Nugae

[Zythophilus]

Haec stat in oppidulo platanus patulissima amoeno,

quae sata Clementis dicitur esse manu.

[Zythophilus]

Vt ueteres nummos intus uideamus et artes,

nos uocat, alma, tibi, Musa, sacrata domus.

quaequae fuit domibus ciuilibus, arca togarum

aut etiam infantum lectulus artus, inest.

[Zythophilus]

Quinque data est hominum lectorum milibus esca

multaque post cenam turba relinquit humi.

https://kwaweber.org/wp-content/uploads ... .jpg?w=480

[Zythophilus]

Quam glacies aeterna tegit, nunc insula aditur,

ursus diripiens ut tibi dicat: „Aue!“

Dormiet in gelido pinguissima litore phoca,

nixque tui culi stercus habebit olens.

[Matthaeus]

Qui modo caeruleas gaudebas nare per undas,

tu mihi nunc, salmo, tostus in igne places.

[Zythophilus]

Fluctibus erepto gaudes, Matthaee, natanti

atque auido morsu mollia membra uoras.

[Zythophilus]

Lutea sulphureae circumflagrat unda paludis

omniaque effumans ignis odorque necant.

[Zythophilus]

Quae regina potens prope Pontum condidit urbem,

deiecta statua ui Catharina ruit.

https://imgl.krone.at/scaled/2892361/v1 ... ,width=800

[Zythophilus]

Auras per liquidas nunc cognita Odessus aditur,

pocula ubi nobis nota taberna dabit.

Pontica, dum litus corpus fouet, unda sonabit

et mea torrebit mox sola arena calens.

Quondam structa tibi tum balnea, Roma, petemus,

iam cum nullus aquis squalida membra lauet.

https://media.licdn.com/dms/image/D4E22 ... RY40yFQ6GM

[Zythophilus]

Quo celeri cursu mortales fert ferrea rhaeda

undeque abire uolans rhaeda per arua parat,

adueniunt homines dicuntque „Valete!“ manentes,

scandere cum caros hora uehicla uelit.

https://visit.varna.bg/media/cache/79/1 ... C_4978.jpg

[Zythophilus]

Fecerunt monachi cellas in rupibus altis;

nunc demptis monachis nil nisi claustra uides.

https://static.bnr.bg/gallery/cr/medium ... 80f74d.jpg

[Matthaeus]

Garrula, mitte loqui, quamvis lasciva puella!

anne cupis leti causa fuisse mei?

Tartareas torvi descendam regis ad umbras,

gratus ubi tacitis oribus ardet amor.

[Zythophilus]

Quondam structa tibi nos balnea, Roma, uidemus,

iam cum nullus aquis squalida membra lauet.

https://visit.varna.bg/media/cache/5a/6 ... 080020.JPG

[Zythophilus]

Quas tulit unda, rates immotas continet ora,

quaeque habuit portans aura, uehicla uides.

http://www.airventure.de/tipspics/varna ... 20(%201%20).jpg
http://www.airventure.de/tipspics/varna ... oboot%20(8).jpg

[Zythophilus]

Dicitur esse ualens luctator femina falso,

sed mulier nunc te, uera puella, ferit.

https://www.telegraph.co.uk/olympics/20 ... mori-66kg/