Abhinc ... annos

[marcus03]

Henricus Carolus Guido Gelzer philologus, historicus,
aetatis Byzantinae investigator Helveticus obit Ienae.
Natus est Kal. Iul. anno MDCCCXLVII Berolini.
Qui optime meruit de historia ad antiqitatem exeuntem et imperi Byzantini aetatem pertinente,
Ad quam melius intellegendam multum contulit.
Ab anno MDCCCLXXVIII ordinarius philologiam et antiquitatis historiam docuit Ienae.

https://de.wikipedia.org/wiki/Heinrich_Gelzer

PS:
Eodem die annis X ante Ernestus Curtius archeologus et antiquitatis historicus decesserat.
https://de.wikipedia.org/wiki/Ernst_Curtius

[marcus03]

Paulus Neruda poeta, scriptor, legatus nascitur Ricardo Eliécer Neftalí Reyes Basoalto
in oppido Parral media in Chilia sito.
Obiit a.d. IX Kal. Oct. anno MCMLXXIII in Chiliae capite.
Cui litterarum praemium Nobelianum attributum est ante L annos.
Quem faschimo fortiter restitisse et in patria et Hispania constat.

Etsi omnes desecaveris flores, prohibere non poteris, ne ineat ver.

Omnes viae ad eundem ducunt finem: aliis persuadere, qui simus.

Risus animi lingua.

Si quidem nihil est, quo a morte servemur, saltem amore a vita servemur oportet.

Qui Chiliae non novit silvas, terram non novit.

Pectus tuum sat est cordi meo, alae meae sat sunt liberatati tuae.

Amor ex recordatione nascitur, intelligentia vivit, perit oblivione.

Si ex me quaeris, quae sint carmina mea, me id nescire vobis dicere debeo;
Si autem mea interrogas carmina, vobis dicent, qui sim.

Amorem sentire eorum, qui nos quoque amamus, ignis est, quo vita nutriatur nostra.

Qui itinera non facit, non legit quique aures non praebet musicae, emori incipit.

https://de.wikipedia.org/wiki/Pablo_Neruda

[marcus03]

Gaius Iulius Caesar vir civilis, imperator, auctor in lucem editur Romae.

[Tiberis]

Pilsna Deum genuit. Sibi quid velit hoc, tibi dicam:

Non deus est, sed homo , quem memorare iubent

fasti. namque fuit cantor celeberrimus ille

suavi voce sua, quae aurea dicta fuit.

[marcus03]

Natalia Ginzburg scriptrix Italiana saeculi vicesimi gravissima nascitur Panormi.
Decessit Non. Oct. anno MCMXCI Romae.

Quae desideramus numquam redduntur vera. Vixdum, cum evanuerint, intellegemus
nostrae vitae gaudia summa extra id quaerenda, quod est.

Cottidie silentium suas victimas sibi parit messem. Silentium morbus est mortifer.

Nullum adulterium sanguine caret.

In liberis educandis imprimis memores esse debemus nobis esse prohibendum, ne
eorum vitae amor minuatur.

Non divitias timentes nos defendimus ab iis - ab earum fragilitate et vitiis, quae efficiuntur illis.
Nos vere defendimus indifferentes erga pecuniam.

Haec omnia fuerunt res, quae nunc similes esse videantur eo, quod desideramus, cum faschismus imperaret id studens, ut homines se dissolvi sinerent.

https://de.wikipedia.org/wiki/Natalia_Ginzburg

[marcus03]

Paulus Maas philologus et litterarum Byzantinarum peritus Theodiscus obit Oxoniae.
Natus est a.d. XIV Kal. Dec. anno MDCCCLXXX Francoforti, quae urbs ad Moenum sita est.
Optime meruit de arte metrica Graeca et sriptis antiquis critice inquirendis.

https://de.wikipedia.org/wiki/Paul_Maas_(Altphilologe)

[marcus03]

Andreas Gryphius poeta et dramaticus Theodiscus obit Glogoviae, ubi
in lucem editus est a.d. VI Non. Oct. anno MDCXVI.
Sonetis usus in fragilitate vitae et mundi versatus est.
Aetatis barocae lyricus omnium putatur gravissimus.

Initium saepe timet, quo iocatur finis.

Flacilla sibi dentem extrahi ultimum nuper iussit.
Tamen etiamnunc morsu est infando.

Qui infidelibus veritatem vult venditare, caecis ostendere temptat meretrices pulchras.

Nemo nocte utitur amico.

Magister, qui sibi gratiam haberi meritam postulat, quaerat nivem nigram corvosque albos!

Medio in auri acervo amor nulla re pari potest nisi amore.

Gloriam,quam appetimus
quamque aestimamus immortalem,
spes vana tantum est.

Nos Christianos appellant probos, qui cruce cruciatuque delectemur,
dummodo Deus non mittat cruciatum alienum nobis ipsis.

https://de.wikipedia.org/wiki/Andreas_Gryphius

[marcus03]

Nikolaus II imperator Russiae ultimus cum suis ad supplicium Catharinoburgi trahitur.
Natus est Nikolaus Alexandrowitsch Romanow a.d. prid. Non. Mai anno MDCCCLXVIII.
Cum quo gens imperatoria Romanoviana interiit.
Illum partim crudeliter imperasse constat e.g.seditionem anni MCMV magna crudelitate supprimendo.

Quid eveniet mihi Russiaeque toti? Paratus non sum ad Caesaris munus fungendum.
Numquam unus ex iis fieri volui. Nihil scio de imperandi negotio.

Omnes sciant me vires saluti populi dedicaturum, sed autocratiae rationem
fortiter et obstinate culturum esse similem patris desiderabilis!

Nunc ubique Europae lumina omnia exstingui coeperunt.

[marcus03]

Ioannes Carolus Otto Ribbeck philologus Theodiscus obit Lipsiae LXX annos natus.
Auctor est complurium operum de imperi Romani poesis et arte poetica.
Inter quae est historia poesis Romanae, "Tragodia Aetate Rei Publicae", "Scaenicae Romanorum Poesis
Fragmenta" ( volumina duo).
Edidit Horati Epistolas et Artem Poeticam. Versatus est et in Iuvenale poeta.
Vir summae doctrinae fuisse fertur.

https://de.wikipedia.org/wiki/Otto_Ribbeck

[marcus03]

Edgar Degas pictor et sculptor Francogallus nascitur Hilaire Germain Edgar de Gas Lutetiae,
ubi animam efflavit a.d. V Kal. Oct. anno MCMXVII i.e. primo bello mundano exeunte.

Vir inclutus libenter fieri, sed a nullo cognosci volo.

Pictor fieri potes, ingenio opus est, ut fias delineator.

Qui mihi explicare potest, qua ex causa quaedam imago pulchra sit, ei lagoenam absinthi plenam solvam.

Ars vitium est! Quod uxor ducitur, vi comprimitur.

Meam vitam egi totam conans.

Imago eodem animo conficienda est, quo scelaratus facinus committit suum.

[marcus03]

Gregorius Iohannes Mendel sacerdos OSA et postremo abbas monasterii Sancti Thomae Brunae siti
nascitur in Silesia Austriaca.
Obiit a.d.VIII Id. Ian. anno MDCCCLXXXIV Brunae.

[marcus03]

Herostratus civis Ephesius Dianae templum Ephesi incenditur, quo facinore ad astra ire cupivit.
Memoriae damnatione constituta tamen eius nomen cum isto scelere a compluribus auctoribus
proditum est, inter quos Theopompos Aelianus, Solinus,Strabo sunt.

https://de.wikipedia.org/wiki/Herostratos

[Zythophilus]

Igne deae deles, Herostrate, templa Dianae,

nomen ut haec faciat nobile flamma tuum.

[marcus03]

Carolus Augustus Sandburg poeta, fabularum scriptor, diurnarius, historicus Americanus obit
in oppido Flat Rock in Carolina boreali sito LXXXIX annos natus.
Innotuit carminibus et biographia de praeside Abraham Lincoln composita, qua sibi illud praemium
Pulitzerianum attributum est anno MCMXL.

Imaginare bellum fieri nullo profecture bellatum.

Idealista sum nesciens, quo eam, sed viam carpo meam.

Nihil fit, cui somnium quoddam non praecessit.

Vobis dico praeterita esse ollam cineris plenam.

Poesis est sonus repercussus, quo saltare iubemur.

Comitate homines multo efficacius a nobis prohibemus quam rusticitate.

Luna socia colloquendi solitariorum.

https://de.wikipedia.org/wiki/Carl_Sandburg

[Tiberis]

Mortuus est Herimannus Prey, qui plurima voce

carmina Schuberti suavisona cecinit.