Abhinc ... annos

[marcus03]

Rainer Werner Fassbinder scaenarum dispositor, scaenarius, scripti auctor, pellicularum confector et
editor, componista, dramaticus Theodiscus nascitur Wernenshovae.
Obiit a.d. IV Id. Iun. anno MCMLXXXII Monachii.

Confecit XL pelliculas, duas series televisionarias, tres pelliculas breves et composuit
XXIV spectacula et IV ludos auditorios.

Qui maxime versatus est in thematibus ad animum ad lucrum abutendum pertinentibus,
in rebus praeteritis in socialimo nationali factis, in terrore a grege, qui RAF appellata est, commisso.

Inter pelliculas ei confectas sunt hae inclutae:
METUS DEVORARE ANIMAM (MCMLXXIV), BEROLINUM ALEXANDRI CAMPUS (MCMLXXX)), EFFI BRIEST (MCMLXXIV), LILLI MARLEEN (MCMLXXX), QUERELLE - PACTUM CUM DIABOLO IUNCTUM (MCMLXXXII)

Vita non prius habilis erit et suppeditabit quam mortem patiemur id,
quo vita nostra maxime destinatur.
Dum de morte loqui nolumus, et vita est res, quae nobis cordi non sit.

Sunt tres feminarum genera: pulchrae, prudentes, pars maior.

Ubique terrarum nullum iam est tempus bonum ostendendi ea, quibus moveatur animus.

Amor instrumentum optimum, insidiosissimum, efficacissimum ad infirmiores reprimendos.

Homo quisque sibi constituere debet, utrum praestet vitam agere quidem brevem,
sed gravius animo perceptam an longam et communem.

Dormire mihi licebit mortuo.

[marcus03]

Marilyn Monroe scaenaria, pellicularum confectrix, indutrix photogenica Americana nascitur
in urbe Angelorum Norma Jeane Mortenson ( baptizata Norma Jeane Baker).

Decessit prid. Non. Aug. anno MCMLXII ibidem morte voluntaria et dubiosa - adhuc non perspecta omni.

Innotuit pelliculis, quae e.g. inscribuntur SUNT QUI REM DILIGANT FERVIDAM,
QUOMODO MILLIONARIO POTIRI POTES, FLUMEN REDITU INTERCLUSUS, SEGREGES (QUI SE SOCIETATI ADAPTARE NON POSSUNT), FLUMEN NIAGARA, INTER NOS AMEMUS
ANNUS SEPTIMUS PRURIGINE PLENUS

https://www.promipool.de/style/die-gesc ... lyn-monroe

https://www.youtube.com/watch?v=iH3oOVKt0WI

Risus lenis optimus fucus, quem virgo gestet licet.

Qui multo mane orat, diem reliquum vacat voluptatibus et rebus obscaenis.

Perfectum non esse est pulchritudo, insania, ingenium summum.
Et melius est quam esse prorsus ridiculosum et omnino taediosum.

Genitalitas naturae pars. Me applico naturae.

Maritus imprimis tum sunt amatores boni, cum adulterant.

Si felix es eo, quod agis, aliquid praeclari tibi contingit, sed eo foveri non potes nocte frigida.

Concubitum agere numquam pravumst, si amore simul continetur.
Sed saepius homines illum agentes se praebent quasi corpus exerceant - more mechanico.

Quodcumque dignum est, quod possideatur, et operae est preti id manere.

Virgo novit fines suos, sed virgo prudens novit sibi nullos esse fines.

Si praecepta observassem, felicior numquam facta essem.

Invidia illa est umbra, quae successu efficitur.

Feminae nemo opus est, cui opus non sit ipsa.

Non prius noveris, qualis sit vita, quam egeris eam.

Nos omnes vivere incipere oportet, priusquam senescamus.
Metus res est stulta. Stultum quoque est alicuius rei paenitere.

Virgo sapiens basia dat,sed non amat, aurem praebet, sed non credit et deserit,
priusquam deseratur ipsa.

Mea non refert mundum nostrum esse mundum virorum, dummodo ego sim femina in eo.

Cum puella essem, mihi dixerunt me esse pulchram.
Oportet omnibus puellis dicas se esse pulchras, etsi nulla sint pulchritudine.

[Zythophilus]

Vandalicus Romam tandem capit impetus urbem

diripiensque furit barbara turba domus.

[marcus03]

Marcellus Reich-Ranicki auctor et publicista Theodisco-Polonus nascitur Vladislaviae.
Obiit a.d. XIV Kal. Oct. anno MCMXIII Francoforti, quae urbs ad Moenum sitast.
Qui litterarum papa appellari solet et innotuit criticus severus, acer, acutus,
qui saepe omni indulgentia caruit.
Quem campo hominibus segregandis tempore crudelissimo superfuisse constat,
cum eius parentes perierunt more inhumanissimo et sceleratisissimo.

Illud Quadricinium Litterarium non erat conventus ad fraternitatem celebrandam.
Quod est malum, malum est. Hoc dici oportet.

Litterae mihi cordi sunt, non est liber.

Hoc est, quod ago: feminas legere et libros complecti

Illud Quadricinium Litterarium me saepe delectavit, interdum id tuli moleste, numquam mihi fuit taedio.

Quod comprehendi vix potest non est argumentum cogitationum profundarum.

Illi, qui libris reprehendendis vivit, animus fortis opus est,
imprimis animus errandi. Qui cui deest, ratiocinator aut consultor vectigalis fiat!

In litteris magni momenti sunt duo themata tantum: amor et metus mortis

Scriptores collegis veniam dant pro omnibus, numquam pro successu.

Televisio prudentes reddit prudentiores, stultiores stultos.

Feminas puto et collegas litteratas et ratione praeditas.

[Zythophilus]

Papa bonus motbo est defunctus in urbe Ioannes:

Huius quot fuerant nominis ante pii?

[marcus03]

Franciscus Anschel Kafka scriptor Austriacus obit in oppido Kierling in Austria sito
morbo ad pulmones pertinenti.
In lucem editus est V Non. Iul. anno MDCCCLXXXIII Pragae.
Cuius opera sunt litterarum mundi gravissimarum.

Et fortasse id revera amor non est, si dico te mihi esse rem carissimam.
Amor est, ut mihi sis culter, quo in me fodam.

Felicitas est comprehendere, ut solum, in quo stes,
maius esse non possit iis pedibus duobus, quibus tegatur.

Bonum quodam modo solamine caret.

Avaritia unum ex indiciis est certissimis miseriae profundae.

Quicumque sibi facultatem conservat pulchra cognoscendi numquam senescet.

Mens non prius erit liber, quam desierit esse firmamentum.

Messias/Christus non prius veniet quam non iam indigebimus eo.

Primum cognitionis ineuntis indicium est moriendi desiderium.

Non quisque veritatem videre potest, sed quisque veritas sit licet.

Si fieri potuisset, ut turris Babylonica exstrueretur nullo eum ascendere volente,
hominibus permissa esset, ut exstruerent illam.

Te metire genere humano. Quod efficit, ut, qui dubitat, dubitet credatque, qui credat.

Qui intra mundum proximum amat suum, eandem iniuriam infert ac qui se amat ipsum intra mundum.
Incertum est, an res prior fieri possit.

In theoria invenitur facultas beatitudinis perfectae:
credere ei, quod in te latet indelebile, nec petere illud.

Veritas indelebilis est, ergo cognosci non potest ipsa. Quam qui cognoscere vult,
eum esse opus est mendacium.

Si eandem rem recte intellegimús et false interpretamur, alterum non excludit alterum.

[marcus03]

Iacobus Hieronymus Casanova iurisconsultus, scriptor, bibliothecarius, poeta, philosophus,
interpretator, chemicus, alchmista, mathematicus, historicus, legatus, aleator, masso, speculator
Venetianus obit in regno Bohemiae in regia, quae DUX (Duchcov) appellatur.
Natus est a.d. IV Non. Apr. anno MDCCXXV Venetiae.

Ad beatitudinem pervenire nec facilius nec difficilius esse oportet.

Qui dormit non peccat. Qui peccavit ante, melius dormit.

Feminae pelliciendae causa ei persuadeas opus est maritum eam non intellegere.

Calumnia invidiae filia.

Tres ex quattour amoris partibus constant ex curiositate.

Philosophus est, qui nulla caret voluptate.

Non refert, vita sit beata an misera, thesaurus est unicus,
quem possidet homo. Quam qui non diligit, dignus non est ea.

Cum femina, quam maxime desiderabam, in lucem ederetur,
Deus lacrimas profudit sua stella omnium pulcherrima amissa.

Verbis absentibus amor amittit duas partes tertias stimuli sui.

Homo quidem beatissimus non est libidinosus,
sed ille, qui summam voluptatem et gaudium optare sciat.

[Zythophilus]

Obsessi Karolo Ticini moenia cedunt

postque nouem menses denique uicta cadunt.

[marcus03]

Carolus Fredericus Ernestus Maria de Weber componista, praefectus musicus, clavicen
aetatis Romanticae animam efflat Londinii annos XXXIX natus,
In lucem editus est a.d. XIII vel XIV Kal. Dec. annos MDCCLXXXVI Eutini.

De rosis carmina componere licet, sed malis dentes sunt imprimendi.

Homo summi et veri ingeni aliena admirans non fit eorum imitator,
sed iis modo iucunde incitatur ad vias inveniendas novas.

Musicae sermo mysteriorum plenus est.

Arti nulla est patria.

Qui se putat infallibilem, homo est stultus superbusque.

Scire est mundum intellegere. Scientia docemur,
quomodo mira temporum praeteritorum et horae avolantis signa recte interpretemur.

Theologia, quae salute careat, multos fecit atheos,
quos philosophia sana ad Deum reduxit.

Operandi et opera creandi impetus tam sublimis est originis quam est amor
et nihilo magis vi obtineri potest quam eo.

Constat fore, ut nulla musica creetur, nulla pictura pingatur, nullum carmen componatur,
nisi homini inesset impetus alios movendi.

Illae cogitationes ipsae, quibus magnae opinionum praeiudicatarum copiae evertantur et fulgurum instar
tenebrae luce implerentur, censori stulto novae videntur, inusitatae periculosaeque.
Qui oblitterat eas, quod facilius sit quam cogitare et sibi utique certissimum.

[Zythophilus]

Vi Germanorum moritur Bonifatius Anglus,

qui populo saeuo tradidit ante fidem.

[marcus03]

Paulus Thomas Mann scriptor et narrator saeculi vicesimi gravissimus Theodiscus
in lucem editur Lubecae.
Decessit prid. Id. Aug. anno MCMLV Turici.
Anno MCMXXIX ei litterarum praemium tributum est Nobelianum.

In libris nullos invenimus nisi nos ipsos.
Miror, quod gaudium semper est magnum et nos auctorem declaramus hominem summi ingenii.

Quod nobis morbus morsque sunt cordi nihil exprimit aliud nisi nobis vitam esse cordi.

Sui conscium fieri est conscientia affici, est scire, quid sit bonum et malum.

Ironice loqui paene semper est inopia pressum se praebere velle superiorem.

Nomen est pars eius, quod est, et animae.

Hominem benevolentiae et amoris causa morti permittere non oportet,
ut potiatur eius cogitationibus.

Agas oportet, quod tibi fore gaudio exspectes- tum verisimillimum est
id et mundo allaturum gaudium.

Quid est tempus? - mysterium est, quod natura caret omnipotens.

Res bona in homine more Pyrrhonico cogitans in eo positum est, quod omnia fieri posse putat.

Veritas dolorosa praestat mendacio.

Risus est animae splendescentis.

Artifex opus eodem animo aggredi debet ac eo, quo sceleratus suum committit facinus.

Poetam esse est facultas contra praecepta vivendi.

In vi adhibenda semper aliquid est desperationis.

[Zythophilus]

Praemonstratensis qui claruit ordinis auctor,

Norbertus moritur praesul in urbe sua.

[marcus03]

Henricus Valentinus Miller scriptor et pictor Americanus decessit in urbe Angelorum.
Natus est a.d. VII Kal. Ian. anno MDCCCXCI Neoeboraci.
Motus erat vitae philosophia Nietzscheana et opus illius Oscarii Spengler, quod inscribitur
OCCIDENTIS INTERITUS. Fructum cepit ex psychoanalysi moderna.
Item favit doctrinis Buddhismi, Taoismi, illius Laotse. Usus ratione naturalistice scribendi,
in qua et visiones surreales adhibuit.

Mundus non tenetur progrediens, cum re oeconomica incitetur.
Deus nullum sibi assem parit ex eo.

Deus multa fieri sinit, quae homines vetari velint.

Illi pauci mihi noti, qui digni sint, ut appellentur Christiani,
nullius fuerunt ecclesiae. Adhoc censeo, si unus Christianus inveniretur,
eum socium esse posse alicuius ecclesiae.

Omnes, qui feminas pellicere cupiunt, sciunt primo oculos feminarum esse aperiendos,
ut conivere possint.

Vir suam coniugem amans animum non advertit ad eius vestimentum, sed ad coniugem suam.
Si vestimentum spectare coepit, amor suus iam remisit.

Mihi persuasi futurum fuisse, ut Iesus, si his diebus reverteretur, ab ecclesia non cognoscatur,
sed ea verisimiliter se persequatur et iterum crucifigat.

Inter Dei creaturas omnes homo solus delere potest, quod amat.
Nemo nisi is imaginem sui delere potest proprii.

Vita est ea res, quae nobis contingit aliquid omnino aliud in animo habentibus.

Virtus appellatur summa rerum, quas pigri, ignavi aut stulti non peficimus.

Quis aliquid de amore dicat? De causa, ex qua amamus?
Huic est non inest logica. Servi sumus. Clementia carentes vincti sumus. Inopes. Sacrificia.

Concubitus est una ex causis novem, ex quibus reincarnationem esse credo.
Ceterae dignae non sunt commemoratu.

Monogamia paene idem est ac cottidie comedere poma terrestia tosta.

Eruditum et humanum esse est desideria habere difficiles expletu.

Cupere non solum est optare. Cupere est id fieri, quod natura sumus.

Nonnulli viri expectant uxores eorum adulteraturas eodem animo intento,
quo in circo versantes expectant casum funambuli.

Amor nihil est alius nisi Boogie-Woogie, qui dicitur, hormonorum.

Vita est ea, quam se reddimus.

Nemo nostrum umquam sat dedit amoris, nedum amorem omnem, quem dare possit.

Qui feminas pellicit est vir, qui legit eas istar librorum: nullam usque ad finem

[marcus03]

Mohammed/ Muhammad religionis auctor obit Medinae.
Cuius nomen plenum est:
Abū l-Qāsim Muhammad b. ʿAbdallāh b. ʿAbd al-Muttalib b. Hāschim b. ʿAbd Manāf al-Quraschī

Natus est inter annum DLXX et DLXXIII Meccae.
In religione sibi condita putatur propheta et Dei legatus.

Mons,nisi mons prophetam petit, petendus est prophetae.

Cupido plus atque plus possidendi perdit genus humanum.

Qui proficiscitur inventu scientiam, in Dei via est, dum revertatur.

Feminas tenerrime tractatote. Quae ex costa creata est.Quae plerumque curvata est, est costa suprema.
Quam si rectam reddere conaris, frangitur. Si eam quidem reliquisti talem, qualis est, formam retinet.
Feminas ergo tractatote tenerrime!

Qui consilia habent, consilia capiunt, cum fatum ea ridet.

Alcoranum demissum est res quinque nobis relevandi causa: eas, quae sunt licitae,
eas,quae sunt vetatae, eas, quae sunt perspicuae, eas, quae sunt difficiles intellectu,
eas, quae per paradigmata explicantur

Ira fides corrumpitur ut mel corrumpitur aceta.

Tene tuum creatorem amare credis? Primo ama proximum tuum!

In pueritia scientiam sibi parere istar inscriptionis est in saxo sculptae,
cum scientia in senectute parta in aquam scripta esse videatur.

Optimus omnium princeps est ille, qui petit sapientem.
Discipulus omnium pessimus est ille,qui petit principem.

Nemini nostrum fides est vera, priusquam fratri aut sorori permittat, ut habeat,
quod sibi ipsi esse concedendum ab iis censeat.

Misericors, qui non est, misericordiam non inveniet.

Inter mendacia pessima est illud, per quod te de eo somniasse dicis, quod tibi somnianti
ob oculos non versabantur.

Cogitationes bonae pars sunt Dei colendi.

Res bonae, quas homo in mundo creat, sunt eius divitiae verae.

Via media via est optima.

Deus nullius miseretur, qui hominum miseritus non est.

Peccator, qui paenitentiae est plenus, eius est instar, qui se peccato non oneravit.

Qui erga homines grato non est animo, et erga Deum non est animo grato.

Cor Dei domus est.

[Zythophilus]

Se mucrone Nero seruo necat ipse iuuante,

cum prope se missam sentiat esse manum.