LATINITAS VIVA

[ThomasVulpius]

At etiam sunt, qui in universitate non solum medicinae, sed etiam Linguae Latinae studuerint...

Tune in studiorum universitate linguae Latinae operam dederis, scire aveo.

[marcus03]

cf:
viewtopic.php?f=18&t=43649&p=329204#p329204

[ThomasVulpius]

Salvī sint omnēs, quī in thermopōliīs *Macciī *Donaldī pāstilla isiciāta tuburcinārī soleant!

Equidem vōcem "pāstillāriī et isiciāriī" prōpōnō.

Vōsne figūram dēlīneātam nōmine "Sponge Bob" (Latīnē: *Robertum spongium) nōveritis, scīre aveō.

Bene valēte et ante respondēte quam pāstillīs isiciātīs refertī dīrumpiminī!

Utrum hoc commentāriolum per rīdiculum an sevērē cōnscrīpserim, nēmō scit nisī vēnditor ille pāstillōrum isiciātōrum spongius.

Thōmās vester, comēsor pāstillōrum isiciātōrum

[ThomasVulpius]

Salvēte, hominēs *ēlectricī!

Lexicon auxiliāre vōcem "capsam contāctūs ēlectricī" continet.

Quia autem haec vōx quibusdam longior esse vidētur, egō, quī Graeculus sim, breviōrem prōpōnō: *rheumatódotrum. Hoc verbum ē Graecō (sc. verbō) ὁ *ῥευματοδοτήρ ductum est, quod arte item compositum erat - ā mē ipsō scīlicet!

Bene valēte et respondēte!

Thōmās vester, homō omnīnō *ἀνήλεκτρος

https://images.gutefrage.net/media/fragen-antworten/bilder/185985970/0_original.jpg?v=1449408462000

[Tiberis]

miror, quod translationes Latinas a nobis petis, cum verba Graeca aptiora tibi videantur.
sed ad rem ipsam: ego proponere ausim: ostium (vel ostiolum) electricum

[ille ego qui]

alii capsam (sc. electricam) appellant, alii inter foramen (sc. electricum) et filum (sc. electricum) distinguunt. sed operae pretium esse non arbitror in hac quaestiuncula plus operae oleique consumere

[Exinterator]

vulpius quidem maius operae pretium fecerit si digitos in foramen/ostium electricum vel quomodocumque aliter id vocetur insereret

[ThomasVulpius]

Prōpōnō vōcem "cavillātōris rētiālis" vel "cavillātiōnis rētiālis".

Quā vōce mē nōminētis, rescīscere velim.

[ThomasVulpius]

si ex contextu luce clarius est, id verbum ad fora interretis pertinere, talis homo nihil nisi turbulentus dici possit.

Vōcem "turbulentī rētiālium contrōversiārum excitātōris" prōpōnō.

[ThomasVulpius]

1) omnia interrogata huius generis fatigant animum, nihil sunt nisi garrimenta quae deiciunt latinitatem in coenum

Ea est ars Latīnē scrībendī loquendīque, ut dē omnibus ferē rēbus vītae modernae, quae dīcitur, Latīnē colloquī possīmus. Quae ars nisī tibī placeat, fora Britannicē loquendī adī! Nam ferē omnēs hominēs Britannicē loquī sciunt.

[ThomasVulpius]

Malim tacere omnibus linguis quam garrire isto pacto.

In Latīnē garriendō sunt omnia!

Tē etiam, quī sit color subligāris meī, certiōrem facere velim, sed nesciō an hoc nōn scīre cupiās.

Sed tē *ectoplasma esse certiōrem faciō.

http://www.pugna-in-saltu-teutoburgiensi-facta.de/ectoplasma_est.html

Quī potest eī haec lūx aut huius caelī spīritus esse iūcundus, (cf. CIC. Catil. 1,15) cuius in aedibus *ectoplasma nōn appāruit? Domī meae certē (sc. *ectoplasma appāruit)! Nōnne igitur tibī dignus, quī beātus vocer, esse videor?

http://www.pugna-in-saltu-teutoburgiensi-facta.de/de_emanatione_ulteriore.html

[ille ego qui]

Ipse, Vulpi, uides, quot uerbis id, quod talis homo agat, descripseris. Itaque uerbum idoneum in lingua Latina non esse existimo.

nolo homo emunctae naris videri. ipse enim nescio, quod quaero:
estne scribendum "agat" an "ageret"?
ad rem: nonne nomen Vulpii rem penitus complectitur?

vae

[Exinterator]

vulpius ita nos contemnit ut maxime idoneos putet a quibus translationem latinam huiusce vocis petat! ludificare nos et pro stultis habere pergit.

[Exinterator]

moderatorem de re iam certiorem feci, eius responsum opperior

[ThomasVulpius]

nolo homo emunctae naris videri. ipse enim nescio, quod quaero:
estne scribendum "agat" an "ageret"?
ad rem: nonne nomen Vulpii rem penitus complectitur?

vae

Mē abōminābilem esse sciō.

https://www.youtube.com/watch?v=qMXgpSTVX2Y

Bonī philologī est capillum prōmittere, (cf. PLAVT. Rud. 377) *discothēcās adīre, mūsicam aerisonam audīre, in āreā saltandī caput quassāre, "Lemmy forever!" vōciferārī.

*Quassatorēs capitum (Britannicē: "Headbanger") dīcere solent:
"Bang the head that doesn´t bang!"
Latīnē: "Caput eius, quī mūsicam aerisonam auscultāre nōn solet, contunde!"