Nugae

[Zythophilus]

Quid tulerit nobis hic annus paene peractus,

quaeris et attribuat uis meliora sequens.

Nam Mars armipotens saeuiuit miles in orbe

nec quassata manu tela furente tacent.

[Zythophilus]

Vltima nunc mensis lucet lux orta Decembris

cumque abeunte annus mense peractus erit.

[Zythophilus]

Dicimus „Anne, uale! Venientia tempora prosint!“,

cum fluit exspumans pallida in ora merum.

Nunc meminisse potes tibi gaudia magna fuisse

horribilesque annum continuisse dies.

Nunc optare potes, tibi ut annus fausta futurus

tempora, quae currant absque dolore, ferat.

[Zythophilus]

Incipiens, laeti tibi dicimus, anne, salutem,

ut nouus, optantes, nil nisi fausta feras.

Nos minus esuros tibi nunc promittimus, ut fit,

corpora enim non sunt uestibus apta suis,

et uitare uolet latices cras ebria turba,

quae titubans magna pocula uoce petit.

Talia temporibus cedent consulta malignis

nec poterit uotum mens reuocare suum.

Mox solito iam more uidebimus omnia labi,

mox solito celeres ordine abire dies.

[Zythophilus]

Iani mensis adest confecto mense Decembri

seque annus pariter dicit inisse nouus.

[Honigdachs]

fele nova accepta feliciter incipit annus,
vanescitque simul qui fuit ante dolor.

[Tiberis]

[marcus03]

Quis accepit illam felem? Nomen non prodidisti.
Quot feles cum ea natae sunt?

[Zythophilus]

Pulchras Riga domus, quam Baltica perluit unda,

continet et hanc urbem nunc ego adire paro.

Occupat alta domus notae nigra culmina feles:

Hocine sub tecto potus in ora fluet?

https://bufas-ev.de/wp-content/uploads/ ... -Klein.jpg

[Zythophilus]

Restituit patriae nos algida Riga reuectos

et ueri similis iam fauet aura cuti.

Laima-Uhr.png (46.12 KiB) 2081-mal betrachtet

[Zythophilus]

Ad stabulum Domini, quod oues asinusque tenebant,

uerba Dei narrant tres properasse magos.

Aduenere citi puero bona dona ferentes,

nec tamen in donis grata lagoena fuit.

https://www.catprint.de/wp-content/uplo ... 2/2726.jpg

[Zythophilus]

Magnifica ostendit complures Bruna tabernas,

qua Cerere e tosta est coctus in ore liquor.

[Zythophilus]

Mira ueste draco solitis de sedibus usus

pendet, uti melius frigora ferre queat.

[Zythophilus]

In gelida camera iacuisti, mortue galle,

sed te, mire, tamen uiuere, galle, probas.

https://www.nachrichten.at/panorama/chr ... 58,3889435

[Zythophilus]

Praedita Neptuni est rapidissima rhaeda tridenti,

sed maria hac intres aspera et alta caue.

https://www.cabriosupply.de/media/catal ... rta_3_.jpg