Abhinc ... annos

[marcus03]

Heimito a Doderer scriptor Austriacus obit Vindobonae.
Natus est Franciscus Carolus Heimito Doderer, qui appellatus est Franciscus Carolus Heimito
eques a Doderer usque ad annum CMCXIX, Non Sept. anno MDCCCXCVI in Vindobonae
decimo et quarto vico, qui Hadersdorf nominatur.

https://de.wikipedia.org/wiki/Heimito_von_Doderer

Maturus est, qui a se non iam decipitur ipso.

Verum et difficillimum munus nostrae mentis in eo continetur,
ut vitae solvamus aenigmata, sed ut iis non fatigemur.

Utique fieri potest, ut cupiditates nostras animo fingamus, cum eas habere desideremus.

Res solidae semper simplices sunt instar veritatis. Nullae res difficiles sunt nisi dimidae.

[Zythophilus]

Coniunx Eugenii periit Victoria martys;

quem lacerasse refert fabula nota bouem.

[Zythophilus]

Aemilius tumido deletus flumine pons est

et manet in saeuis unicus arcus aquis.

[marcus03]

Elisabeth Austriaca dux Bavarica nascitur Elisabeth Amalia Eugenia de Wittelsbach Monachii.
Anno MDLIV ab consobrino Francisco Iosepho I. in matrimonium ducta imperatrix Austriae
et regina Hungariae factast. A suis appellata est SISI.
Obiit a.d. IV Id Sept. anno MDCCCXCVIII Genevae ab anarchista quodam limella transfixa,
cuius ictum vix senserat.
Haec verba morientis fuisse feruntur ultima: Sed quidnam mihi accidit?

Si omnis vita nostra temporalis tantum est, qua de causa constantiam quaerere opus ist?

Vita interruptio nihili est horribilis.

Solitudo cibus est validus.

Nullius terrae sum gavia,
nullum litus patriam appello meam.
Nullo oppido nec ullo loco ligata teneor.
Ab alia unda volo ad aliam.

[Zythophilus]

Imposuit Carolo regnanti papa coronam

rexque fit Augustus dante Leone bonus.

[marcus03]

Carolus Spencer „Charlie“ Chaplin Junior, comicus, actor, scaenarum dispositor,
componista, pellicularum confector et editor obit in Helvetia.

Cum me ipsum amare inciperem, intellexi, quantopere quendam puderet, si ei vi imponerem, quod desiderarem, quamquam non ignorabam nec tempus maturum adesse nec illum hominem paratum esse ad
optata mea explenda, etsi ipse fui iste homo. Nunc scio eam nominari reverentiam sui.

Numquam feminam putas prudentiorem nisi dicens: Feminae stultiores sunt
ad rem conficiendam quandam.

Libros legam opus non est, ut sciam semper de controversiis agi in vita.
Quodcumque egi scurra ex ea oriundumst cognitione.

Sunt, qui honesti facti sint, postquam invenerunt operae esse pretium honestum esse.

Proposita summa res sunt maximae et pretiosissimae nisi
secundum ea vivere conemur.

[marcus03]

Ioannes Ludovicus Henricus Iulius Schliemann mercator,archeologus,
praecursor archeologiae campestris obit Neapoli.

Persuasio mea, ut Homerus vixerit, et traditio numquam critica moderna concussae sunt, et
huic persuasioni debeo Troiam mihi repertam.

Ingenium magnum in robore animi et perseverantia positum est nec ullis in rebus aliis.

Homerus non describit mythos, sed facta historica et res veras, quae manibus tangi possint.

Qui robore praeditus est, sat facile linguam quandam discere potest libris tantum usus nulloque
magistro adhibendo.

Sedulosissimus ipse nihil efficere potest imaginatione carens.

[marcus03]

Marlene Dietrich actrix et cantrixTheodisco-Americana nascitur Berolini Maria Magdalena Dietrich,
Obiit prid. Non. Mai anno MCMXCII Lutetiae.

Viri semper affirmant se feminae pulchritudinem amare interiorem.
Mirum quidemst eos oculos conicere ad locos omnino alios.

Femina fatalis: femina adulta cuiusdam gradus, cuiusdam sapientiae, cuiusdam
cognitionis mundi, in quo vivit, femina, quae iis, quae experta est, suo commodo utitur.

Nonnullus vir modestia tantum adductus caelebs manet. Dimidiam partem meliorem simpliciter non
cupit.

Si vitam meam iterum agam, eosdem errores committerem, sed paulo prius, ut iis eo magis perfruerer.

Omnes viros non diligo, qui primo femina crura conspiciant.
Periculosi sunt viri nobiles, qui nullum noverunt librum nisi libellum assignationum.
Ceterum censeo nulla esse praescripta ad viros iudicandos.
Res omnium gravissima est, ut illi vere amare possint.

[Zythophilus]

Posthabito Thomas occisus rege suberbo est,

nam maiore Deus dignus honore fuit.

[marcus03]

Henricus Theodorus Fontane scriptor, diurnarius, criticus Theodiscus in lucem editur Neuruppini/Novifori.
Obiit a.d. XII Kal. Oct. anno MDCCCXLVIII Berolini.

Qui inter se amant, nihil timent.

Rei cuique pretium est, vel ei, quam nos gratis accipere posse putemus.

Nulla est felicitas condicionibus carens nec perturbatione vacua, quae permanet
diutius quam quinquies sexesimas partes horae.

Cui amor non est, non inveniet ullum amorem.

Momentum beatum quodque Dei est donum, quo incitemur oporteat ad gratias agendas.

Quae utique putamus proposita summa ad id spectant, ut vera fieri non possint.

Beatitudinem nullus eques captabit venans. Quae invenitur nec ibi nec hic.
Disce superare, disce abstinere! Cum ea didiceris, tibi efflorescet necopinanti illa.

[Zythophilus]

Aenum qui biberat, periit Benedictus in urbe,

et nouus erepto pontifice annus init.

[marcus03]

Henricus Matisse pictor, graphicus,delineator sculptorque Francogallus nascitur
in Francogallia boreali.
Obiit a.d. III Non. Nov. anno MCMLIV.

Ubique flores inveniuntur ei, qui videre velit eos.

Pingere non est formas colorare, sed formare colores.

Diligentia multo abest, ut sit veritas.

Beatitudinem ex te ipso haurias opus est, ex die labore pleno,
ex illustratione, quam in nebulam, qua circumdamur, inferre potuit.

[Zythophilus]

Narcissi laqueo est occisus Commodus arto,

uitaque Narcisso – uae! – breuis inde manet.

[marcus03]

Mauritius Augustus Chevalier actor cantorque Francogallus obit Lutetiae.
Natus est Mauritius Edvardus Sanctus-Léo Chevalier prid. Id. Sept. anno MDCCCLXXXVIII ibidem.

Feminae fama bona persaepe in complurium virorum silentio positast.

Amor ignis, qui annis progredientibus plus parit fumi ardore.

Femina arcanis carens instar floris carentis odore.

Nullus vir prudens disputat cum femina, quae fatigata vel requieta est.

Facile non semper est scitu, cuius nos paeniteat oporteat: cuiusdam stulti, quod fecimus, an nihil fecerimus stulti,

Caelebes a feminis putantur imperatores, qui adhuc nulla ex pugna discesserunt victi.

https://www.youtube.com/watch?v=gG9KAiHitOc

https://de.wikipedia.org/wiki/Maurice_Chevalier

[Zythophilus]

Mercurius iuuenis Romanus papa creatur

nec nomen ueteris uult retinere dei.