace frui.

[Zythophilus]

https://www.reuters.com/world/europe/po ... 023-11-25/
Fabula pontificem grauiter se narrat habere

et uexare febrim morbida membra lego.

Delirare senex atque edere mira uidetur

uerba, sed incolumi corpore fecit idem.

[Zythophilus]

Frigida uenit hiems, gelidisque erodimur auris

et niue delapsa candida prata rigent.

Mitius autumni iam tempus constat abisse

nosque, quibus non est sol, tolerare dies.

Quae calidas terras – heu! – non petiere uolando,

debiliore niuem uoce queruntur aues,

nam reperire cibum nequeunt frustraque requirunt,

cum mala membra paret discruciare fames.

Incipiente die quis uult sua linquere tecta,

cum calidus iubeat nos remanere focus?

[mystica]

.

[Zythophilus]

Anno mensis init uetere hinc fugiente December,

et nouus hoc acto mensis et annus erit.

[Zythophilus]

Cum sit sumpta minor Cerealis copia potus,

plus lupuli superest, quam petit unda calens.

Vos ideo socii, Cereali tinguite potu

pocula, ne pereant munera acerba mora!

https://www.lessentiel.lu/de/story/welt ... 1242187909

[Zythophilus]

Altera lux niuei est mensis producta Decembris

atque abiens calido frigida sole caret.

[Zythophilus]

Tertia lux mensis niue cuncta tegente Decembris

coepit; adhuc niueum Iuppiter addet onus.