LATINITAS VIVA

[ThomasVulpius]

Quid autem potest esse perversius, quid obscaenius, quid libidinosius quam numerare Hungarice?

Quanta autem insit in numeris Hungaricis perversitas, ipse videre poteritis hoc loco:
http://www.pugna-in-saltu-teutoburgiens ... arici.html

quae sit in numeris Hungaricis perversitas, plane ignoro.
ceterum dic mihi, o Vulpi : num scis Hungarice?

Certe Hungarice scio!

Hungari hoc modo loquuntur:
wetruwetruittrwe ioützütot dfklägödflgkläö bnwerrmweb uiweriopewurio pweuriowerup


Tum Hungari addere solent:
källä ioüoüpi erwrewrwer yxckxylxyxäö äökäökäökl wzzr.

[ThomasVulpius]

Amicis suis salutem.
Civis sum cisrhenanus, amici, neque tamen impedior quominus iterum ac saepius Rhenum transeam illosque reconditos visam saltus, qui nostra quidem aetate non portentuosis scatent smilodontibus ceterisque eiusdem generis beluis, sed versutissimis vulpibus abundant leporibusque levissimis. Et quod maxima praebet gaudia: permultas ibi invenietis puellas venustissimas quae auratis lucent comis. Rem ita esse mihi credite, amici; ipse enim virginem quondam amabilissimam ex Germanis oriundam matrimonio mihi iunxi. Nulla ergo est causa cur transrhenanis regionibus, quamvis vastae sint atque incultae, quamvis peragrentur a Vulpio quodam viro fama super aethera noto, funditus perterreamini.

Quid ais? Nonne scîs mulieres Germânas omnes foedissimas esse?
Ên coniuges nostras:
http://www.pugna-in-saltu-teutoburgiensi-facta.de/coniugesnostrae.jpg

[ThomasVulpius]

Quid autem potest esse perversius, quid obscaenius, quid libidinosius quam numerare Hungarice?

Quanta autem insit in numeris Hungaricis perversitas, ipse videre poteritis hoc loco:
http://www.pugna-in-saltu-teutoburgiens ... arici.html

quae sit in numeris Hungaricis perversitas, plane ignoro.
ceterum dic mihi, o Vulpi : num scis Hungarice?

Aenigma solvam:

[Tiberis]

Hungari hoc modo loquuntur:
wetruwetruittrwe ioützütot dfklägödflgkläö bnwerrmweb uiweriopewurio pweuriowerup

Hoc significat: Nos Hungari sumus et omnes perversi sumus.

immo istae ineptiae summae sunt perversitatis. sermo quidem Hungaricus a vocibus istis dissonantibus longe abest.
quod attinet ad verba tua de mulieribus Hungaricis facta, nil nisi haec:
nec sunt talia salsa nec faceta.
Vulpi, ridiculus mihi videris.

[consus]

...Ên coniuges nostras:
http://www.pugna-in-saltu-teutoburgiensi-facta.de/coniugesnostrae.jpg

Equidem doleo, vir omnium Sugambrorum atrocissime, quod mulieres tam taetrae vobis sunt foedaeque. Quid mirum? Nonne maior pars virginum venustarum patria vestra umbrosa relicta apud nos versatur cisrhenanos? Ut intellegas quae vera sit virginum Germanarum forma, admirare modo imaginem feminae vere bellae formosae venustae: http://artmight.com/albums/classic-g/Gustav-Klimt-1862-1918/klimt34.jpg

[Zythophilus]

Vulpi, scurra, caue! Iam dura flagella parantur,

dura, quibus Tiberis - uae! - tua terga secet.

Coget, ut utaris numeris, quos Hungarus offert,

uerbera dum sentis crimine digna tuo.

[Zythophilus]

Pessima uita tibi est, mi Vulpi, plena laborum,

nam mulier taetros foeda pererrat agros.

In regione tua tam foedas uiuere dicis,

foedior ut nusquam terreat ulla uiros.

Nonne deus, cui sunt sacra pocula fortia, ocellos,

qui mala tanta ferunt, dote iuuare potest?

[Zythophilus]

Hungaricos numeros odio tibi legimus esse.

Num tibi credendum est, scurra, iocose, salax?

Hausto iure rubro, quod fecerat Hungarus, ollas

Hungarice uacuas te numerare puto.

[ThomasVulpius]

Salvete, στωμυλιοσυλλεκτάδαι!

Quomodo Latine dicitur "night bar"?

Prôpônô: zythoplôleion nocturnum.

Quid vobis videtur?

Thomas vester, vir grammaticissimus

[ThomasVulpius]

Salvete, grammaticês amatores!

Quomodo "Diskothek" Latine dicatur, resciscere velim.

Prôpônô: taberna saltandi.

Quid vôbîs videtur?

Thomas vester

[Tiberis]

Quomodo Latine dicitur "night bar"?

Prôpônô: zythoplôleion nocturnum.

zythopoleion parum aptum mihi videtur, primum, quod vocabulum Graecum est: nonne tu ipse vocabulum Latinum quaesivisti? deinde, quod in tabernis eius generis non solum cerevisia veniri solet; quibus de causis "taberna (aut tabernula) nocturna" proponere ausim; sed etiam "bibaria nocturna" aptissima mihi videtur vox (cf. Pons Wörterbuch des neuen Latein).

[ThomasVulpius]

Quomodo Latine dicitur "night bar"?

Prôpônô: zythoplôleion nocturnum.

zythopoleion parum aptum mihi videtur, primum, quod vocabulum Graecum est: nonne tu ipse vocabulum Latinum quaesivisti? deinde, quod in tabernis eius generis non solum cerevisia veniri solet; quibus de causis "taberna (aut tabernula) nocturna" proponere ausim; sed etiam "bibaria nocturna" aptissima mihi videtur vox (cf. Pons Wörterbuch des neuen Latein).

Hoc idem interim ab aliis propositum est:
- taberna nocturna
- popîna nocturna

Bene vale!
Thomas tuus

[consus]

Christianus Helfer Saravipontanus: deverticulum nocturnum.

[Tiberis]

Prôpônô: taberna saltandi.

equidem censeo parum Latine dictum esse "taberna" cum gerundio coniuncta. loquimur de taberna argentaria, de taberna libraria eqs; ergo nonne nos dicere oportet: taberna saltatoria ?
tamen etiam vocabulo discothecae nobis uti licere censeo, dummodo ne Romanis antiquis ea vox sit intellegenda . at non est dubium, quin ab hominibus nostrae aetatis "discotheca" sine ulla difficultate intellegatur.
ceterum censeo , si eas res Latine reddere volumus, quas Romani antiqui non noverint, nobis esse videndum, ut usum hodiernum respiciamus lectoresque nostrae aetatis. neque enim refert nos Romanis antiquis novas res quasi explicare; immo cum hominibus nostrae aetatis loquimur: quamobrem quid obstat, si - salvis scilicet legibus Latinitatis aureae - iis vocabulis utimur, quae ab omnibus intellegantur?

[ThomasVulpius]

Christianus Helfer Saravipontanus: deverticulum nocturnum.

Placet! Gratias!