Quomodo verbum "nefarii" convertatur, resciscere velim

[ThomasVulpius]

Salvete, homines hodierni!

Vocabularia pro "nefario" saepe hanc vocem praebent: "ruchlos". At id verbum procul dubio obsoletum est.

Quid vestrum aptam temporibus nostris vocem scit?

Bene valete et respondete!

Thomas vester

[Tiberis]

sunt multa quidem verba, quae nostris quoque temporibus in usu sunt:
frevlerisch, gottlos, verabscheuungswürdig, verflucht , schändlich eqs.

[ille ego qui]

in verbis obseletis in usum et vitam revocandis sunt omnia! :p

[marcus03]

sunt multa quidem verba, quae nostris quoque temporibus in usu sunt:
frevlerisch, gottlos, verabscheuungswürdig, verflucht , schändlich eqs.

Dubito illas voces hoc tempore saepe audiri, si homines aguntur. In sermone vulgari vixdum inveniuntur
et quasi exstinctae videntur.

Propono: böse Leute, üble Leute/Burschen, Verbrecher, skrupellose Menschen o.ä.

PS:
Vocem "gottlos" nusquam nisi in contextibus religiosis aut ecclesiasticis offendi opinor. Inter eos, qui eruditi litteratique vocantur, Deum/deos esse minores atque minores putare videntur, cum numerus eorum "fidelium" , qui se vi ac violentia, caede, insidiis aliisque crudelitatis generibus usos pro Deo pugnare dicunt, in dies augeri
videatur.

[Laptop]

Adiectivum “nefarium” germanice reddam imprimis verbo “schändlich” et “unmoralisch”, vel sermone communi potius “kriminell”, “ungehörig”, “unanständig”. Haec notio tamen, si accurate reddere velis, utique olet vetuste. Anstand und Moral gilt heute als altväterlich!

[ille ego qui]

dubito verumne dicas - licet nunc adulescentium alia sit recti honestique opinio, licet verba mutentur ...