Abhinc ... annos

[medicus]

Haec inveni:
Pianist/~in, m/f clavicinator, oris, m / clavicinatrix, icis, f [2020]; clavicen, inis, m / clavicina, ae, f
[LEA p.423; VBC]; clavicymbalista, ae, m / clavicymbalistria, ae, f [NLL p.292,1]; plectrocymbalista, ae,
m / plectrocymbalistria, ae, f [LEA p.423]; pulsator clavicymbali, m / pulsatrix clavicymbali, f [NLL

http://www.lateinlexikon.com/lexicon_la ... _mnopq.pdf

[ille ego qui]

De hac re iam egimus:

viewtopic.php?f=18&t=41014&p=367127&hilit=clavicen#p367127

[marcus03]

Carolus Theodorus Jaspers medicus et philosophus famae ubique terrarum magnae nascitur Oldenburgi.
Obiit a.d.IV Kal. Mart. anno MCMLXIX Basiliae, qua in urbe postremo docuerat.
Qui inter gravissimos habetur philosophos, qui ad philosophiam existentialem pertinent.

Quod inter nos colloquamur licet, eo reddimur homines.

Qui se omnia perspicere putat, philosphari desiit.

Quod erit spatium est facultatum, spatium libertatis nostrae.

Societatis fatum ratione destinatur, qua magistros veretur.

Nulla extet libertas licet, qua libertas deleatur ipsa.

Mortales sumus animo duri, amantes immortales.

https://www.google.de/search?q=karl+jas ... &sa=X&ved=

[Tiberis]

Haec inveni:
Pianist/~in, m/f clavicinator, oris, m / clavicinatrix, icis, f [2020]; clavicen, inis, m / clavicina, ae, f
[LEA p.423; VBC]; clavicymbalista, ae, m / clavicymbalistria, ae, f [NLL p.292,1]; plectrocymbalista, ae,
m / plectrocymbalistria, ae, f [LEA p.423]; pulsator clavicymbali, m / pulsatrix clavicymbali, f [NLL

sit ita, tamen "clavinista", ut scripsisti, non invenitur in illis.
ceterum nullum eorum aptum esse censeo ad eum significandum, qui clavili (vel clavichordo vel clavicymbalo) canit, ne clavicinem quidem, qui Christiano nostro placet.
cur? nonne tibicen, ut hoc exemplo utar, is est, qui tibia canit? sicut cornicinem eum appellamus, qui cornu canit, et tubicinem, qui tuba canit eqs. ex quo apparet syllabam -cen semper adiunctam esse instrumento, quo quisque canit. sed clava non est instrumentum musicum. ex quo fit, ut eum, qui clavili canit, clavilicinem vel clavilistam appellare debeamus.

[medicus]

"clavinista", ut scripsisti,

Mendum/error stili fuit, veniam peto.

[ille ego qui]

sed clava non est instrumentum musicum

Recte tu quidem, sed clavicen dicitur non a clava, sed a clavibus.
Nec desunt, qui dicant "clavibus canere". Quod mihi quidem haud a re videtur.
Valete

[marcus03]

Carolus V, imperator Sacri Imperii Romani rexque Hispaniae in lucem editur Gandiae in Batavia sitae.
Ex DOMU AUSTRIAE oriundus erat incluta.
Obiit a.d. XI Kal. Oct. annos MDLVIII in Hispania.
In cuius imperio solem numquam occidisse constat.
Q qui casus! Novo saeculo ipso ineunte nascitur ille, cuius imperium erit omnium amplissimum.

Mihi gratum est, quod de me accipio. Quo enim admoneor de ingenio, quo me futurum fuisse oportuit. .

Qui parum dat, profundit, quod dedit.

Victoria numquam careat oportet misericordia.

Quot linguis uti potes, tantum es hominis.

Si religio et fides e mundo depulsae et fugaces essent, eas hospitio velim recipere.

Beatitudo istar est feminae naturae: quae si nimis appetitur, plerumque longius discedit.

https://www.google.de/search?q=karl+der ... &sa=X&ved=

https://de.wikipedia.org/wiki/Karl_V._(HRR)

[Zythophilus]

Cuius in imperio Phoebus non occidit umquam,

est natus Carolus, Scaldis ubi arua lauat.

[marcus03]

Franciscus Xaverius Kroetz actor, scaenarum dispositor, auctor dramaticus nascitur Monachii.

https://de.wikipedia.org/wiki/Franz_Xaver_Kroetz

https://www.google.de/search?q=franz+xa ... &sa=X&ved=

Coniugium caelum non est, sed facultas vitam probe quadam cum laetitia agendi.

Si successus mihi non contingeret prosper , mortem mihi consciscerem.

.

Obiter de ridendo: Nemo est, qui nos non ridere nolit.
Multum quidem refert, quo rideamus.

Fides omnino fieri non potest. Quam non exspecto. Exspecto amorem, exspecto animi applicationem.
Sed semper laedor, cum decipior.

Qui in verborum indice invenitur, vasa sordida abluere non debet.

[Tiberis]

Fernandel moritur. Domini persona Camilli

magnam salsa viro notitiam dederat.

[marcus03]

Victor-Marie Vicomte Hugo scriptor et vir civilis Francogallus in lucem editur Vesuntione.
Obiit a.d. XI Kal. Iun. anno MDCCCLXXXV Lutetiae.
Cum Moliere, Voltaire Balzacque in Francogallia habetur auctor omnium gravissimus.
Cuius opus, quod "Notre-Dame de Paris" inscribitur, compluries in pelliculas conversum esse quis ignoraverit.
Ad aetatem cum Romanticam tum Realismi pertinet.

Tuas muta opiniones, sed tibi consta! Tua muta folia, sed tuas retine radices!

Aestas, quae abit, instar amici valedicentis.

Deus mundum creavit, fecit vinum homo.

Musica exprimit, quod dici non liceat et id, de quo fieri non possit, ut silentio praetereatur.

Nihil est maioris roboris cogitatione subita, cuius tempus adest.

https://www.google.de/search?q=Victor+H ... &sa=X&ved=

[medicus]

persona salsa

= persona aure fissa

[Zythophilus]

Martyris ossa uetant mortales uendere leges,

sed uendunt homines ossa sacrata tamen.

[marcus03]

Alfred Hrdlicka sculptor, delineator, pictor, auctor,scacilusor Austriacus nascitur Vindobonae,
qua in urbe obiit Non. Dec. anno MMIX.

Deus carus quidem tam carus non est, ut ei, cui nihil est, quod quadam re contineatur,
formam det dono.

Polygamia inanis non est. Muslimi stulti non sunt. Res est quidem mirifica, si qua femina semper adest.

Potius ille sum spiritus, qui supra aquam suspensus est, nec me adesse debere pati possum.

In quaestione sui porta patefit glorificationis sui

Revera perpauci sunt, quos perferam.

https://www.google.de/search?q=alfred+H ... =isch&ved=

[marcus03]

Michel Eyquem de Montaigne,qui et Michael Montanus appellatur,iurisconsultus,
philosophus scepticus, humanista Francogallus nascitur in provincia, quae Perigord appellatur.
Obiit Id. Sept. anno MDXCII in loco natali.
Qui est conditor scribendi generis, quod ESSAYISTIK nominatur.

Nullus est ventus opportunus nescienti, quo navigare velit.

Fieri non potest, ut ei, qui natus est caecus, explicemus se visu carere.

Interrogatus,cur itinera faciam, respondeo: Non ignoro, quid fugiam, sed ignoro, quid quaeram.

Ad veritatem quaeraendam nati sumus. Quam possidere privilegium est potestatis maioris.

Si vir cuidam feminae promittit se eam amaturum in omne tempus, praesumit
eam semper dignam fore, quae ametur.

Cui bono mihi sunt colores nescienti, quid pingam?

https://www.google.de/search?q=michel+d ... =isch&ved=

https://de.wikipedia.org/wiki/Michel_de_Montaigne