LATINITAS VIVA

[Christophorus]

Nam Soror Magna, Angelam Merkel dîco, nos omnes aspicit, ut scîscitetur, sitne aliquo loco mulier etiam foedior quam ipsa sit. Si qua mulier foedior Angelâ Merkel reperietur, ea statim paludum nostrarum saxorumque cancellaria creabitur, ut smilodontes praedatores, Mammuthos pterosauros ossaque Germanorum rôsa regnet.

Thomas "ioculator" Vulpius

Cave, quaeso, ne eo modo primam ministram rei publicae violes. Certe de rebus gestis et de facie formaque eius disputari potest. Certe non pulcherrima est. Sed, etiamsi iocus est, male mihi dictum videtur.

[ThomasVulpius]

Nam Soror Magna, Angelam Merkel dîco, nos omnes aspicit, ut scîscitetur, sitne aliquo loco mulier etiam foedior quam ipsa sit. Si qua mulier foedior Angelâ Merkel reperietur, ea statim paludum nostrarum saxorumque cancellaria creabitur, ut smilodontes praedatores, Mammuthos pterosauros ossaque Germanorum rôsa regnet.

Thomas "ioculator" Vulpius

Cave, quaeso, ne eo modo primam ministram rei publicae violes. Certe de rebus gestis et de facie formaque eius disputari potest. Certe non pulcherrima est. Sed, etiamsi iocus est, male mihi dictum videtur.

Tota res iocus est! Iamne vidisti in Germaniâ smilodontes praedatores vîvos?

[Zythophilus]

Forsitan ii, qui smilodontes uiuos uidissent, morsu eroum miserrime interierint, ut illis de bestiis uisis non referrent.

[Medicus domesticus]

Salve ioculator, Vulpi!
Liberi mei quoque gaudent te adesse hoc in foro ..
Dicis te esse "Programmierer" . Facis ludos computrati?

[ille ego qui]

hahahae!
num liberi tui legunt, quae hic Latine loquamur?

[Christophorus]

Tota res iocus est! Iamne vidisti in Germaniâ smilodontes praedatores vîvos?

Quod certe intellexi. Sed saepe etiam iocis verum adhaeret.

[Medicus domesticus]

hahahae!
num liberi tui legunt, quae hic Latine loquamur?

Vident imaginem Vulpii

[ThomasVulpius]

Salve ioculator, Vulpi!
Liberi mei quoque gaudent te adesse hoc in foro ..
Dicis te esse "Programmierer" . Facis ludos computrati?

Res taediosas compono - hic non est iocus!
Inspice ipse insulsitatem vitae meae:
http://www.nachhilfelehrer-latein.de/rpgle.html

[ThomasVulpius]

hahahae!
num liberi tui legunt, quae hic Latine loquamur?

Vident imaginem Vulpii

Ea, quae ego proponere soleo, liberis apta non sunt. Saepissime enim de rebus perversis cogito.

Quid autem potest esse perversius, quid obscaenius, quid libidinosius quam numerare Hungarice?

Quanta autem insit in numeris Hungaricis perversitas, ipse videre poteritis hoc loco:
http://www.pugna-in-saltu-teutoburgiensi-facta.de/numerihungarici.html

Thomas "ioculator" Vulpius

[Medicus domesticus]

O te miserum!
......tibi tamen in foro nostro salutem dico plurimam, Vulpi
Optime et feliciter vale!

[Tiberis]

Quid autem potest esse perversius, quid obscaenius, quid libidinosius quam numerare Hungarice?

Quanta autem insit in numeris Hungaricis perversitas, ipse videre poteritis hoc loco:
http://www.pugna-in-saltu-teutoburgiens ... arici.html

quae sit in numeris Hungaricis perversitas, plane ignoro.
ceterum dic mihi, o Vulpi : num scis Hungarice?

[ille ego qui]

raro tam creber hic sermo fuit quam nunc auctore Vulpio. gaudeo!

[consus]

Amicis suis salutem.
Civis sum cisrhenanus, amici, neque tamen impedior quominus iterum ac saepius Rhenum transeam illosque reconditos visam saltus, qui nostra quidem aetate non portentuosis scatent smilodontibus ceterisque eiusdem generis beluis, sed versutissimis vulpibus abundant leporibusque levissimis. Et quod maxima praebet gaudia: permultas ibi invenietis puellas venustissimas quae auratis lucent comis. Rem ita esse mihi credite, amici; ipse enim virginem quondam amabilissimam ex Germanis oriundam matrimonio mihi iunxi. Nulla ergo est causa cur transrhenanis regionibus, quamvis vastae sint atque incultae, quamvis peragrentur a Vulpio quodam viro fama super aethera noto, funditus perterreamini.

[ille ego qui]

virginem quondam amabilissimam

quam verborum iuncturam vide ne uxor tua legat

[consus]

Nonne ludicra interdum placet verborum ambiguitas? Sine qua periculum est ne grammatici desidiae se dedant.