Abhinc ... annos

[marcus03]

Urbs Petropolis nomine afficitur LENINGRADI ad virum rerum novarum cupidum et
rei publicae conditorem, LENIN, honorandum, qui eodem anno decessit a.d. XII Kal.Feb.
Cui nomen prius plebiscito redditum est a.d. VIII Id. Sept. anno MCMXCI.

[Zythophilus]

Caesare Traiano est Cocceius Nerua creato

mortuus: Augustus non erat ante uigens.

[marcus03]

Wolfgangus Amadeus Mozart musicus et componista in lucem editur in illo VICO NEGOTIOSO Iuvavi sito.
Obiit Non. Dec. anno MDCCXCI annos XXXV tantum natus.

Melodia musicae naturast.

Viris, qui sentiant amorem, et cor non deest bonum.

Qui in periculo est, ne omnia amittat, ei omnia sunt audenda.

Ad astra ire res est praeclara et elata, sed et in terra versari cara tam pulchrum est, ut
nulla comparari liceat re alia.

Uxorem meam reddere volo beatam, nolo felix fieri per eam.

Vivat Bacchus, Bacchus vivat! Bacchus, qui invenit vinum!

Quod me maxime erigit et efficit, ut bono sim animo, in eo positumst, ut Theodiscus
sim sincer et honestus.

Deus mihi semper ob oculos versatur, eius omnipotentiam cognosco, eius iram timeo, sed
item cognosco amorem eius.

Peditur semper noctu et semper ita, ut crepitus fiat iucundus.

Qui fidem habet erga feminam unam tantum, crudelis est erga ceteras.

Artifex quisque honorem assequi studet cupiens se esse unicum.

[Tiberis]

Mortuus est Iosephus Verdi. accepit in aevum

dramata grata ab eo musica posteritas.

[Zythophilus]

Rex Carolus moritur Saxones acriter ultus,

qua populus calida membra lauabat aqua.

[marcus03]

Astrid Anna Emilia Lindgren scriptrix Suescica decedit Holmii.
Natast a.d. XVIII Kal. Dec. anno MCMVII Astrid Ericsson in vico NAES apud Vimmerby sito.
Cuius opera in linguis CVI prolata sunt, quorum vendita sunt CLXV decies centena milia ubique terrarum.

Quodcumque magnum evenit in orbe, primo in imaginatione humana apparuerat.

Amor est merx, quae celeriter perit. Destinata est ad consumendam quam primum.

Res omnium gravissima est, ut liberi libros legant, ut puer aut puella cum libro in solitudine versari possit.
Pelliculae televisioque parvi sunt momenti.

Noli manere, dum homines te arrideant! Quibus monstra, quomodo arrideatur!

Amare discere potes. Nemo melius discit pueris puellisque.Qui si amore carentes adolescunt,
mirari non licet, si ipsi duri et inhumani fient.

Liberis date amorem, plus atque plus amoris. Mens sana fiet ultro.

Liberi multo cum amore adolescant oportet, sed iis et normae opus sunt.

Res omnium gravissima et difficillima est haec:
potestate uti vi abstinentem

Educatio libera et auctoritate carens sibi non vult liberos sibi ipsis tradere nec iis permittere,
ut agant aut non agant, quod velint

[mystica]

.

[Zythophilus]

Aegypti rex est Ptolemaeus mortuus alter,

cui cara Arsinoe nupserat ipsa soror.

[marcus03]

Ioannes Gottlieb Fichte educator, philosophus, philosophiae professor Theodiscus obit Berolini.
Cum illo Hegel et Schelling ad Idealismi Theodisci philosophos pertinet.
Natus est a.d. XIV Kal. Iun. anno MDCCLXII in oppido Rammerau in electoris principatu Saxoniae sito.

Nulla amor verus et perpetuus constare potest, qui reverentia caret.
Alius quisque paenitentiam movet nec dignus est re nobili.

Nullus deus nobis subvenire potest, nobis subvenire debemus ipsi.

Homo hominis inimicus crudelissimus.

Non agimus, cum cognoscamus, sed cognoscimus, cum ad agendum destinati simus.

Cor reddendo melius pervenimus ad veram libertatem.

Amor sui radix generis cuiusque corruptionis alterius.

Doctus obliviscatur, quod fecit, ubi primum factumst et semper id cogitet, quod superest faciendum!

Non verbis solum docemus, sed etiam multo efficacius exemplo nostro docemus.

Qua de causa cor meum lugere et eo dirumpi debet, quo mens mea tam perfecte placetur?

[Tiberis]

Phoenicis quod nomen habet theatrum,
Igne consumptum est iterum rapaci.

[marcus03]

Livia Drusilla , uxor Divi Augusti tertia, nascitur Romae. Post mariti mortem appellatast Iulia Augusta.
Qua re prima erat Romana, quae titulo Augustae affectast. Ab anno XLII p.C.n. DIVA AUGVSTA nominatast.
Decessit anno XXIX. Sunt, qui dicant eam a.d. III Kal. Oct. animam efflasse. De qua re quidem dubitari videtur.

[Zythophilus]

Ara sacratur ab Augusto data Pacis in urbe,

cui Flaccus tribuit carmina nota sagax.

[Tiberis]

Immortalia qui mele relinquet,
vitae cui spatii parum manebit
impar ingenio, nimis quo abundat,
Musa nascitur hoc die favente
Schubert, Austriacis decus perenne.

[mystica]

.

[Zythophilus]

Engel Mariensäule.png (18.03 KiB) 1616-mal betrachtet

Eicit e caelo ueterem hic angelus ense draconem

et Michaele malus ui superante fugit.