DE VERBIS NOVANDIS

[ille ego qui]

"Mundstück"
---------------
salvete sodales,
cum deliberarem, quomodo Latine redderes "Mundstück", filias linguae Latinae (dico linguas Romanicas) consului. unde didici Hispanos dicere "boquilla", Italos "bocchino". nunc autem dubito, utrum haec verba recentia originem ducant a bucina an a bucca (quod mihi quidem minus veri simile videtur)? vosne scitis?
bene valete.

[Tiberis]

equidem non dubito, quin "bocchino" a "bocca", id est bucca, derivetur. nonne bucinam appellamus cornu curvatum? at ea res , de qua agitur (scil. "mundstück") , recta esse solet, si modo de instrumentis musicis cogitamus, cf. http://www.thomann.de/at/mundstuecke_fuer_blechblasinstrumente.html. Hispanum illud "boquilla" originem a buccella (buccilla) traxisse pro certo habeo. ceterum: nonne buccam eum quoque appellamus, qui buccis inflatis instrumento canit?

[ille ego qui]

gratias tibi ago, mi Tiberis.
estne tibi aliquod verbum Latinum ad manum, quo utamur ad rem declarandam?
fac valeas.

[Tiberis]

mihi quidem vox buccellae satis apta esse videtur. quid tu sentis?

[ille ego qui]

http://www.zeno.org/Georges-1913/A/buccella?hl=buccella
Georgescius cum hoc verbo offam vel panem significari doceat neque quicquam aliud, paullum dubito, num idoeum sit ...

[RM]

Si de instrumentis musicis agitur, Lexicon Recentis Latinitatis "inflatio" et "sipho" habet, quae ambo mihi displicent. Mihi "prostomis" optimum videtur, nam est "pars tibiae, quae ori ingeritur", ut ait Leopold in lexico suo Graeco-Latino.

RM

[ille ego qui]

"Gutschein"
---------------
salvete sodales!
"ich habe einen buchgutschein bekommen."
"ich habe einen gutschein für Platons gesammelte Werke bekommen."

pergratum mihi feceritis, si ista enuntiata mihi Latine reddideritis.
valete.

[Tiberis]

salve,

nonne id, quod "gutschein" appellamus, idem est ac syngrapha, per quam quis certam pecuniam vel rem mihi se daturum promittit ? librarius enim obligatione contracta libros tanti praestare debebit, quanti syngrapham vendiderit.
ergo sic dicere licebit:
"ich habe einen buchgutschein bekommen." > syngrapha mihi data est , ex qua N.N. libros mihi se daturum praestat vel brevius: syngrapha mihi data est libris accipiendis

[Medicus domesticus]

Inveni in libro (Stowasser.. ), qui nobis bene notus est, haec:
tessera, ae f: ....2. Berechtigungsmarke [´Gutschein`]: nummaria zum Geldempfang...

[ThomasVulpius]

Christianus noster multis ante mensibus *empetriarium proposuit: em + pe + tria + arium.
Fortasse *empetriatrum quoque placet.

[ille ego qui]

quomodo

Urknall (big bang)
----------------------

Latine dicitur?
lexica novae Latinitatis ad manum non habeo ...
valete.

[consus]

...Urknall...

Ut initium fiat, amice: diruptio primordialis. Cf. Sen. nat. 2, 15.

[ille ego qui]

perpulchre, mi Conse. et quo res difficilior fiat:

"Urknalltheorie" (big bang theory)

[marcus03]

Ratio/doctrina diruptionis primordialis

http://www.zeno.org/Georges-1910/A/Theorie?hl=theorie

Urknall = Fragor primordialis/ Primordium rerum ?
(Scio fragorem re vera non fuisse, cum nec tempus nec spatium "illo tempore" fuerint.)

[consus]

Nescio an scribere nobis liceat: diremptus (Cic. Tusc. 1, 71) primordialis; ratio eqs. (O di immortales, physicus non sum .)