Abhinc ... annos

[Zythophilus]

Maximus Aegypti Ramses rex occidit alter,

cuius habent nomen nobile mille domus.

[marcus03]

Disputatio Lipsinana inter theologos Ioannem Eck et Andream Bodenstein
et Martinum Luther habita incipit.
In qua Luther negat papae primatum ex Deo esse oriundum.
Qua re ab illo Eck accusatur, quod sit haereticus Hussiticus fundamento fidei Catholicae concutiendo.
Eck ex Bavaria, Bodenstein ex Wittenberga oriundus erat.

https://de.wikipedia.org/wiki/Leipziger_Disputation

[Zythophilus]

Interit insidiis, cui pareat Austria maior,

Martiaque occiso principe flamma furit.

[mystica]

.

[marcus03]

Ioannes Iacobus Rousseau scriptor, philosophus, paedagogus,
naturae investigator, componista nascitur Genevae.
Obiit a.d. VI Non. Iul. anno MDCCLXXVIII in oppidulo apud Lutetiam sito.

Natura nos numquam decipit. Nos semper sumus ipsi, qui nos decipimus.

Malevolentia omnis oriunda est ex infirmitate.

Multum didicisse opus est, ut de iis quaerere possimus, quae non sciamus.

Summa voluptas sui continentia continetur.

Maioris est preti aliorum reverentiam accipere quam interdum admirationem eorum.

Magistrum servum esse non decet, aliter suum discipulum reddit servum alterum.

Rebus veris sunt fines, quod imaginamur, infinitumst.

Pecunia, quam possidemus, utenda est ad libertatem parandam,
illa, quam sectamur, servitudinem parit.

Unum mendacium magistri perspicuum educationis fructum omnem perdere potest.

Libertas humana non eo continetur, quod sibi agere licet, quod vult, sed eo,
quod agere non debet, quod non vult.

Naturae humanae est patienter perferre, quod necesse est, nec perferre alterius malevolentiam.

Ratione homo formatur, gubernatur animo.

Qua de causa sceleratorum sedem ac regionem quaeramus in vita postmortali?
Quae iam hac in vita invenitur: in malorum animo

Ad amoris epistulam scribendam bonam incipias opus est ignorans,
quid dicere velis, et finem facias, ignorans, quid scripseris.

[marcus03]

de Elone Musk:
https://www.zdf.de/dokumentation/zdfinf ... n-100.html

https://www.businessinsider.de/wirtscha ... n-biograf/

[marcus03]

Paulus Ernstus Klee pictor et graphicus Theodiscus obiit Muraltoni.
Nascitur a.d. XV Kal. Ian. anno MDCCCLXXIX in oppido Muenchenbuchsee apud Bernam sito.
Qui pertinet ad aetates et expressionismi et constructivismi et cubismi et primitivismi et surrealismi
cum illo grege coniunctus, qui appellatur EQVES CAERVLEVS.

Anno MCMXIV notus fieri coepit, quo anno cum Augusto Macke et Ludovico Moilliet Tunesiam peteret.
Pictore Wassilio Kandinsky amico utebatur. Ab anno MCMXXI in illo BAUHAUS docuit Dessaviae.
Klee inter artifices aetatis modernae gravissimos habetur saeculi vicesimi.

Beatus est semistultus, cui omnia bene cedant et fructus ferant.

Invidiae dolor non incitatur damno amati, sed cum alius ei praeferatur.

Ars cum creatione more paradigmatis conferatur licet.
Quae exemplum est singulum eadem ratione, qua terrestia sunt cosmi exempla.

Ars est creationis paradigma.
Deus quoque nimis non versatus est in gradibus huius temporis fortuitis.