Nugae

[Zythophilus]

Tertia post Idus lucet lux orta Decembres

postque nouem sacra erit nox tibi, Christe, dies.

[Zythophilus]

Post Idus iniit lux denique quarta Decembres

nec nix Vindobonae prata uiasque tegit.

[Zythophilus]

Iaurinum, fluuii qua tres iunguntur euntes,

nos per agros latos rhaeda citata feret.

[Zythophilus]

Currit post Idus lux denique quinta Decembres,

cum niuibus gelidis prata uiaeque carent.

[Zythophilus]

Incensa in uiridi iam tertia flamma corona est

et fore significat gaudia magna flagrans.

[Zythophilus]

Mensis abit tacite sensimque December abibit

et post hunc modo erunt tresque decemque dies.

[Zythophilus]

Nascentis Domini nobis sollemnia agentur

nocte nigra post hunc sexta oriente diem.

[Zythophilus]

En, post quinque dies Domini natalis agetur

quique redire nequit, iam breuis annus abit.

[Zythophilus]

Cedens anne, decem dies habebis,
dum te nocte nouus sequetur annus.

[Tiberis]

Brumali quia in orbe hodie stat sidus hibernum,

dudum quae quidem adest, incipit acris hiems.

Sed sperare licet noctes fore mox breviores,

lucidiorque dies , credite, rursus erit.

[Zythophilus]

Noctibus elapsis ueniet nox sancta duabus

et nato puero festa dicata feret.

[Zythophilus]

Romae flumen equus fluuiatilis ante colebat,

quam rudis incultum rus peragravit homo.

https://phys.org/news/2023-11-earliest- ... ossil.html

[Zythophilus]

Crastina nox tenebras ad nos cum miserit atras,

festa Dei nati turba fidelis aget.

[Zythophilus]

Acris cum sit hiems, hiemi quoque conuenit hora

et nix lapsa polo prata domusque tegit.

Cras sperata sinet nix candida festa uideri

dissoluensne prius sol remouebit onus?

[Zythophilus]

Festa dabit populo nox aduentura fideli,

cum faciente Deo filius ortus erit.