Abhinc ... annos

[marcus03]

Paulus Cézanne pictor Francogallus in lucem editur in urbe Aix-en-Provence.
Obiit a.d. XI Kal. Nov. anno MCMVI ibidem.

Quod ars nostra continet imprimis in eo est positum, quod cogitant oculi nostri.

Ad duas res assuescamus opus est ad vitam perferendam:
ad temporis res adversas et iniustitiam humanam.

Quid est philosophus? Homo, qui legi naturam, mori rationem, conscientiam opinioni publicae
iudiciumque suum errori opponit.

[Tiberis]

Ultimus est fabricatus ab Emdanis scarabaeus.

Finitur series, prospera quae fuerat.

[Zythophilus]

Romulea praesul moritur Fabianus in urbe,

qui fieret uoluit papa columba sedens.

[marcus03]

Bettina/e de Arnim scriptrix, delineatrix, componista Theodisca decedit Berolini.
Quam ad auctores aetatis Romanticae Theodiscae graves pertinere constat.

Natast prid. Non. Apr. anno MDCCLXXXV Elisabeth Catharina Ludovica Magdalena Brentano
Francoforti ad Moenum siti.

Qui lucem desiderat, luce non caret. Desiderium enim lux iam est.

Amor cognitio et ea est possessio.

Qui amat scire discit, scientia discit amorem.

Eros est pulchritudine infinita et eius pulchritudo perlucet animam ut rosam lux.

Nemo nisi qui levitate sola, gaudio voluptateque mundum sibi servare scit, eum tenet captum.

Pulchritudo est animae cibus vitalis.

Amorem verum mens et in corpore percipit, in pulchritudine ad corporis voluptates pertinenti.

Cogitatio est veritatis imitatio ipsa.

[Zythophilus]

Farcimen sapidum firmat Thuringia primum,

quod torrere latens flamma calorque solent.

[marcus03]

Wladimir Iljitsch Lenin vir civilis rerum novarum cupidus Russicus obit in oppido Gorki apud Moscoviam situm.
Natus est Wladimir Iljitsch Uljanow a.d. X Kal. Mai. annos MDCCCLXX Simbirski.

Prudens non est, qui non peccat, sed qui peccata corrigere scit.

Credere bonumst, melius est inspicere, quod fit.

Dic mihi, quis te laudet, et tibi dicam, qua in re pecces.

Quo robore catena sit, parte eius infirmissima destinatur.

Noli hominem iudicare iis, quae de se dicit et cogitat, sed iis, quae perfecit!

Libertas tam pretiosa est, ut ea particulatim utamur oporteat.

[Zythophilus]

Nautilus in fluctus primum deducitur altos,

ut sub aqua faciat condita nauis iter.

[marcus03]

Ioannes Augustus Strindberg scriptor artifexque Suescus in lucem editur Holmii, qua in urbe
obiit prid. Id. Mai. anno MCMXII. Inter Suesciae auctores habetur gravissimos,
Imprimis dramatibus innotuit. Opera eius ad litteras Suescas pertinere classicas constat.

Quis permaneat, si sua cogitata praestare deberet?

Fortuna ludit cúm illis, qui ludere velint ea.

Si solitudinem times, noli nubere vel feminam ducere uxorem!

Nemo tibi sit invidiae! Nam nescis, an qui tibi est invidiae aliquid tacite occultet, quod
accipere non velis, si tibi offeratur permutandum.

Discipulus operam suam ducit gravem,
sed currum tantum esse est, ubi
magister equus esse debet.

Hominem esse res facilis non est, immo paene fieri non potest, ut sis homo.

[Zythophilus]

Militibus gaudet missis Heluetia Romam,

qui sint praesidio pontificemque tegant.

[Tiberis]

Hoc qui natus erat Vindobonae die,
Bruno Kreisky bonis consiliis diu
summoque ingenio praefuit Austriae.

[marcus03]

Fridericus II, Prussiae rex, cui cognomen MAGNI attributum est, in lucem editur Berolini.
Obiit a.d. XVI Kal. Sept. anno MDCCLXXII Potisdamiae.
Quem populus nomine ALTER FRITZ appellare solitum esse constat.
Ab anno MDCCXL rex fuit in Prussia, annis XXXII post rex Prussiae. Simul fuit marchio Brandenburgi
ab anno MDCCXL, qua re idem erat princeps elector imperii. Oriundus erat ex gente, quae
HOHENZOLLERN nominatur, quod anno MCMXVIII imperare desiit.

Id est studere oportet, ut omnes homines fanatismi et intolerantiae pudeat.

Maximi est momenti, ut officium cognoscas tuum.

Superstitio proles est timoris,infirmitatis ignorantiaeque.

Homo quisque gaudio carens nihili est.

Unum felicitatis momentum superat famae millenia superstitis.

Pauci cogitant, tamen omnes decernere volunt.

Canibus cunctae sunt virtutes homines nobiles, sed nulla ex eius mala.

Prudentia aptissimast ad conservandum, quod possidemus, sed audacia sola scit res acquirere.

.

[Zythophilus]

Claudius Augustus Tiberina factus in urbe;

dicitur a multis debilis esse senex.

[Zythophilus]

Est potu pyxis Cereali prima repleta,

ut facile influeret coctus in ora liquor.

[marcus03]

Guilhemus Somerset Maugham narrator et dramaticus nascitur Lutetiae.
Decessit a.d. XVII Kal. Ian. anno MCMLXV apud Nicaeam.
Est inter auctores linguae Anglicae , qui plurimum lecti sunt saeculo vicesimo.

A femina omnia comperias licet, si nihil quaeris ex ea.

Sinceritatem virtutis genus esse audacissimum verisimillimum est.

Cuique sibi persuasum est se libros recensere posse nulla ex causa alia nisi quod legere et scribere didicit.

Tempus medicus bonus, sed malus cosmeticus.

Quod erit, homines non prius diligunt quam ad id pertineat, quod erat.

Ratione tantum utentium praeiudicium est stultissimum, si scientiam rem esse unicam,
quae summi sit momenti.

Manere dedidicimus. Id est malum nostri temporis fundamnetale.

Pacem nec in labore nec in voluptatibus, nec in mundo nec in monasterio invenire possumus,
sed nusquam nisi in animis nostris.

https://de.wikipedia.org/wiki/W._Somerset_Maugham

[Zythophilus]

Henricus duxit rex felicissimus Annam:

Principis hoc saeui coniugium breue erit.