Nugae

[Zythophilus]

Castori celeri debent haec moenia nomen,

cui fuerat ferro dempta pilosa cutis.

[Zythophilus]

Tecta piis monachis habitata habet ardua rupes,

quaeque procul grauido sustinet aura solo.

has sicut nidos uolucres posuisse fugaces

caelestesque domus tangere uelle putes.

Castra Deo trino sacra nunc adeunda uidentur,

sed nobis aditum porta seraeque negant.

[Zythophilus]

Linquuntur monachae caelestia claustra colentes,

ut pateat uiridis uallis et unda fluat.

Est nemus Haemoniae, per quod Peneos it amnis,

grataque mortales umbra quiesque iuuant.

Addit aquas fluuio fons, hic qui montibus exit,

et placet in gelido fonte lauare pedes.

Dum fugit, hic foliis uiruit pulcherrima Daphne,

Eurydiceque anguis dente necata decens.

[Zythophilus]

Aegis busta tenent Macedonum corpora regum.

Tu quoque in hac terra, magne Philippe, iaces.

https://upload.wikimedia.org/wikipedia/ ... kt._07.jpg

[Zythophilus]

Regia cum raeda nobis sit Pella relicta,

hac lepida urbs se nos maior adire iubet.

Fecit in urbe potens quondam Galerius arcum,

quaeque forent tumulus, tecta rotunda simul.

Prospicit e portu – quis nescit? – candida turris

atque ibi Alexandrum portat aenus equus.

[Zythophilus]

Byzantinisches Museum.png (109.71 KiB) 3818-mal betrachtet

Cum nobis auidis monstrent musea uidenda,

longa tua o nobis cura, puella, placent.

[Zythophilus]

Semper in Emathia soliti mansere calores,

et per membra fluens languida sudor iit.

Saeuus sol ardet radiis urentibus arua,

dum miseros cogunt nos properare duces.

Multas in uariis museis egimus horas

uixque datas est fessis umbra quiesue leuis.

Manserunt urbis bona propugnacula fortis,

sistere quae rapidam uim potuere diu,

sed sua saepe feris mittentibus hostibus arma

moenia Graecorum - uae! - cecidere tamen

[ille ego qui]

Semper in Emathia soliti mansere calores,
et per membra fluens languida sudor iit.
Saeuus sol ardet radiis urentibus arua,
dum miseros cogunt nos properare duces.
Multas in uariis museis egimus horas
uixque datas est fessis umbra quiesue leuis.
Manserunt urbis bona propugnacula fortis,
sistere quae rapidam uim potuere diu,
sed sua feris mittentibus hostibus arma
moenia Graecorum - uae! - cecidere tamen

huius versus rationem metricam non teneo ...

[marcus03]

huius versus rationem metricam non teneo ...

Estne facultas corrigendi quam minima mutando?

sed sua feris mittentibus hostibus arma
_vv /_ _/_ _/???/_ vv/_ x

[Tiberis]

sed sua feris mittentibus hostibus arma
_vv /_ _/_ _/???/_ vv/_ x

feris > u - !

toto non opus esse puto versu renovando.

hoc* verbum reliquis si addideris, satis est.

*> sed sua saepe feris mittentibus hostibus arma

[Zythophilus]

Qua per libertum se Cassius occidit ipse

et tua uox sparsit, credule Paule, fidem.

nostra iter huc faciens uersatur turba Philippi

tectaque lapsa graui sole calente uidet.

[Zythophilus]

Vidimus oppidulum – non possum hoc dicere uersu –

qua fuerat sapiens natus Aristoteles.

[Zythophilus]

A sociis Thasiis sunt condita moenia firma:

Haec petiit raeda nostra citata cohors.

[Zythophilus]

Vltima nos iam lux exire iubebit Achaia

perque auras liquidas mox patria arua petam.

[Zythophilus]

Amittit tenues morbo Cyprus insula feles,

quas ibi fertur homo perdomuisse feras.

Flent, quod amica perit tam cara, puella puerque

deridente magis mure, quod hostis abest.

https://in-cyprus.philenews.com/news/lo ... in-cyprus/