Nugae

[Zythophilus]

In tectis, ubi sunt morbusque dolorque, moramur,

sed nos haec hodie linquere tecta sinent.

[Zythophilus]

Mingere nos nantes non uult Hispania in aequor:

An prope nos uigiles per mare nare iubet?

https://www.merkur.de/reise/750-euro-st ... o%20beruft.

[Zythophilus]

Saepius ostendis bustum tam triste tuorum,

quaerere ut incipiam; „Num tibi uita manet?“

[Zythophilus]

Calce graui lapsu laesa modo repere possum,

nec mea membra mouens nescio iam, quid agam,

sed mox usurum pede me puto utroque refectum,

ut liceat pedibus linquere tecta citis.

https://files.versorgungswerke.website/ ... -zu-9.jpeg

[Zythophilus]

Dextra pedis laesi qui debuit ossa secare,

mota uiri manibus laeua secana secat.

Altera chirurgo resecandi est lata facultas,

nam potuit laesum deinde secare pedem.

https://www.bild.de/regional/berlin/ber ... .bild.html

[Zythophilus]

Edet magna stupro genetrix elephanta creatum

Vindobonamque iuuat, quod futuere ferae.

https://oekastatic.orf.at/mims/2024/33/ ... 9079749c8c

[Zythophilus]

Heu, tam saepe forum mihi petitum
nunc clausum est, neque adire iam ualemus.
Dic nobis, ubi ineptias iocosque
ponamus lepidaeque dona Musae.

[Zythophilus]

Id, quod forte forum clausum est, nos accit apertum,

nosque ibi metra sinit ponere mixta iocis.

[ille ego qui]

Id, quod adire forum non licuit, nos accit apertum,

nosque ibi metra sinit ponere mixta iocis.

verbum „non“ in priore versu metrum turbare mihi videtur.
fallor?

[marcus03]

Non falleris.
Sine NON hexameter est errore vacuus.

Ī́d, quŏd ădī́rĕ fŏrū́m lĭcŭī́t, nōs ā́ccĭt ăpḗrtum

(pede certo)

[Zythophilus]

Quae tenuit tumulus bene conditus, arma Philippi

fama mota uiri turba uidere potest.

https://www.fleig-fleig.de/mediapool/61 ... 71-542.jpg

[Zythophilus]

Discipulum Domini laudamus Bartholomaeum,

cuius in urbe Petri praesulis ossa iacent.

https://upload.wikimedia.org/wikipedia/ ... oramio.jpg

[ille ego qui]

Non falleris.
Sine NON hexameter est errore vacuus.

Ī́d, quŏd ădī́rĕ fŏrū́m lĭcŭī́t, nōs ā́ccĭt ăpḗrtum

(pede certo)

Scio.

[Zythophilus]

Carmina cum scribo, calamus non saepe uacillat,

longius ut fiat – uae! – breuiusue metrum.

Dic haec menda mihi, cito ut auctor talia tollam,

si mendosa procax metra papyrus habet.

[Tiberis]

ecce: novissimus hexameter, modo quem pepigisti,

longior est solito, cum metra septem habeat.

Primum Caesar adit – liber eius nuntiat ipse – Britannos