Nugae

[Zythophilus]

Cum pereunt flammis in Achaia prata nemusque,

labitur et mollit frigidus imber humum.

Non calet haec aestas nec quaeritur unda paludis,

nam sine sole potes membra lauare foris.

[medicus]

membra lauare foris.

https://www.badische-zeitung.de/was-hat ... 64036.html

[Zythophilus]

Quomodo possumus facile unda tinguere corpus?

Membra lauare foris imbre cadente potes!

[Zythophilus]

Rupibus in summis sita sunt caelestia claustra,

ut nidos uolucres hic posuisse putes.

[Zythophilus]

Inter tecta tuum fulget, Florentia, fanum

nosque Dei genetrix dulcis adire iubet.

https://images.contentstack.io/v3/asset ... &auto=webp

[medicus]

Qua in terra versaris, Zythophile, in Italia aut Graecia?

[Zythophilus]

Iam diu in Austria ad Vindobonam uersor.

[Zythophilus]

Septima cum dapibus deuenerit hora uoratis,

ecce puto tenebris cedere uelle diem.

Et breuis autumnum aestas genuisse uidetur

proque calore rigat frigidus imber agros.

[Tiberis]

Rarae cum pluviae deciderint aquae
annis praeteritis, imbre madere agros
hoc anno nimio Styriacos vides.
Undis, qui fuerant rivuli adhuc, tument,
rebus cum timeant multi homines suis.
Imbris iam satis est ! Ut redeat, precor,
intermissa diu grata serenitas !

[Zythophilus]

Cum Domino dixit mirans in monte moratus

tres se uelle casas aedificare Petrus.

[Zythophilus]

Assiduis lati tumuerunt imbribus amnes,

ut superans ripas linqueret unda suas,

nec iam riuus aquas potuit retinere furentes,

sed iam transiluit mox facile arua liquor.

Cum pulsis pluuiis se saeua receperit unda,

facta per hanc queritans incola damna uidet.

Cui domus in fundo laribus constantibus extat,

liberat a limis hanc laticesque fugat.

Sed noua sunt tectis, cum cesserit unda, pericla,

nam nimius pinguem molliit imber humum,

mobilis ut tellus labatur caespite moto

deque iugo ueniens tecta repente ruat.

https://img.zeit.de/gesellschaft/zeitge ... 2__desktop

[Zythophilus]

Aduehet ala cito cursu me ferrea Ponto,

ut iuuet hoc artus unda marina die.

Mox gelidi mihi erunt sicco prope litora potus,

quos mihi, uti spero, cara puella feret.

[Tiberis]

Ardente raeda si tibi est cervisia,
incendium cito potes restinguere.
Octo lagoenis quidam homo nuperrime
sedavit ardorem autocineto in suo.
https://www.zeit.de/news/2023-08/12/vat ... schen-bier

[Zythophilus]

Iussit arenosum nos litus Odessus adire

et prope aquas moti ponere membra maris.

Artus puluereos interdum deluit aequor,

nosque fugit piscis, quem nitidum mare alit.

Sicca fluens tinguit ceruisia saepius ora,

ne nimius perdat languida membra calor.

[Zythophilus]

In caelum mater Maria est assumpta Beata,

et capiti caro digna corona data est.

https://img.freepik.com/fotos-premium/l ... jpg?w=2000