Nugae

[Zythophilus]

Cauponam celeris penetrauit rhaeda Poloni.

Hunc reor ingentem iam pepulisse famem.

https://www.kleinezeitung.at/oesterreic ... -verletzte

[Zythophilus]

Moenia cultrorum cultro sceleratus acuto

appetit atque homines tres ibi deinde necat.

[Zythophilus]

Hoc mihi uincla die tandem soluentur et ultro

flectere mox potero crura pedesque uolens.

[Zythophilus]

Quattuor annorum stat Cretica milia oliua,

qua bellum populis paxque uirente fuit.

https://upload.wikimedia.org/wikipedia/ ... Vouves.jpg

[Zythophilus]

Hac est dulcis amor patula sub arbore iunctus,

hac maduit tellus tincta cruore rubro.

Consita ab Europa mihi oliua uidetur in aruis,

trans mare quam tulerant candida terga bouis.

An tibi fetiferos ramos, rex, insula debet,

cui genuit coniunx monstra nefanda furens?

Si fuit, hic pueros seruauit filius Aethrae

monstrauitque Deum ciuibus esse Titus.

Laetaque sub Venetis florebat oliva molestis

Turcarumque iugum nouerat acre diu.

Cumque truces oriens expelleret insula Turcas,

fetus, quam dederat Pallas, oliua tulit.

Constat oliua uetus sub Athenis Hellade iuncta

curuaque adhuc Danais regna futura monet.

[Zythophilus]

Recto more doces nos dicere plusque minusque

et gaudere bona uoce, diserte, iubes.

https://www.facebook.com/reel/862424575 ... it&__cft__[0]=AZXxgyX-aoiMgaq8dhAgLMpN3DaFpzchYjrOVkED4FCRqvLxKRI1_kCKl-v-IXYNtJADwvsJ1MsT_wDqVS5Q1Ew3HHrIvvPWhGTA5TDlhatAepkuqzxEsyFtz0zDNZP0HPO4dKm5NKTm21sq6CI0kJfqBjfDB8CNQMHtuWlHIrUT15KUAkAH4vcsM2SBxqg9n7o&__tn__=H-R

[Zythophilus]

Cum memoret Marcus gestas res saepe priores,

uatis Zythophili disticha saepe legis.

Nil aliud – mihi dic aliquid! – fora nostra uigorat,

sed tacitura manet cetera turba domi.

[Zythophilus]

Quis scit, quid lateat Sancti Clementis in aede?

Hic procul a superis clam coluere deum.

Caeca pauimento delubri tecta cauerna est,

solis ubi inuicti fana fuere Mithrae.

https://www.turismoroma.it/sites/defaul ... ertina.jpg

[Zythophilus]

Cid Valencia.png (47.98 KiB) 9810-mal betrachtet

Tergo uectus equi dux hostibus intulit arma

moxque a militbus trux superatus Arabs.

[Zythophilus]

Quem reuocare nequis, mensis Sextilis abibit

et media incipiet currere nocte nouus.

[Zythophilus]

Qua mare Lignanum circumluit, insula uenit:

Ne quis emat fundum, culta ibi concha petit.

https://www.kleinezeitung.at/kaernten/a ... n-besitzer

[Zythophilus]

Dormit, quod uiguit, forum Latinum:
An totum exanimum magis putemus?
Iam nemo rogat, ut sibi adsit ullus,
nec responsa sodalis hic requirit.
Aut ne terga quidem cupit Latinis
quisquam uocibus inscius inquinare.
Nec miranda petuntur in latebris,
quas uitare solent uiri modesti,
nec dat uersiculos poeta gratos
ludens et metra parua praeter unum.

[Tiberis]

Versus quominus ederem facetos,
caelum adhuc prohibebat aestuosum.
languet mens nimio calore fessa,
nil iam proficio tacente Musa.
certe frigidioribus diebus,
donec mente animoque ero refectus,
neglectam, ut renovem, placebit artem.

[Zythophilus]

Ordine Septembres solito uenere Kalendae:

Tertia pars anni tempore eunte manet.

[Zythophilus]

Efficiet noua lex, ne ueste machaera tegatur:

Securi poterunt linquere tecta boni.

Quin alios caedi mucrone uetamus acuto?

Quanta fora et plateas paxque quiesque reget!

https://www.tagesschau.de/inland/faq-ma ... n-100.html