Nugae

[Zythophilus]

Ecce magis maribus mala fertur obesse grauedo

et magis hac legimus peste dolere uiros.

Saepe mares dubitant peiore grauedine laedi,

sed crucior, uir enim sum, doleoque magis.

https://www.msn.com/de-at/lifestyle/oth ... d51ae79d05

[Zythophilus]

Huius quarta dies anni decurrere coepit

et sol insolitus cuncta fauore replet.

[Zythophilus]

Pontificem emeritum residentis condere papae est

Franciscusque suos corpus humare iubet.

Mortua perpetuo traduntur membra sepulcro,

ut, qui papa fuit, pace manente cubet.

[Zythophilus]

Quinta dies uenit, namque hinc nouus annus it, ut fit,

nec quisquam ueterem iam reuocare potest.

[mystica]

https://www.youtube.com/watch?v=5F7x9R11bAM&t=3s

[ClaudiaK]

... ego nunc essem libera...

Sibi ipsi modum ultro imponere est novus et unicus modus vivendi. Iuvenes, quia veteres homines, qui in re publica versantur, non iam intellegunt, exemplo iuvenioribus sint. Quod tibi sit solacium. Cur Emilia Fester flagitat quod paucis annis omnibus faciendum est: minus itinerum facere, cum proximis sine litibus esse? Gratias habeat Emilia quod condiciones temporum hodiernorum ei iam exercitatio sint. Dies festi finiti sunt. Est quod discat, quod omnibus iuvenibus discendum est. Non est nostra culpa, o mystica, sed patrimonium et officium, quod suscipere et pati debemus, neque flagitare nobis libertatem istam quae discrimen efficit.

[Zythophilus]

Conditus exsequiis Benedictus papa peractis

iam fruitur somno, pace, quiete iacens.

[Tiberis]

Cur Emilia Fester flagitat quod paucis annis omnibus faciendum est: minus itinerum facere (...)

nonne ista Emilia in oratione ad legatos habita flagitavit, ut omnes adulti publice cogerentur (!) vaccinationem subire? De qua, quid efficiat, ipsi periti alii aliud proponunt . Sed verbis istius vehementissime est repugnandum, quae, cum dicit publicae salutis causa corporis integritatem neglegendam esse, aetatem Nazistarum in memoriam revocat, qui eos, qui morbos quasi hereditate acceperant, salutis populi causa ad sterilitatem redegerunt. cavete prasinos, quorum postulata si eveniant, non dubium est, quin libera res publica citissime in tyrannidem mutetur.

[Zythophilus]

Tres uenere magi puero regique daturi

dona et asellorum tecta caduca petunt.

Ex oriente uiros stella ducente profectos

quadrupedes celeres diuitiasque ferunt.

https://anthrowiki.at/images/thumb/0/09 ... a_2016.jpg

[Zythophilus]

Bruna feras uarias, quibus integra uita negatur,

continet, et passim mira animantia habet.

Stat quadrupes ingens Thomae prope fana sacrata,

in cuius scapulis ferrea signa sedent.

In media platea saeui tria guttura monstri

dextra conspicimus uincta, Monoece, tua.

Nec crocodilus adit pendens de tegmine ciues

nec rigida examinis bestia membra mouet,

sed gaudere licet, quod belua mortua pendet

nec clam deueniens pocula nostra rapit.

[mystica]

[Zythophilus]

In tumulo tacito Benedictus papa quiescit

nec linquenda domus mortua membra tenet.

https://img.welt.de/img/newsticker/dpa_ ... kt-XVI.jpg

[mystica]

Audītē, quaesō,
doctī sodālēs,
quid theologus et psychologus profundus
Eugenīus Drewermann
dē Pāpā Benedictō XVI. sēnserit.

Audiātur et altera pars! Valēte



https://www.youtube.com/watch?v=0OUaBG5DRfo&t=1s

[marcus03]

Quod Benedictus naufragium fecit, quis dubitet?
Theologia magna minime efficax sit licet, si hominem praeterit.
Hic papa minus in Augustino versetur oportuit.
De Deo pulcherrime loqui facilius est factu quam eius praecepta sequi.
Ex fructibus eos cognoscetis!
Qui sunt Benedicti fructus nisi theologia obsoleta et plena verborum pulchrorum,
quae res veras partim omnino neglegant?
Quot verba vana et inania edidit, quae animum humanum moveant, sed vix quidquam efficiant!
Vita est vita, quam vitam B. vere intellexisse non videtur non patiens, quod rerum naturae
scientiae de homine investigavit et investigare non desinit.
Idem et ad cosmologiam pertinet, quam B. animadvertisse non videtur omnem.
Verborum perpulchrorum tempus iamdudum praeteriit.
Agendum est- quam celerrime et efficacissime.

[Zythophilus]

Orta dies decima est, nouus hic quam praebuit annus,

nam solito currunt ordine cuncta suo.

https://www.stilkunst.de/c31_calendar/b ... n-0110.png