De tabulario Agrippinensi repentina ruina collapso

von **consus** » Mi 4. Mär 2009, 12:12

Agrippinenses patriae lamentantur calamitatem:

In maerore iacens gemit ampla Colonia magno:

Heu! pretii summi tot periere bona.

Victa ruisse vides casu tabularia tristi;

Tartarus exsultat divitiasque trahit.

von **Zythophilus** » Mi 4. Mär 2009, 18:32

Aedibus illapsis nunc magna Colonia luget,

quod data diuitiis tecta ruere, querens.

Quae seruabat opes, ne tempus perderet artes

inuidaque obliuio, uae!, â€“ domus ipsa perit!

Sunt seruanda iterum, quae iam seruata tenebat,

eripienda malo ruderibusque domus.

Dira quot acta, libros, delet documenta ruina!

Quis memoranda uiris reddere signa potest?

von **Zythophilus** » Mi 4. Mär 2009, 21:54

Saucia perfodiens ubanae uiscera terrae

ferratum sub humi tegmine ponis iter.

Motibus acta, caue, crebris lapsuraque in altum

ne uoret impositas terra repente domus.

von **consus** » Mi 4. Mär 2009, 21:59

Aedes cur ruerint, fortasse requiris, amice:

Tellus quae foditur prisca sepulchra tegit.

von **Zythophilus** » Mi 4. Mär 2009, 22:45

Est tristissima res, quamquam iocus esse uidetur:

Efficiunt cladem prisca sepulcra malam.

Mors sibi nunc sumpta repetit loca debita poena:

Mota putanda sacro manibus ira loco.

von **Apollonios** » Do 5. Mär 2009, 19:33

non modo scripta lugete -
mementote et virorum
qui ambo in antro iacent.
quisquam eis caret,
illius et mementote.
vana sunt scripta
sine viventibus.