Abhinc ... annos

[Zythophilus]

Mortuus est Sixtus Romanus papa secundus

proque fide sanctus martyr in urbe perit.

[Matthaeus]

Anule, fide comes, uoti quoque testis auiti,

perpetuum nostri pignus amoris eris.

https://uni-muenster.sciebo.de/s/u38uuyC2tI1tf7W

[ille ego qui]

Gratulor vobis, mi carissime!

Ubi tu Gaius, ego Gaia ...

[marcus03]

In Austria Inferiore statua illius Veneris Willendorfensis invenitur in quodam tramine aedificando,
quod secundum flumen Danuvium vehetur.
Quae ante annos fere mille XXV fabricata aestimatur aetate,
quae appellatur Palaeollithicum recentius/novissimum.

https://de.wikipedia.org/wiki/Venus_von_Willendorf

[marcus03]

Imperator Caesar Nerva Traianus Augustus moritur Selinunte, quod oppidum in Cilicia situmst.
In lucem editus est a.d. XIV Kal. Oct. anno DCCCV a.u.c.in Hispania Baetica, quae provincia in
Hispania sitast meridiana.
Cuius mors ab uxore Plotina dies tres occultata fertur.
Illo regnante imperium Romanum magnitudine fuisse maxima constat.
In historia a senatoribus composita appellatur princeps optimus.

Actum quem debuisti, mi Secunde, in excutiendis causis eorum qui Christiani ad te delati fuerant secutus es. Neque enim in universum aliquid quod quasi certam formam habeat constitui potest. Conquirendi non sunt; si deferantur et arguantur, puniendi sunt, ita tamen ut qui negaverit se Christianum esse idque re ipsa manifestum fecerit, id est supplicando dis nostris, quamvis suspectus in praeteritum, veniam ex paenitentia impetret. Sine auctore vero propositi libelli in nullo crimine locum habere debent. Nam et pessimi exempli nec nostri saeculi est.

[Zythophilus]

Neruam Traianum miratur obire Selinus;

dicitur hic princeps optimus esse regens.

[Tiberis]

Urbs Nagasaki ruit. Cives iterum innumerales

teli terribili vi periere novi.

[Zythophilus]

Cedere Pompeium Pharsalia Caesaris armis

uidit et ad Nili flumen abire fuga.

[Zythophilus]

Archidiaconus rapitur Laurentius igne,

sed uenit exusto laetus ab ore iocus.

[Matthaeus]

Gratulor vobis, mi carissime!

Ubi tu Gaius, ego Gaia ...

gratias tibi ago!

[Zythophilus]

Te Persae, laniant fortem, Spartana iuuentus,

atque in Thermopylis sanguine arena rubet.

[marcus03]

Imperator Caesar Traianus Hadrianus Augustus succedit Imperatori Caesari Nervae Traiano Augusto,
qui se moriens adoptavit.

[marcus03]

Medicus, sodalis noster, decessit annos LXXXII natus brevi ante diem natalem proximum.
Requiescas in pace, latinitati aetate progresse adeo dedite!

[Zythophilus]

Mons mare ubi tangit, caesi iacuere treceni

Thermopylaeque uiros tot cecidisse monent.

Tunc nondum licuit defendere fortibus hostes,

at posthac aciem uicit Achaia trucem.

[Zythophilus]

Quassa Cephallenum sunt terrae motibus arua

uique fere tota est insula uersa fera.