Magister docendi peritus primo ingenia perspicit eorum,
qui ei educandi sunt.Diligens erit in cogitando,
quemadmodum cuiusque animus tractandus sit.
Alii saepe hortandi sunt,alii imperiis magistrorum parentumque
resistunt.Metus magistri alios retinet,alios rumpit.Quot
liberi,tot sunt ingenia diversa.Optandum autem est,ut discipuli
laude excitentur neque verberentur.Libenter magister liberis
interrogantibus respondet,non interrogantes ultro evocat.