Auripolis – De Historia Medicinae et instrumentis medicorum

[Medicus domesticus]

Salvete sodales,
Modo legi scriptum “Deutsches Medizinhistorisches Museum – 2.500 Jahre Medizingeschichte in der “Alten Anatomie” -Ingolstadt”:
In foro “aenigmata” olim proposui aenigma a conso solutum de instrumento medicorum, qoud “lithotomos” appellatur.
viewtopic.php?f=18&t=22595&p=217356&hilit=lithotomos#p217356
Auripolis (Ingolstadt) est oppidum Bavariense, quo Universitas praeclara sita erat (1472-1800). Multi medici ibi eruditi sunt et in antiquo aedificio Anatomicae hodie Historia Medicinae nobis monstratur. Non solum Hortum Medicum lepide ornatum inspiciatis, sed etiam Historiam Medicinae instrumentaque:



Paginam primam propono:
https://www.ingolstadt.de/dmm/

Valete

[consus]

Auripolis serras nobis scalpellaque monstrat:

Rebus terrificis nititur alma salus.

_______________________________________________________________________
* https://www.ingolstadt.de/dmm/wp-content/themes/dmm/assets/images/header/set_gr.jpg

[Medicus domesticus]

Ne timueris instrumenta, conse!
Hodie aegroti dormiunt in secando....

Mox aedificium praefatum videbo et fortasse imagines vobis monstrabo hoc in foro....imagines terribiles?....Ne timueritis!

Valete

[Medicus domesticus]

Salvete amici Linguae Latinae et artis medicae!
Hodie vidi aedificium Ingolstadiense Anatomicae . Olim candidati medici et professores pauci erant.... itaque fruebantur scientia in theatro anatomico et in horto medico, quo candidati medici herbarum scientiam perdiscebant.
Lingua Latina erat lingua scientiae......et lingua medicorum:



Imagines terribiles?!
Hic videtis instrumenta ad calvarias perforandas:


Valete

[consus]

Auripolis cultros uncos scalpellaque monstrat:

Tot rebus NITIDIS nititur alma salus.

[Medicus domesticus]

Recte dixisti, conse optime!
Qui vivit sane, non videbit ista instrumenta in futurum

[Zythophilus]

Non fugies mortem, medicos autem fugere hortor,

talia si teneant horrida tela manu.

[Medicus domesticus]

Si morbo afficeris, gaudes medicum te adiuvare...

[consus]

Contra vim morbi quid nobis illa supellex?

E manibus medici surgit adaucta salus.

[Zythophilus]

Qui fueras lanius, nunc es chirurgus, Orestes.

Mutatus locus est, pol! sed idem tibi opus.

[Zythophilus]

Nomine cur digno es, medice, appellandus „Achilles“?

Tot tua consumpsit dextra, quot ille uiros.

[Zythophilus]

Nescit, quid faciat, medicus queriturque misellus.
„Qui mihi“, miratur, „carrus emendus erit?“

[Zythophilus]

Te laudas referens, quot iam sanaueris arte.

Menda, Diaule, tacent iam tua humata diu.

[Zythophilus]

Disticha de medicis mihi salsa placere uidetis.

Quae mala ut ignoscas, te, medice alme, rogo.

[Medicus domesticus]

Vita est non solum poesis....sed etiam VITA EST VITA.....